Morgunblaðið - 11.06.2008, Side 24

24 MIÐVIKUDAGUR 11. JÚNÍ 2008 MORGUNBLAÐIÐ
UMRÆÐAN
Munnsöfnuður Þór-
arins H. Ævarssonar,
framkvæmdastjóra
IKEA, og djúpstætt
persónulegt hatur á
bæjarstjóranum í
Kópavogi ber ofurliði
allar tilraunir hans til
umræðu um skipulags-
mál í bænum. Framganga hans hef-
ur oft ofboðið mér en eftir óhróð-
urinn, sem Morgunblaðið dreifði
fyrir hann á sunnudag, get ég ekki
orða bundist. Ruddaskapur hans í
ræðu og riti sýnir hversu illa honum
fer að fella palladóma um annað
fólk.
Að mati Þórarins
eru bæjaryfirvöld í
Kópavogi spillt:
„Bæjaryfirvöld
gerðu hið óhugsandi
og kusu að ganga til
liðs við lóðabraskarana
og verktaka í stað þess
að gæta hagsmuna
umbjóðenda sinna og
brugðust þar með al-
gerlega hlutverki
sínu.“
„Verktakar hafa síð-
an notið sérstakrar
fyrirgreiðslu í bæjarfélaginu, því
þeir virðast geta starfað án tilskil-
inna leyfa og ekki eru gerðar kröfur
til þeirra varðandi nánasta um-
hverfi.“
Þórarinn sakar bæjaryfirvöld um
siðleysi:
„Ég hef upplifað ótrúlegan hroka
og valdníðslu bæjarstjórnarmeiri-
hlutans sem skirrist ekki við að
beita hálfsannleik, útúrsnúningum,
ósannindum og vægast sagt ótrú-
verðugri tölfræði þegar það hentar
málflutningi þeirra.“
„Það þarf ríkulegan skammt af
siðblindu til að geta túlkað þessa
niðurstöðu sem hvítþvott fyrir
stefnu bæjarins í skipulagsmálum.“
Þórarinn kvartar undan hroka en
vílar ekki fyrir sér að ausa bæj-
arstjórann persónulega auri:
„Ég las í tímariti ekki fyrir löngu
að bæjarstjórinn titlaði sig doktor í
drullu þegar vel liggur á honum.
Aldrei þessu vant þá er ég sammála
bæjarstjóranum. Fyrir mitt leyti er
það réttnefni, enda veruleg skíta-
lykt af þessu máli öllu. Í sömu grein
var því haldið fram að hann væri
hörkuduglegur og skarpgreindur.
Ég efast ekki um dugnað þinn
Gunnar en ég sakna sárlega að þú
nýtir ekki umræddar gáfur í þessu
máli okkur öllum til hagsbóta.“
Þórarinn bítur svo höfuðið af
skömminni þegar hann líkir bæj-
arstjóranum við nasista:
„Ég geri fleyg orð sir Winston
Churchill, sem var forsætisráðherra
Bretlands í seinna stríði, að loka-
orðum mínum, en hann mælti þessi
orð eftir sögulegan sigur Banda-
manna á Þjóðverjum við El Alamein
um miðbik seinna stríðs: „Þetta er
ekki endirinn, þetta er ekki einu
sinni upphafið á endinum, heldur
mögulega endirinn á upphafinu.“
Ég þarf væntanlega ekki að taka
það fram að þarna sé ég samtökin
Betri byggð á Kársnesi í hlutverki
bandamanna í þessari samlíkingu og
þá segir það sig sjálft í hvaða hlut-
verki bæjarstjórinn er.“
Ég bið Gunnar I. Birgisson afsök-
unar á því að birta þennan maka-
lausa róg og persónuárásir Þórarins
H. Ævarssonar en það er óhjá-
kvæmilegt því að hans eigin orð lýsa
best þeim manni sem hann hefur að
geyma og hvort mark er á honum
takandi.
Finnst IKEA og íbúasamtök-
unum Betri byggð á Kársnesi vera
sómi að svona forsvarsmanni?
Ómerkingur úr tengslum við raunveruleikann
Aðalsteinn Jónsson
gerir athugasemdir
við málflutning
Þórarins H.
Ævarssonar
» Finnst IKEA og
íbúasamtökunum
Betri byggð á Kársnesi
vera sómi að svona for-
svarsmanni?
Aðalsteinn Jónsson
Höfundur er sjálfstæðismaður og
áhugamaður um byggð í heimabæ
sínum Kópavogi.
ÁSTÆÐA er til að
fagna því að hinn nýi
Tækniskóli – skóli at-
vinnulífsins – býður
nemendum úr grunn-
skólum að hefja nám í
grunndeild málmiðna
í haust. Vert er að
vekja athygli á þessu
nú þegar nemendur
úr efstu bekkjum
grunnskóla gera upp
hug sinn um hvert
leita skal um frekara
nám. Með nýsam-
þykktum lögum um
framhaldsskóla er
verk- og starfsnám
lagt að jöfnu við bók-
nám og greið leið til
frekara náms eftir að
iðnnámi lýkur fyrir
þá sem það kjósa.
Þessi nýja skipan ætti að auka
áhuga metnaðarfullra ungmenna á
iðnnámi sem sannarlega er bæði
fjölbreytt og áhugavert og veitir
ýmsa möguleika sem öðrum gefast
ekki. Í málm- og véltækniiðnaði er
t.d. mikil eftirspurn eftir góðum
iðnaðarmönnum til tæknilegra
krefjandi verkefna í góðu starfs-
umhverfi sem gefa ágætar tekjur.
Því er tímabært að vekja at-
hygli ungs fólks og foreldra þeirra
á iðnnámi og skoða vel það sem
stendur til boða á þeim vettvangi.
Í málm- og véltækniiðnaðinum er
nú um tugur skóla víða um land
sem reka grunn-
deildir málmiðna sem
tekur tvo vetur. Að
þeim loknum þurfa
nemendur að taka
ákvörðun um hvort
farið er í blikksmíði,
málmsteypu, renni-
smíði, stálsmíði eða
vélvirkjun. Sá hluti
námsins tekur tvær
annir í skóla og auk
þess fimmtán mánuði
í starfsþjálfun á
vinnustað. Síðan lýk-
ur náminu á sveins-
prófi og er það við-
urkenning á
eftirsóttum og sér-
hæfðum starfskrafti.
Að þessum fjórum ár-
um liðnum eru uppi
tveir valkostir: halda
áfram námi eða fara
að út á vinnumark-
aðinn með full rétt-
indi í sínu fagi.
Með þessum línum er hæfi-
leikaríkt ungt fólk, sem er að
ljúka grunnskólanámi, hvatt til að
kynna sér áhugavert nám í málm-
og véltækni. Tækniskólinn og tug-
ur annarra skóla bjóða nám í
grunndeildum málmiðna. Á hinum
endanum bíða málmtæknifyrirtæki
sem þurfa á góðum og vel mennt-
uðum iðnaðar- og tæknimönnum
að halda næstu ár og áratugi. Þar
mun tæknisamfélagið blómstra í
framtíðinni.
Málmiðnaður í
Tækniskólanum
Brynjar Haraldsson
skrifar um nýtt nám
í málm- og véltækni
Brynjar Haraldsson
»Með nýsam-
þykktum
lögum um fram-
haldsskóla er
verk- og starfs-
nám lagt að
jöfnu við bók-
nám.
Höfundur er formaður Málms,
vélvirki- og tæknifræðingur.
ÉG sá ekki betur en að Bragi
Ásgeirsson væri að kveðja les-
endur í seinustu myndlistargrein
sinni hér í Morgunblaðinu. Bragi
hefur ritað greinar og rýni hér í
blaðið í ríflega fjóra áratugi –
geri aðrir betur. Hann hefur far-
ið víða um lönd og álfur og miðl-
að myndmenningu af fjarlægum
slóðum heim til Íslandsstranda.
Þannig hefur hann auðgað mynd-
sýn okkar og fært okkur les-
endur nær straumum og stefnum
í myndlist samtímans.
Fátt er mikilvægara góðum
gagnrýnanda en reynsla og yf-
irsýn. Hér kemur löng ganga um
lendur myndlistarinnar heldur
betur að gagni. Að vísu er erf-
iðara að rýna í myndlist núsins
vegna þess oft þrönga samtals
sem myndlistarmaðurinn á við
aðra myndlistarmenn og inn-
vígða. Listsagnfræðingar eru líka
teknir að móta listasöguna í
krafti yfirráða yfir söfnum. Bragi
virðist ekki alltaf glaður með
þessa sjálfheldu myndlistarinnar
og þann kalda veruleika sem hef-
ur á margan hátt breytt mynd-
listinni í nýjan veruleika.
En Bragi hefur í senn afrekað
að víkka sýn okkar á myndlist-
arsviðið og líka sett spurning-
armerki við marga tískusveifl-
una. Dagblað fer gjarnan í
öskutunnu morgundagsins. En
andblær menningar vakir áfram í
hugskoti lesandans og rýfur
þagnarmúra.
Ólafur M. Jóhannesson
Ég sakna Braga
Höfundur er ritstjóri.
STJÓRN Hjarta-
heilla, landssamtaka
hjartasjúklinga, fagnar
hjartanlega samningi
hjartalækna og heil-
brigðisráðuneytisins
sem tók gildi 5. maí sl.
Þar með eru hjarta-
sjúklingar ekki lengur háðir tilvís-
unarskyldu til hjartalæknis en sú
kvöð hefur hvílt á hjartasjúklingum
og þeim sem þurft hafa á hjarta-
lækni að halda í rúm tvö ár.
Á fundi sem fulltrúar Hjarta-
heilla áttu með heilbrigðisráðherra,
Guðlaugi Þór Þórðarsyni, síðastlið-
inn vetur lýsti ráðherra yfir ein-
dregnum vilja til að ná sam-
komulagi við hjartalækna en sú
vinna mundi fara fram samhliða
samningagerð við aðra sér-
fræðilækna en hjá allmörgum
læknastéttum rann samningstíminn
út nú í vor.
Á fundum samtakanna með
hjartalæknum og fulltrúum ráðu-
neytisins kom einnig fram sami vilji
til samkomulags þrátt fyrir að hvor-
ugur aðili virtist hafa fjárhagslegan
ávinning af því. Báðum samningsað-
ilum var hins vegar ljóst að óbreytt
ástand bitnaði fyrst og fremst á
hjartasjúklingum.
Sjúklingar þurfa nú ekki lengur
að leggja út fyrir öllum kostnaði
vegna þjónustu hjartalækna og
sækja síðan um endurgreiðslu á
hluta sínum til Tryggingastofnunar
heldur einungis að greiða sinn hlut í
kostnaði við þjónustuna.
Samningurinn gildir um alla
hjartalækna sem voru í starfi í apríl
2008 og tekur til þjónustu sem veitt
er utan sjúkrahúsa. Samningurinn
gildir frá 5. maí 2008 til og með 31.
mars 2010.
Meginmarkmið með samningum
við hjartalæknana er að tryggja
bætta þjónustu við hjartasjúklinga
og gera leið sjúklinga að þjónustu
þeirra greiðari og sambærilega við
það sem gildir um aðra sér-
fræðiþjónustu.
Samningurinn milli samninga-
nefndar heilbrigðisráðherra og
hjartalækna er á sömu nótum og
samningur sem undirritaður var
fyrir skömmu og tekur til þjónustu
annarra sérfræðilækna.
Stjórn Hjartaheilla þakkar báð-
um aðilum fyrir að samningar skuli
nú hafa tekist.
Hjartaheill fagna samningi
við hjartalækna
Guðmundur
Bjarnason og
Ásgeir Þór Árnason
fagna samningi
Hjartaheilla og
heilbrigðis-
ráðuneytis
Guðmundur
Bjarnason
» Stjórn Hjartaheilla
fagnar samningi
hjartalækna og heil-
brigðisráðuneytisins
sem tók gildi 5. maí sl.
Guðmundur er formaður og
Ásgeir Þór er framkvæmdastjóri
Hjartaheilla.
Ásgeir Þór
Árnason
Á bæjarstjórn-
arfundi Álftaness hinn
22. maí sl. var sam-
þykkt nýtt miðbæj-
arskipulag. Það var
samþykkt með atkvæð-
um meirihluta Á-lista
gegn atkvæðum minni-
hluta D-lista. Skipu-
lags- og byggingarfull-
trúa var falið að senda
deiliskipulagstillöguna til sam-
þykktar hjá Skipulagsstofnun og
auglýsa niðurstöður. Skipulag þetta
hefur verið skírt Grænn miðbær.
Á Álftanesi hefur lengi verið
ágreininngur um skipulag og upp-
byggingu miðsvæðisins. Þannig risu á
síðasta kjörtímabili mótmæli, sem
byggðust á huglægum rökum eins og
að gildandi skipulag uppfyllti ekki
kröfur íbúa, hús væru ljót o.s.frv.
Við síðustu kosningar náði Á-listi
meirihluta með þriggja atkvæða mun.
Þeir hreinlega hentu því skipulagi
sem var í gildi og köst-
uðu þar með tugmillj-
ónafjárfestingum í
þeirri vinnu. Ekki tókst
betur til með nýtt skipu-
lag en að nú risu aftur
mótmæli, kröftugri en
nokkru sinni fyrr. Ríf-
lega helmingur kosn-
ingabærra manna mót-
mælti. Megininntak
mótmælanna var að
ekki skyldi leggja svo-
kallaðan Skólaveg og
ekki skyldi klippa veg-
inn Breiðumýri í sundur.
Það skipulag sem var samþykkt í
bæjarstjórn hinn 22. maí sl. er áfram
með Skólaveg, sem þó hefur fengið
nýtt nafn og stefnu vegarins aðeins
verið hnikað. Áfram á að klippa í
sundur Breiðumýri. Margvíslegar
aðrar breytingar hafa þó verið gerðar
eins og að lækka hús um 10 sm,
minnka byggingarmagn og flytja
bensínstöð. Það er óhætt að segja að
þessar breytingar eru til bóta, enda
það skipulag sem kynnt var meingall-
að. Á heimasíðu bæjarins er bókað:
„Bæjaryfirvöld þakka fyrir áhuga og
þátttöku íbúa, en niðurstaða deili-
skipulagsvinnunnar er einmitt dæmi
um það hvernig umræða frá íbúum
leiðir til nýrri og betri lausna í skipu-
lagi.“
Staðreyndirnar tala sínu máli. Á-
listi hefur nú samþykkt skipulag sem
er enn með sömu grunnþáttum og ríf-
lega helmingur kosningabærra íbúa
mótmælti, þ.e. með Skólaveg og
sundurklippta Breiðumýri. Það er
sérkennilegt að þakka íbúum fyrir
ábendingar um leið og ekki er tekið
tillit til helstu grunnþátta sem íbúar
gerðu athugasemdir við.
Álftanes – Umdeilt
deiliskipulag samþykkt
Gísli Gíslason
skrifar um skipu-
lagsmál á Álftanesi
Gísli Gíslason
» Samþykkt skipulag
sem er með sömu
grunnþáttum og íbúar
mótmæltu, þ.e. með
Skólaveg og sundur-
klippta Breiðumýri.
Höfundur er lífefnafræðingur og
íbúi á Álftanesi.