Morgunblaðið - 13.06.2008, Blaðsíða 23

MORGUNBLAÐIÐ FÖSTUDAGUR 13. JÚNÍ 2008 23
Hreinsað til Margir dómarnir hafa fallið í Héraðsdómi Reykjavíkur það sem af er ári og að margra mati kominn tími til að lappað væri upp á dómstólinn.
G. Rúnar Blog.is
Gestur Guðjónsson | 12. júní
Hlandið kólnar … aftur
Fyrstu raunverulegu merki
þess að ríkisstjórnin væri í
einhverjum tengslum við
raunveruleikann í efna-
hagslífinu birtust 28. mars
þegar forsætisráðherra
gaf yfirlýsingu á ársfundi
Seðlabankans um að styrkja þyrfti bank-
ann og hefja vinnu í að endurskoða pen-
ingamálastefnuna, með aðkomu vísustu
manna, innlendra og erlendra. Fram að
því höfðu ráðherrar básúnað hvað þeir
fylgdust vel með. Komið hefur í ljós að
það hefur verið það eina sem þeir hafa
gert, ekkert hefur verið undirbúið og
menn töluðu í kross, sem minnkaði enn
tiltrú á markaðnum, með tilheyrandi tjóni
fyrir efnahagslífið. Brást markaðurinn
ágætlega við þeim tíðindum og hlýnaði,
en þegar í ljós kom að ekkert átti að gera,
féll allt í sama farið og krónan með. End-
urskoðunarnefndin hefur enn ekki verið
skipuð, hvað þá meira. ...
Meira: gesturgudjonsson.blog.is
Bjarni Harðarson | 12. júní
Von um nýtt heimili
fatlaðra á Selfossi
Það sem hæst ber í vik-
unni eru ekki þingmanns-
fundirnir – þó margir hafi
verið – heldur fundur
sem við stjórnarmenn
Þroskahjálpar á Suður-
landi áttum með Svæð-
isskrifstofu og ráðuneyti um möguleika
á að opna nýtt nokkurs konar sambýli
fatlaðra hér á Selfossi. Ef af verður er
um að ræða mikinn áfanga í áratuga bar-
áttu. Allt að fimm fatlaðir einstaklingar
gætu þá fengið möguleika á að flytja að
heiman í verndað umhverfi sem gæti þá
verið fyrsta skref viðkomandi að alger-
lega sjálfstæðri búsetu. …
Meira: bjarnihardar.blog.is
Á LOKADÖGUM
Alþingis voru sam-
þykkt ýmis frumvörp
sem Björgvin G. Sig-
urðsson viðskiptaráð-
herra (neytendaráð-
herra) lagði fram.
Fyrir okkur neytendur
skipta áreiðanlega
mestu lög um inn-
heimtustarfsemi.
Neytendasamtökin hafa lengi
barist fyrir að innheimtulög væru
tekin upp hér á landi en nú þegar
er slík löggjöf fyrir hendi í mörg-
um nágrannalöndum okkar. Enda
er þetta mikilvæg réttarbót fyrir
neytendur sem eiga í fjárhags-
legum vandræðum. Miðað við þró-
unina nú, með gengisfellingu krón-
unnar og erlendum
verðhækkunum sem síðan auka
greiðslubyrði á lán-
unum okkar, verður
staða margra neyt-
enda erfið. Og ekki
síst þess vegna er
þessi lagasetning af-
ar mikilvæg. Hafa
verður í huga að sá
aðili sem innheimta
beinist að velur ekki
innheimtuaðila held-
ur er það skuld-
areigandi. Samn-
ingsstaða skuldara
er því engin þegar
kemur að kostnaði vegna inn-
heimtu.
Hvað felst í
innheimtulögunum?
Með innheimtulögunum er sett-
ur rammi utan um innheimtu-
starfsemi og hvaða reglum þessi
starfsemi skal starfa eftir, m.a.
hvað varðar fresti. Þá er í lög-
unum kveðið á um að skuldari
skuli fá skriflega viðvörun áður en
gripið er til frekari innheimtuað-
gerða. Einnig skulu löggiltir inn-
heimtuaðilar hafa leyfi Fjármála-
eftirlitsins til að annast þessa
starfsemi. Bankar og sparisjóðir
auk lögmanna þurfa þó ekki slíkt
leyfi. Þeir sem starfa við inn-
heimtustarfsemi skulu fara að
góðum innheimtuháttum og sem
nánar eru skilgreindir í lögunum.
Samkvæmt lögunum hefur við-
skiptaráðherra heimild til að setja
þak á þóknun innheimtuaðila og
leggja Neytendasamtökin áherslu
á að ráðherra geri það um leið og
lögin taka gildi um næstu áramót.
Það er nauðsynlegt til að tryggja
að lögin verði sú réttarbót sem
þeim er ætlað að vera fyrir neyt-
endur. Raunar töldu Neytenda-
samtökin eðlilegra að ráðherra
skyldi setja þak á þóknunina en
fyrst það var ekki gert treysta
Neytendasamtökin því að það
verði gert enda sýnir reynslan að
það er nauðsynlegt.
Oft reynt áður á Alþingi
Frumvarp um innheimtu-
starfsemi hefur oft áður verið lagt
fram á Alþingi. Í upphafi lagði
Finnur Ingólfsson, þáverandi við-
skiptaráðherra, fram frumvarp um
innheimtustarfsemi með samþykkt
þáverandi ríkisstjórnar (Sjálfstæð-
isflokks og Framsóknarflokks). Þó
að frumvarpið væri þar með rík-
isstjórnarfrumvarp stoppaði það
alltaf í nefnd og þrátt fyrir að
stjórnarandstaðan væri sammála
þessari lagasetningu. Síðan lagði
Jóhanna Sigurðardóttir þetta
frumvarp fram ítrekað en alltaf
dagaði það uppi í nefnd.
Björgvin G. Sigurðsson við-
skiptaráðherra á heiður skilinn
eins og alþingismenn allir fyrir
það að þessu sjálfsagða hags-
munamáli neytenda sé komið í
höfn, enda var frumvarpið sam-
þykkt samhljóða. Þarna sigruðu
almannahagsmunir sérhags-
munina. Því hljótum við sem
vinnum að hagsmunum neytenda
að fagna.
Þetta sýnir okkur einnig að rík-
isstjórnin og stjórnarandstaðan
eru sammála um aukna áherslu í
neytendamálum. Viðskiptaráð-
herra hefur boðað þessa áherslu-
breytingu frá því að núverandi
ríkisstjórn tók við völdum. Og það
sem nú þegar hefur verið gert á
þessu mikilvæga sviði lofar góðu.
Jóhannes
Gunnarsson skrifar
um neytendamál
» Þetta sýnir okkur
einnig að ríkis-
stjórnin og stjórnarand-
staðan eru sammála um
aukna áherslu
í neytendamálum.
Jóhannes Gunnarsson
Höfundur er formaður
Neytendasamtakanna.
Innheimtulög, mikilvæg réttarbót fyrir neytendur
ÞAÐ er líklega dónaskapur að
finna að Mogganum rétt í þann
mund sem nýr ritstjóri er byrjaður
að láta nýja og ferska strauma leika
um blaðið. Hann byrjar líka vel.
Mogginn er hressilegur þessa dag-
ana, og skemmtilegur aflestrar. Það
er líka notalegt að finna tenginguna
við gamla tímann í gegnum Stak-
steina sem halda áfram að elska
Samfylkinguna af jafninnilegri heift
og áður. Það fylgir því sérstök til-
finning að vera elskaður á þennan
hátt.
Morgunblaðið er eins og alvörublöðin úti í
heimi. Það er með gengi sem skrifar leiðarana.
Menn leggja hugmyndir í púkk, svo lætur einhver
snillingurinn meltuna storkna í tölvu sinni í hina
tæru snilld dagsins. Svona minnir mig að Styrmir
hafi efnislega lýst þessu einhvern tíma.
Snillingahópar af þessu tagi geta alveg eins og
ráðuneytin breyst í fílabeinsturna þar sem menn
lokast af og hætta að fylgjast með því sem gerist í
heiminum. Guð forði mér frá því – og líka Mogg-
anum.
Nú er ég ekki viss um hvaða snillingur skrifaði
leiðara þriðjudagsins – um orkumál – en þykist
fullviss um að það var einhver úr gamla tímanum,
sem enn hefur ekki brotist út úr fangelsi fílabeins-
ins og veit ekki að heimurinn gerist líka utan við
Hádegismóann.
Leiðarahöfundur lýsir skynsamlegum mark-
miðum í orkumálum svo sem um op-
inbert eignarhald á orkulindum, og
mögulegan samkeppnisrekstur á
framleiðslu og söluþáttum, þar sem
hægt er á grundvelli jafnræðis að fá
tímabundinn afnotarétt af auðlind-
inni gegn auðlindagjaldi sem greitt
er til eigendanna, fólksins. Sömuleið-
is vekur leiðarahöfundur máls á
þeirri skynsamlegu hugmynd að
skilja að rekstur einokunarfyr-
irtækja sem starfa við dreifingu orku
samkvæmt sérstökum leyfum, og
rekstur samkeppnisfyrirtækja á sviði
framleiðslu og sölu á orku.
Þetta hljómar svo vel að iðnaðarráðherrann
hefði sjálfur getað skrifað þetta. Það gerði hann
líka. Allar þessar frómu óskir fangans í fílabeini
Moggans eru nú hluti af íslenskum rétti. Það
gerðist degi fyrir þinglok með nær einróma sam-
þykkt Alþingis á umdeildu frumvarpi ráðherrans
um breytingar á umhverfi orkumarkaðar á Ís-
landi. Í því ljósi er í besta falli skondið en í versta
falli skrítið að leiðarahöfundur segir í framhaldinu
að iðnaðarráðherra þurfi að huga að breytingum á
lagaumhverfinu með tilliti til þessara þátta! Þetta
er allt saman orðið að lögum.
Var gamla liðið á Mogganum algerlega hætt að
fylgjast með því sem gerðist utan við Hádegismóa
áður en Ólafur Stephensen settist þar við stjórn-
völ með frjálslyndið að vopni?
Morgunblaðið hefur í vetur gætt þess vendilega
að láta eins og þetta róttæka og umdeilda frum-
varp hafi ekki verið til. Af því komu aldrei fréttir í
Mogga svo heitið gæti. Styrmir skrifaði leiðara og
Reykjavíkurbréf grunlaus um að allt sem hann
var að heimta að yrði gert var á fullri ferð gegnum
þingið – og lauk með fullum sigri þeirra viðhorfa
sem bæði iðnaðarráðherrann og Morgunblaðið
hafa barist fyrir.
Menn verða að kunna að sigra þótt þeir búi í
fílabeinsturni. Öll baráttumál Morgunblaðsins,
meira að segja hömlur á áhættufjárfestingar í út-
rás, náðu landi með frumvarpinu sem ég lagði
fram eftir ærinn barning á ólgusjóum þings og
ríkisstjórnar. Með hjálp góðra manna í góðum
flokkum náðist það heilt til hafnar – og eru að
mínu viti merkustu lög sem Alþingi hefur sam-
þykkt um margra ára skeið.
Er ekki mál að hinn vaski ritstjóri sem ber fóta-
stokkinn á Morgunblaðinu slái upp gluggum og
sýni starfsmönnum sínum út í veröldina – þar sem
hlutirnir eru að gerast af miklu meiri hraða og
miklu meiri þrótti en þá órar fyrir sem halda sig
stöðugt innan luktra veggja fílabeinsturnsins og
halda að heimurinn gerist þar?
Eftir Össur Skarphéðinsson »Er ekki mál að hinn vaski rit-
stjóri sem ber fótastokkinn á
Morgunblaðinu slái upp gluggum
og sýni starfsmönnum sínum út í
veröldina?
Össur Skarphéðinsson
Höfundur er iðnaðarráðherra.
Fangelsi fílabeinsins
Ingólfur Ásgeir Jóhannesson | 12. júní
Höfði í Mývatnssveit
Vonandi tekst Höfða-
félaginu að eignast af-
ganginn af Höfða í Mý-
vatnssveit. Markmið
félagsins er að afhenda
landið sveitarfélaginu til
eignar og sameina þann-
ig land Höfða sem kalla má sveit-
argarð, því að vissulega lítur ekki allur
Höfði mjög náttúrlega út með barr-
trjám sem þar var plantað. Eins og
fram kemur í fréttinni er verið að bjóða
upp til að slíta sameign erfingja Guð-
rúnar Pálsdóttur sem gaf sveitarfé-
laginu meginhluta Höfða fyrir tæpum
40 árum. Vilji Guðrúnar mun þó hafa
verið skýr: að eignin rynni til sveitarfé-
lagsins ef erfingjar hennar vildu ekki
nota land og gamalt hús sem því
fylgir. …
Meira: ingolfurasgeir
johannesson.blog.is