Morgunblaðið - 13.06.2008, Blaðsíða 37

MORGUNBLAÐIÐ FÖSTUDAGUR 13. JÚNÍ 2008 37
Það er fátt betra, þegar maðurfer að eldast, en það þegarrennur upp fyrir manni það
skæra ljós, að lífinu ljúki ekki með
manni sjálfum og eigin kynslóð.
Hlæið bara; spyrjið hvort ég hafi
virkilega verið að uppgötva stóra
sannleikann um lífið. Svona er þetta
samt; ég get ekki lýst þessu betur en
sem mjög sérstakri og magnaðri til-
finningu, sem gleður mann inn að
hjartarótum. Það var nefnilega ekki
allt æðislegast og best þegar ég var
ung. Sumt kannski, en ekki allt, og
það er kjarni þessa sannleiks.
Ég hef gaman af því að sækjatónleika; og ekki síst þegar ég
veit ekki við hverju er að búast. Það
er svo gaman þegar manni er komið
á óvart og maður uppgötvar eitt-
hvað nýtt.
Í vetur og í vor hef ég verið svo
lánsöm að heyra í þremur ungum
söngkonum, sem allar hafa heillað
mig, hver á sinn hátt. Þær eru gjör-
ólíkar, en eiga það sameiginlegt að
vera á þeim stað í sönglistinni, þar
sem sennilega er erfiðast að búast
við frægð og frama á Íslandi – í
djass og blústónlist. Það er auðveld-
ara að koma sér áfram í klassík og
poppi. Ég vona að ég hafi rangt fyr-
ir mér með frægðina og framann,
því allar verðskulda þessar stelpur
ekki bara mikla athygli, heldur líka
tækifæri, og vonandi allt hitt í kjöl-
farið.
Þessar ungu konur heita Hrund
Ósk Árnadóttir, Erla Stefánsdóttir
og Margrét Guðrúnardóttir. Þær
tvær síðarnefndu hafa búið að því að
eiga feður í músíkinni, og hafa kom-
ið fram með þeim; Erla með hljóm-
sveit föður síns, Stefáns S. Stef-
ánssonar saxófónleikara, og
Margrét með Bandinu hans pabba,
eins og hljómsveitin heitir, en
„pabbi“ er Ásgeir Óskarsson
trommuleikari.
Allar hafa þessar stelpur mikla
reynslu af músík, og allar hafa verið
að læra söng, með meiru. Þær eru
allar alveg fantagóðar söngkonur
og eiga framtíðina fyrir sér.
Ég heyrði í Hrund Ósk á Blús-kvöldi á Gauknum í vetur. Ég
kom þangað til að hlusta á frábæra
söngkonu, Ragnheiði Gröndal, en
hún hafði forfallast, og Hrund Ósk
leysti hana af með litlum fyrirvara.
Það er skemmst frá því að segja að
Hrund Ósk kom mér algjörlega í
opna skjöldu, þar sem hún söng „Fe-
ver“ eftir Eddie Cooley og John Da-
venport af þeim sjarma og krafti að
Peggy Lee, sem gerði það frægt á
sínum tíma bliknar í samanburð-
inum. Hún gaf laginu erótískan svip
– eins og textinn gefur svo sann-
arlega tilefni til, túlkunin var gjör-
ólík því sem maður hefur heyrt hjá
öðrum. Peggy Lee túlkaði textann
eins og daðurdrós sem innst inni var
blásaklaus, meðan Hrund Ósk var
alvörukona. Hún söng fleira, „Sum-
mertime“ og blús eftir Tom Waits,
allt þrungið músíkalskri tilfinningu.
Ég gat ekki annað en spurt hana eft-
ir tónleikana um söng hennar og
hún sagðist bara vera í Söngskól-
anum í Reykjavík að læra.
Erlu Stefánsdóttur heyrði égsyngja á tónleikum í Múlanum
á Domo. Á dagskrá voru Bítlalög í
djassútsetningum, sem pabbi henn-
ar, Stefán S. hafði útsett. Stefán var
ekki að hlífa dóttur sinni með þess-
um útsetningum og sumar hverjar
voru auðheyrilega alveg þrælerf-
iðar. En silkimjúk rödd Erlu saum-
aði sig í gegnum sveifluna listilega
vel. Hún hefur eitthvert kæruleys-
islegt fas sem klæðir sönginn og
sveifluna alveg ofboðslega vel. Mér
datt djassdívan Sarah Vaughan í
hug, því þótt raddir þeirra séu eins
og svart og hvítt; þá eiga þær sitt-
hvað sameiginlegt í nálgun sinni á
tónlistinni og eru „kúl“ í fasi.
Margréti Guðrúnardóttur rakstég á í verslun Sævars Karls í
Bankastrætinu í vor. Þar sat hún við
flygil, spilaði og söng með blús-
mönnum. Þar var eitthvað mjög
ferskt og nýtt í gangi, enda kom á
daginn að Margrét semur sín lög og
texta sjálf. Hún hefur þétta og mjög
kraftmikla rödd og hefur aug-
ljóslega mikla músíkgáfu. Fáum
dögum síðar söng hún á Blúshátíð í
Reykjavík með Bandinu hans pabba,
og þar sýndi hún enn betur hve öfl-
ug hún er nú þegar, ekki bara sem
frábær söngkona, heldur líka sem
lagasmiður. Þessi unga kona gæti
hæglega náð mjög langt. Það sem er
sérstaklega gaman að sjá og heyra í
fari þessara hæfileikakvenna er að
hver um sig hefur mótað sér bæði
karakter og stíl. Það verður gríð-
arlega spennandi að fylgjast með
þeim og sjá hvernig þær þroskast
sem listamenn.
begga@mbl.is
Flottar stelpur
Bergþóra Jónsdóttir
Öflug Margrét Guðrúnardóttir
AF LISTUM
Svöl Erla Stefánsdóttir Heit Hrund Ósk Árnadóttir
Margrét
Þar var eitthvað mjög ferskt og
nýtt í gangi, enda kom á daginn
að Margrét semur sín lög og
texta sjálf.
Erla
Hún hefur eitthvert kæruleys-
islegt fas sem klæðir sönginn
og sveifluna alveg ofboðslega
vel.
Hrund Ósk
Peggy Lee túlkaði textann eins
og daðurdrós sem innst inni var
blásaklaus, meðan Hrund Ósk
var alvörukona.
Alvöru söngkonur
LEIKARINN Shia LaBeouf, sem leikur eitt af aðalhlut-
verkum nýju ævintýramyndarinnar um Indiana Jones,
hefur beðist afsökunar á ummælum sínum um samkyn-
hneigða en ummælin náðust á myndband sem síðan rataði
á Youtube-vefinn vinsæla. Myndskeiðið er nokkurra ára
gamalt og sýnir LaBeouf að því er virðist í boði í heima-
húsi. Til að eggja vin sinn í einhvers konar kinnhestaslag
grípur LaBeouf til þess að nota niðrandi orð um samkyn-
hneigða og fær fyrir vikið kinnhestinn sem hann hafði von-
ast eftir. Fulltrúi leikarans segir hann sjá eftir að hafa tek-
ið sér í munn svona ljótt orð og að hann blygðist sín mjög
fyrir það framferði sem sést á myndbandinu.
LaBeouf biðst
afsökunar
Reuters
Kjáni Fræga fólkið þarf að gæta sín á því hvað það segir
því augnabliks hugsunarleysi getur orðið að alþjóðafrétt.
Gleðilega
Grímuhátíð í kvöld!
Þjóðleikhúsið fagnar 32
tilnefningum til Grímunnar.
Við þökkum frábærar
viðtökur á leikárinu,
sjáumst aftur í sumarlok.
Sýningar haustsins
komnar í sölu!
Miðasala í síma 551 1200
og á www.leikhusid.is
Þjóðleikhúsið
um helginaÞJÓÐLEIKHÚSIÐ
eftir Hallgrím Helgason
Lau. 14/6 örfá sæti laus
Síðasta sýning vorsins