Morgunblaðið - 13.06.2008, Blaðsíða 6
6 FÖSTUDAGUR 13. JÚNÍ 2008 MORGUNBLAÐIÐ
FRÉTTIR
STANGVEIÐI
Eftir Einar Fal Ingólfsson
efi@mbl.is
Í FYRRAKVÖLD voru komnir 36 laxar á land í
Blöndu. Það er mjög góð meðalveiði eftir sjö
daga,“ sagði Stefán Sigurðsson hjá Lax-á í gær.
Hann bætti við að allt væru þetta afar vel haldn-
ir og fallegir laxar, sá minnsti 11 pund og sá
stærsti um 17. Veiðin fer mun betur af stað í ár
en í fyrra; þá veiddist 25. laxinn 26. júní, nú kom
hann hinn 10. Þá segir Stefán að laxinn sé greini-
lega mun betur haldinn en í fyrra og hitteðfyrra.
„Ég hef á tilfinningunni að þetta verði gott
veiðiár – og gott stórlaxaár. Laxinn kemur mjög
flottur úr hafi,“ segir Stefán. Hann bætti við að
laxar hefðu þegar sést á nokkrum stöðum í Víði-
dals- og Miðfjarðará. Þá fréttist að laxinn væri
mættur víðar, til dæmis í Korpu.
Laxagengd hefur einnig verið að aukast í
Norðurá síðustu daga. Fyrsti smálax sumarsins
veiddist við Glitstaðabrú en annars hafa ein-
hverjir tugir stórlaxa farið um laxastigann í
Glanna og lax er að dreifa sér um alla á. Nokkrir
laxar hafa veiðst daglega og sumir á smáar flug-
ur og hits sem um hásumar væri.
Sólskin og fluga
„Hér er sólskin og fluga,“ sagði viðmælandi við
Laxá í Mývatnssveit í gær. Fín veiði hefur verið
nyrðra, þótt sumir veiði betur en aðrir. Þannig
náðu félagar um 90 urriðum á þrjár stangir á
þremur dögum, tíu fiskum að meðaltali á stöng á
dag, og voru flestir fiskarnir afar vænir, á bilinu
55 til 60 cm langir. Þeir veiddu best á kúlupúpur
andstreymis, en þær hafa líka gefið vel á urr-
iðasvæðunum neðan virkjunar, þar sem veiðin
hefur einnig verið fín.
Ágætis bleikjuveiði hefur verið í Hlíðarvatni í
Selvogi vor. Veiðimenn sem voru þar á ferð í vik-
unni lentu samt í þeim aðstæðum að í hita og
hægri gjólu var gríðarlegt klak í vatninu og fisk-
ar að vaka um allt, en erfiðlega gekk að leysa þá
ráðgátu hvaða flugur fiskurinn vildi taka. Fluga
eftir flugu var sett undir og árangurinn hrein-
asta kropp, ein og ein bleikja sem var úttroðin af
æti.
Einum veiðimanni gekk betur en öðrum en það
var Rafn Hafnfjörð ljósmyndari, sem gjörþekkir
vatnið. Á mánudagskvöldið náði hann einum tíu
bleikjum, flestum við Stöðulnef og í Gömlu vör.
Þar af voru nokkrar þrælvænar. Á þriðjudeginum
bætti hann um betur, setti stóran Peacock undir
og setti í eina sem mældist 52 cm og vó um fjögur
pund. „Þetta er nóg fyrir mig,“ sagði Rafn bros-
andi við blaðamann sem mætti honum á heimleið
með fenginn.
Góð veiði í Blöndu
Morgunblaðið/Einar Falur
Fengsæll Ljósmyndarinn Rafn
Hafnfjörð með fallega 52 cm bleikju
sem hann veiddi í Hlíðarvatni.
Laxgengd að aukast í Norðurá og tugir stórfiska hafa farið um stigann í Glanna
Níutíu urriðar fengust á þrjár stangir á þremur dögum í Laxá í Mývatnssveit
Akureyri | Bjarni Kristjánsson hætti nýverið störfum
sem sveitarstjóri í Eyjafjarðarsveit og fékk við þau
tímamót traktor af gerðinni Alice Chalmers að gjöf.
Bjarni er mikill áhugamaður um gamlar dráttarvélar
og á sjálfur fimm vélar frá árunum 1947-1953.
„Þetta er tiltölulega nýtilkominn áhugi,“ segir
Bjarni. „Það er ákveðin saga fólgin í þessum gömlu
dráttarvélum, í þeim er fólgið upphaf vélvæðing-
arinnar í landbúnaði á Íslandi. Sumir safna fornbílum,
aðrir halda utan um sögur og önnur menning-
arverðmæti og ég er þeirrar skoðunar að það beri að
varðveita söguna af þessum vélum.“
Bjarni hefur sjálfur gert upp þrjár vélanna og er
sjálflærður í því. Hann segir að þetta sé ekki arðvænt
frístundagaman, að margt sé auðveldara en að gera
upp vélarnar. Bjarni segir það drauminn að koma vél-
unum fyrir á búvéla- og búnaðarsögusafni sem til
stendur að koma upp við Saurbæ í Eyjafirði.
Morgunblaðið/Hjálmar S. Brynjólfsson
„Saga sem ber að varðveita“
Fékk gamla dráttarvél að gjöf frá Eyjafjarðarsveit
Eftir Þorbjörn Þórðarson
thorbjorn@mbl.is
NÝTT flokkunarkerfi verður tekið í
notkun á slysa- og bráðadeild Land-
spítala háskólasjúkrahúss með
haustinu. Er markmiðið með kerfinu
að stytta biðtíma sjúklinga og auka
öryggi þeirra. Í gær var tekið í notk-
un nýtt móttökulag.
„Þetta lýsir sér þannig að allir
sjúklingar eru strax teknir inn og
metnir af hjúkrunarfræðingi og
lækni og síðan settir í farveg eftir eðli
meiðsla eða veikinda.“ segir Þórir
Njálsson, sérfræðingur á slysa- og
bráðadeild.
Frumkvæði frá starfsfólkinu
Ófeigur Þorgeirsson, yfirlæknir á
slysa- og bráðadeild, segir frum-
kvæðið að breytingunum hafa komið
frá starfsfólkinu sjálfu. Hann segir
breytingarnar gerðar í samstarfi við
stjórn spítalans sem hafi hlaupið
undir bagga með deildinni. Húsnæði
verði breytt í samræmi við nýtt verk-
lag. „Við erum að prufukeyra okkur
áfram núna. Við ætlum að gera allt
sem í okkar valdi stendur til að takast
á við biðina og auka þannig öryggi
sjúklinga.“ Ófeigur svarar því óbeint
þegar hann er spurður hvort fjölga
þurfi læknum og hjúkrunarfræðing-
um á slysa- og bráðadeild. „Við þurf-
um aðallega að sinna sjúklingunum
okkar betur og stytta biðtímann.“
Ófeigur segir húsakost deildarinnar
ágætan og ekki sé lausnin endilega
fólgin í meira rými. „Það er alveg
sama hvað það eru mörg pláss á spít-
ölum, þau fyllast alltaf. Með því að
stækka húsnæði og fjölga starfsfólki
er bara verið að útfæra starfsemina.“
Hann segir jafnframt að fyrirhug-
aðar breytingar eigi að mæta þörfum
samfélagsins til bráðaþjónustu.
Breytingar
á slysadeild
Eitt markmiðanna að stytta biðtíma
Í HNOTSKURN
» Mikill biðtími hefur veriðá slysa- og bráðadeild LSH
undanfarið.
» Eru dæmi um að sjúkling-ar hafi þurft að bíða allt að
átta tíma eftir þjónustu.
» Um 180 manns koma ábráða- og slysadeild á sól-
arhring.
» Alla jafna eru heimsóknirmestar yfir hádaginn en
álag á kvöldin eykst gríð-
arlega um helgar.