Morgunblaðið - 29.04.2008, Blaðsíða 16

16 ÞRIÐJUDAGUR 29. APRÍL 2008 MORGUNBLAÐIÐ
SUÐURNES
Ljósmynd/Dagný Gísladóttir
Opnun Björk Guðjónsdóttir, formaður menningarráðs Reykjanesbæjar,
ávarpar gesti við opnun Listasmiðjunnar á Vallarheiði.
Eftir Helga Bjarnason
helgi@mbl.is
Reykjanesbær | „Það virðist strax
vera að komast líf í húsið,“ segir
Haraldur Árnason, formaður Félags
myndlistarmanna í Reykjanesbæ.
Félagið er einn þeirra menningar-
hópa sem fá aðstöðu í Listasmiðju
Reykjanesbæjar á Vallarheiði.
Reykjanesbær tók á leigu um þús-
und fermetra húsnæði, sem Há-
skólavellir eiga við Víkingabraut á
Vallarheiði, fyrir menningar- og
tómstundahópa. Húsnæðið var
byggt fyrir tómstundastarfsemi á
vegum bandaríska sjóhersins á
Keflavíkurflugvelli og er aðstaðan
því góð. Húsið er nú nefnt Lista-
smiðjan en þó einnig haldið í gamla
heitið, Hobby Center.
Í Listasmiðjunni verður fjölbreytt
menningar- og tómstundastarf. Út-
skurðarhópurinn Einstakir fær tré-
smiðju hússins til afnota, ljósmynda-
klúbburinn Ljósop hefur komið sér
upp vinnu- og félagsaðstöðu og
myndlistarfólk hefur verið að
hreiðra þar um sig. Auk þess fá kór-
ar æfingaraðstöðu og ýmsir aðrir
menningar- og tómstundahópar.
Rúmgott og bjart
Félag myndlistarmanna hefur
haft aðstöðu í Svarta pakkhúsinu við
Hafnargötu. Fyrirhugað er að rífa
það húsnæði. Hermann Árnason for-
maður segist sakna gömlu aðstöð-
unnar en fagna um leið þeirri nýju.
Hún sé rúmgóð og björt. „Þetta gef-
ur okkur tækifæri til að breiða að-
eins úr okkur og bjóða upp á lifandi
og skemmtilega vinnuaðstöðu,“ segir
Hermann.
Námskeiðahald á vegum félagsins
flyst í Listakringluna og einnig fá fé-
lagsmenn aðstöðu til að koma saman
til að mála. Sýningaraðstaða verður í
rúmgóðum sal. Þarna verður því lif-
andi starfsemi, að sögn Hermanns,
og sambýli ólíkra menningar- og
tómstundahópa mun auka á sköpun-
argleðina.
Opnað á handverkshátíð
Listasmiðjan var formlega opnuð
á frístundahátíð sem að þessu sinni
fór fram í húsnæðinu sl. laugardag.
Lista- og handverksfólk sýndi verk
sín, tól og tæki. Að sögn Ásmundar
Friðrikssonar, verkefnisstjóra hjá
Reykjanesbæ, komu um tvö þúsund
gestir á hátíðina. Kveðst hann
ánægður með hátíðina.
Nú þegar er komið líf
í nýju Listasmiðjuna
Í HNOTSKURN
»Húsnæði Listasmiðjunnar áVallarheiði er um þúsund
fermetrar og var það byggt árið
1978. Þar var áður ýmis tóm-
stundastarfsemi fyrir banda-
ríska hermenn á meðan á dvöl
þeirra hér á landi stóð, svonefnt
Hobby Center, og var reksturinn
í höndum Tómstundadeildar sjó-
hersins.
»Húsnæðið er því sérsniðið aðtómstundastarfsemi og að-
staðan fyrsta flokks. Félögin fá
betra og stærra húsnæði en áður.
Menningarhús
opnað í Hobby
Center á Vellinum
Eftir Svanhildí Eiríksdóttur
Reykjanesbær | „Ávinningurinn er
fyrst og fremst sá að rútínuvinnan
minnkar og nú hefur starfsfólk
meiri tími til þess að sinna öðrum
verkefnum á safninu, svo sem upp-
lýsingaleit, aðstoð við efnisöflun og
ábendingum um lestur,“ sagði
María Ögmundsdóttir, vaktstjóri á
Bókasafni Reykjanesbæjar, spurð
um ávinninginn af aukinni sjálf-
virkni á safninu.
Sjálfsafgreiðsluvél hefur verið
tekin í notkun á Bókasafni Reykja-
nesbæjar. Framvegis geta skilvísir
notendur afgreitt sig sjálfir, fengið
bækur að láni, skilað safngögnum
og framlengt. Að sögn Maríu hefur
fólk tekið þessum nýja þjón-
ustuþætti vel og margir verið vilj-
ugir að prófa vélina. Hún sagði
marga lánþega mjög sjálfstæða
þegar kæmi að efnisvali og þeir
vildu gjarnan hjálpa sér sjálfir.
Unga fólkið hefði ekki síður verið
duglegt að notfæra sér sjálfs-
afgreiðsluvélina og yngstu notend-
urnir væru mjög spenntir yfir
henni. „Sjálfvirknin gefur starfs-
fólki kost á að vera sýnilegra og
bjóða upp á persónulegri þjón-
ustu.“
Katrín Sigurðardóttir, einn af
fastagestum bókasafnsins, var
ánægð með sjálfsafgreiðsluvélina,
þó sagðist hún í samtali við blaða-
mann ekki síður koma á bókasafnið
til þess að hitta fólk. „Ég hef verið
lesandi bækur alla mína tíð og vissi
ekkert betra í æsku en komast í
bækur. Seinna fékk ég alltaf marg-
ar bækur í jólagjöf og ég hef verið
sílesandi,“ sagði Katrín, sem kem-
ur að meðaltali tvisvar í viku á
safnið. Auk bóka gluggar Katrín
gjarnan í prjónablöð en hún rekur
Prjónastofu Katrínar í Njarðvík.
Morgunblaðið/Svanhildur Eiríksdóttir
Sjálfsafgreiðsla Katrín Sigurðardóttir er ánægð með sjálfsafgreiðsluvél-
ina þó hún komi ekki síst á bókasafnið til þess að hitta fólk og spjalla.
Ný tækni flýtir
fyrir afgreiðslu
Þorlákshöfn | Myndasýning hefur
verið opnuð í skrúðgarði Þorláks-
hafnar og er það þriðja sýningin
sem þar er haldin.
Heiðurinn að nýrri sýningu á
Þorlákshafnarbúinn Magnús Har-
aldsson. Magnús er mikill áhuga-
maður um sögu staðarins og hefur
safnað ljósmyndum er tengjast upp-
hafi byggðar í Þorlákshöfn. Hann
kom með þá tillögu að á sýningunni
yrði úrval fréttamynda og texta úr
úrklippusafni Gunnars Markús-
sonar, sem var forstöðumaður
bóka- og minjasafnsins Egilsbúðar
þar til hann lést árið 1997.
Eitt af mörgu sem Gunnar safn-
aði voru úrklippur og ljósrit af því
sem ritað hafði verið um Þorláks-
höfn í dagblöðum. Úrklippunum
raðaði hann eftir ártali í möppur og
er hægt að skoða þær á Bæjar-
bókasafni Ölfuss.
Gamlar fréttir
á sýningu í
skrúðgarðinum
LANDIÐ
Hvanneyri | „Kvæði og spuni“ er
yfirskrift dagskrár sem verður í
Landbúnaðarsafni Íslands á
Hvanneyri annað kvöld, miðviku-
dag, kl. 20.30. Dagskráin er í
samvinnu safnsins og Ullarsels-
ins.
Bjarni Guðmundsson og fleiri
flytja innlend kvæði og ljóð, lesin
og sungin. Kvæðin eiga það öll
sameiginlegt að vera tengd grip-
um Landbúnaðarsafnsins, svo sem
ljáum, hrífum, eldsmiðju, hesta-
sláttuvél, jarðýtu og skurðgröfu,
að rokkunum ógleymdum. Ullar-
selskonur munu teygja lopann og
spinna þræði snurðulaust á rokka
sína undir flutningi kvæðanna.
Kvæði og spuni í
landbúnaðarsafni
á Hvanneyri
Dalir | „Við lítum björtum augum
til framtíðar og höfum að leiðarljósi
að reka fyrirmyndarhjúkr-
unarheimili að Fellsenda um ókom-
in ár,“ segir Ólafur Kristjánsson,
framkvæmdastjóri Fellsenda.
Heimilið var með opið hús í tilefni
af fjörutíu ára afmæli sínu á sum-
ardaginn fyrsta.
Heimilismenn eru nú 24 og að
sögn Ólafs er aðstaða fyrir 28 og er
stefnt að því að hún verði fullnýtt
um mitt sumar. Heldur hefur rofað
til í starfsmannamálum að und-
anförnu og það hefur skapað að-
stöðu til að fjölga heimilismönnum.
Ólafur tekur jafnframt fram að um
leið sé nauðsynlegt að það haldist í
hendur við þjónustuna því mik-
ilvægt sé veita áfram þá góðu þjón-
ustu sem hefði er fyrir á Fellsenda.
Stefnt er að því að ráða sjúkra-
þjálfa og iðjuþjálfa í hlutastarf til
að auka þjónustuna.
Sigríður Hjördís Jörundsdóttir
sagnfræðingur hefur verið að
skrifa bók um sögu Fellsenda, „Í
skjóli fellsins“. Hún afhenti Óskari
Inga Ingasyni, formanni stjórnar
Fellsenda, handrit að bókinni á
opna húsinu en fyrirhugað er að
bókin komi út síðar á árinu.
Merkileg saga
Hjúkrunarheimilið á sér sérstaka
sögu. Finnur Ólafsson lét allar eig-
ur sínar renna til stofnunar sjóðs til
minningar um foreldra sína. Hon-
um átti að verja til að „reisa og
styrkja dvalarheimili gamalmenna í
Dalasýslu“, eins og það er orðað í
erfðaskrá Finns, og átti það að rísa
í landi Fellsenda. Finnur lést 1957.
Starfsemi hófst á árinu 1967 og
heimilið var síðan vígt 25. apríl
1968.
Morgunblaðið/Björn Anton Einarsson
Viðurkenning Báru og Ernu Hjaltadætrum var veitt viðurkenning fyrir
vel unnin störf frá stofnun heimilisins. Með þeim eru Ólafur Kristjánsson
framkvæmdastjóri og Ína Rúna Þorleifsdóttir hjúkrunarforstjóri.
Áfram rekið fyr-
irmyndarheimili
Hvanneyri | Fulltrúar frá Jakútíu í
Rússlandi hafa verið í heimsókn hér
á landi að undanförnu til að kynna
sér hrossarækt. Ræktunarbú voru
heimsótt og Landbúnaðarháskóli Ís-
lands á Hvanneyri.
Þriggja manna sendinefnd frá
Ríkislandbúnaðarháskólanum í
Jakútíu var á ferðinni ásamt Victor
I. Tatarintsev, sendiherra rússneska
sambandsríkisins. Markmið heim-
sóknar þeirra til Hvanneyrar var að
skoða hugsanlegt samstarf milli há-
skólanna og kynnast reynslu Íslend-
inga í hrossarækt, samkvæmt upp-
lýsingum Þorbjargar Valdísar
Kristjánsdóttur, alþjóðafulltrúa
Landbúnaðarháskólans. Talið er að
hægt sé að nota svipaðar aðferðir við
ræktun og þjálfun hrossa í Jakútíu
og Íslandi en jakútískur hestur er
sérstök tegund sem er að finna í
Norður- og Mið-Síberíu og svipar
mjög til hesta frá Hjaltlandseyjum
sem og íslenska hestsins.
Rektorar háskólanna, þeir Ágúst
Sigurðsson og Leonid N. Vladimir-
ov, funduðu um samstarf en þess má
geta að rússnesk yfirvöld hafa
ákveðið að hleypa af stokkunum sér-
stöku átaki til eflingar hrossarækt í
Jakútíu. Í viðræðum rektoranna var
sérstaklega rætt um samstarf á sviði
erfða- og kynbótafræði og meðal
annars ákveðið að útvíkka rannsókn
sem nú stendur yfir hjá LBHÍ á upp-
runa íslenska hestsins og fella jakút-
íska hestinn þar inn, samkvæmt upp-
lýsingum Þorbjargar.
Brugðu sér á bak
Sendinefndin heimsótti meðal
annars hestamiðstöð Landbúnað-
arháskólans á sumardaginn fyrsta
þar sem fylgst var með skeifudegi
nemenda af miklum áhuga undir
leiðsögn Ingimars Sveinssonar
hestafræðings. Fulltrúarnir luku svo
deginum með því að bregða sér á
hestbak.
Jakútar kynna sér
íslenska hrossarækt
Morgunblaðið/Helgi Bjarnason
Reiðhöll Fulltrúar Jakútíu skoðuðu meðal annars reiðhöllina á Mið-
Fossum í Andakíl en Landbúnaðarháskólinn hefur þar aðstöðu.