Morgunblaðið - 13.06.2008, Qupperneq 32

32 FÖSTUDAGUR 13. JÚNÍ 2008 MORGUNBLAÐIÐ
dagbók
Í dag er föstudagur 13. júní, 165. dagur
ársins 2008
Orð dagsins: Sækist eins og nýfædd
börn eftir hinni andlegu, ósviknu
mjólk, til þess að þér af henni getið
dafnað til hjálpræðis. (1Pt. 2, 2.)
Víkverji hefur verið að velta fyrirsér ferðum hvítabjarnarins,
sem heimsótti okkur á dögunum og
bar beinin fyrir. Hvar lá leið hans að
landi og hvernig var hann kominn í
hlíðina fyrir ofan Þverárfjallsveg-
inn? Hefði verið hægt að rekja spor
hans með hundum ef áhugi hefði
verið fyrir því og menn brugðið
strax á það ráð? Víkverji er hissa á
því hversu rólegir menn eru og ófor-
vitnir um ferðir bangsa. Ýmislegt
sem sagt hefur verið kemur ekki
heim og saman við hvítabjörninn, til
dæmis vangaveltur um aldur hans.
Tennurnar sanna hann til muna
eldri en fyrstu hugmyndir voru um.
Og enginn hefur svarað spurning-
unni, sem heitast brennur á Vík-
verja: var hvítabjörninn einn á ferð?
Nú er búið að opna hafíssetur á
Blönduósi.
Víkverji hefur reyndar heyrt að
bangsinn verði varðveittur í Skaga-
firði en það væri ótrúlega flott af
Skagfirðingum að færa hafíssetrinu
bangsann uppstoppaðan að gjöf.
x x x
Lára Hanna Einarsdóttir sem varí fylkingarbrjósti gegn Bitru-
virkjun ofan Hveragerðis fagnaði
sigri í því máli með félögum sínum,
þegar fallið var frá virkjanaáform-
unum. Nú hefur hún skorið upp her-
ör gegn hugmyndum um olíu-
hreinsistöð á Vestfjörðum og m.a.
gert myndband þar sem lagið Ísland
er land þitt hljómar undir mynd-
skeiðum frá Vestfjörðum og af olíu-
hreinsunarstöðvum. Einnig eru þar
viðtalsbútar úr sjónvarpsfréttum við
Ragnar Jörundsson, bæjarstjóra
Vesturbyggðar, og Ólaf Egilsson,
talsmann hugmyndarinnar um olíu-
hreinsunarstöð fyrir vestan. Lára
Hanna gengur rösklega til verks
eins og jafnan og á öruggan banda-
mann í Hrafnkeli Birgissyni hönnuði
sem í síðasta sunnudagsblaði Morg-
unblaðsins lýsti hugmyndum sínum
um verkefnið Verbúðir og veiðarfæri
fyrir vestan. Það verkefni sagði
hann klárlega betri kost en olíu-
hreinsunarstöð. vikverji@mbl.is
Víkverjiskrifar
Reykjavík Kristófer Andri
fæddist 20. apríl. Hann vó
3.560 g og var 53 cm langur.
Foreldrar hans eru Hrafn-
hildur Heiða Jónsdóttir og
Jóhann Daniel Thorleifsson.
Reykjavík Erlu Björgu Haf-
steinsdóttur og Hermanni
Ragnarssyni fæddist dóttir,
Bjarney, 31. janúar kl. 2.15.
Hún vó 4.255 g og var 53 cm
löng.
Akureyri Gabriel Ingi fædd-
ist 6. mars kl. 9.56. Hann vó
3.930 g og var 52 cm langur.
Foreldrar hans eru Jón Þ.
Ragnarsson og Dionisia C.
Bautista.
Reykjavík Heiðný Embla
fæddist 29. febrúar kl. 8.43.
Hún vó 3.915 g og var 51 cm
löng. Foreldrar hennar eru
Anna María Ólafsdóttir og
Heimir Jónsson.
Nýirborgarar
Krossgáta
Lárétt | 1 snjáldur, 4 at-
hygli, 7 fól, 8 auðan, 9
askur, 11 mjög, 13 spil,
14 klampann, 15 þýð-
anda, 17 vætlar, 20 mat-
ur, 22 málmur, 23 fim,
24 bola, 25 skynfærin.
Lóðrétt | 1 refsa, 2 fisk-
inn, 3 dugleg, 4 giski á, 5
ávöxt, 6 rás, 10 viljugt,
12 stormur, 13 aula, 15
áhöldin, 16 krumlu, 18
viðfelldin, 19 blauðan, 20
mynni, 21 bylgja.
Lausn síðustu krossgátu
Lárétt: 1 útbúnaður, 8 regns, 9 Urður, 10 aur, 11 gær-
an, 13 tímir, 15 skömm, 18 satan, 21 átt, 22 kjóll, 23
aflar, 24 tilgangur.
Lóðrétt: 2 togar, 3 únsan, 4 alurt, 5 urðum, 6 trog, 7
hrár, 12 aum, 14 íma,15 sekt, 16 ölóði, 17 málug, 18
stafn, 19 tældu, 20 nýra.
1
7
11
15
22
24
12
14
3
9
20
10
4
8
21
23
25
13
17
5
18
6
19
2
16
Sudoku
Þrautin felst í því að fylla út í
reitina þannig að í hverjum 3x3-
reit birtist tölurnar 1-9. Það verð-
ur að gerast þannig að hver níu
reita lína bæði lárétt og lóðrétt
birti einnig tölurnar 1-9 og aldrei
má tvítaka neina tölu í röðinni.
Lausn síðustu Sudoki.
www.sudoku.com
© Puzzles by Pappocom
Skák
Helgi Áss Grétarsson | ritstjorn@mbl.is
1. d4 Rf6 2. c4 e6 3. Rc3 Bb4 4. Dc2 d6
5. a3 Bxc3+ 6. Dxc3 c5 7. Rf3 O–O 8.
dxc5 dxc5 9. b4 Rc6 10. Bb2 Db6 11. b5
Rd4 12. Rxd4 Re4 13. De3 Da5+ 14.
Kd1 Da4+ 15. Db3 Da5 16. De3 Da4+
17. Rb3 Rxf2+ 18. Ke1 Rxh1
Staðan kom upp í Pivdennybanka at-
skákmótinu sem lauk fyrir skömmu í
Odessa í Úkraínu. Heimsmeistarinn
fyrrverandi, Anatoly Karpov (2655),
hafði hvítt gegn sínum forna keppinaut
Viktor Kortsnoj (2598). 19. Dc3! og
svartur gafst upp enda hótar hvítur
máti og að fanga drottningu svarts
með Rb3–xc5.
Hvítur á leik.
Brids
Guðmundur Páll Arnarson | ritstjorn@mbl.is
Vondur kostur.
Norður
♠Á84
♥G9832
♦104
♣ÁD9
Vestur Austur
♠G93 ♠D
♥Á7 ♥1054
♦G9853 ♦KD72
♣KG8 ♣65432
Suður
♠K107652
♥KD6
♦Á6
♣107
Suður spilar 4♠.
Þegar einn sterkasti spilari heims fer
niður á „borðleggjandi“ samningi er
ástæða til að staldra við. Hvað kom fyr-
ir, kann Bob Hamman ekki að svína?
Spilið er frá einvígisleik Nickells og
Strul í bandarísku landsliðskeppninni.
Með ♣K réttum er vandséð hvernig
hægt er að tapa 4♠, en Hamman lét
freistast af vondum valkosti. Út kom
tígull. Hamman dúkkaði fyrsta slaginn,
en austur spilaði tígli hlutlaust áfram.
Hamman tók tvo efstu í trompi og sneri
sér næst að hjartanu, spilaði drottning-
unni lúmskur. Vestur drap strax og
austur fylgdi lit með óræðri fimmu. Og
nú kom ♣8 frá vestri. Það er einfalt að
svína með allar hendur uppi, en Hamm-
an ákvað að veðja frekar upp á hjarta-
lengd í vestur: stakk upp ás og spilaði
hjarta. En vestur gat trompað þriðja
hjartað og tekið á ♣K.
(21. mars - 19. apríl) 
Hrútur Þú ert ekki einn af þeim sem setja
fólk á stall. En þú viðurkennir að smá
smjaður og athygli handa réttu manneskj-
unni getur komið þér býsna langt.
(20. apríl - 20. maí) 
Naut Þú sleppir einhverjum við verk. Ekki
svo að skilja að þessi aðili eigi það skilið eða
að þú ráðir einhverju þar um. Þú ert bara í
skapi til að gera fólki greiða.
(21. maí - 20. júní) 
Tvíburar Enginn er að biðja þig um að ger-
ast ósannur sjálfum þér – hvorki foreldrar
né fjölskylda. Íhugaðu valkostina þína vel
og hlustaðu á hjartað, ekki heilann.
(21. júní - 22. júlí) 
Krabbi Fylltu á brunninn þinn með því að
leita að uppsprettu á ólíklegustu stöðum.
Hvað er skemmtilegra en að leita að göml-
um myndum og rissbókum?
(23. júlí - 22. ágúst) 
Ljón Áttu þér leynivæntingar sem þú ýkir
upp úr öllu valdi? Það veldur þér streitu.
Ef þú stendur þig vel í viðkomandi að-
stæðum ertu á réttri leið.
(23. ágúst - 22. sept.) 
Meyja Þú hefur allan þann efnivið sem til
þarf til að verkefni þitt heppnist. Svo má
bæta við flúri hér og nýlundu þar og áhorf-
endur þínir munu slefa.
(23. sept. - 22. okt.) 
Vog Gjafir rata aftur til gefenda eftir und-
arlegustu leiðum. Þú hefur ræktað af mik-
illi umhyggjusemi eitthvað sem þér er annt
um, og þú færð það allt borgað til baka.
(23. okt. - 21. nóv.)
Sporðdreki Þegar staðan á reikningnum
þínum hristir upp í þér, finnst þér eins og
það hafi gerst áður – oft. Það er rétt, en
núna hefurðu reynslu til að takast á við
málið.
(22. nóv. - 21. des.)

Bogmaður Maður hræðist bara það sem
maður getur ekki nefnt á nafn. Hvernig
væri að gefa ótta þínum nafn og kynna þig
fyrir honum? Jafnvel faðma hann að þér?
(22. des. - 19. janúar) 
Steingeit Þú ert svo samdauna vissu um-
ræðuefni að þú sérð ekki það augljósa í
málinu. Ef þig vantar hjálp frá stjörnunum
verður þú að biðja um hana.
(20. jan. - 18. febr.) 
Vatnsberi Mae West sagði: „Þegar ég er
góð, er ég mjög góð, en þegar ég er vond,
er ég enn betri.“ Góð? Vond? Þetta er allt
afstætt. Fylgdu eigin reglum.
(19. feb. - 20. mars)

Fiskar Hvers vegna að eyða öllum skipu-
lagshæfileikunum í vinnuna? Einkalífið
hefði gott af því að njóta þeirra hæfileika.
Skipuleggðu aftur í tímann og hlutirnir
rata á réttan stað.
Stjörnuspá
Holiday Mathis
13. júní 1846
Sölvi Helgason (f. 1820, d.
1895), alþýðulistamaður og
landsþekktur flakkari, var
dæmdur í hæstarétti til að
sæta 27 vandarhögga refsingu
fyrir flakk og svik.
13. júní 1870
Gránufélagið var stofnað á
Akureyri til að efla innlenda
verslun. Það annaðist um tíma
tíunda hluta af útflutningi
landsmanna og átti fimm skip
í vöruflutningum. Gránu-
félagið sameinaðist öðrum
verslunum 1912.
13. júní 1875
Jón Sigurðsson forseti ávarp-
aði skólapilta í Reykjavík.
Hann sagði að eitt af skilyrð-
unum fyrir því að geta orðið
nýtur maður væri að þola
stjórn og bönd. Frelsi án
banda, án takmörkunar, væri
ekki frelsi heldur agaleysi og
óstjórn.
13. júní 1922
Gengisskráning íslensku krón-
unnar hófst, en áður hafði hún
fylgt þeirri dönsku.
Þetta gerðist þá …
Heimild: Dagar Íslands | Jónas Ragnarsson
Tvær duglegar stelpur, þær Jó-
hanna Karen Pálsdóttir og Vigdís
Kristjánsdóttir, héldu tombólu í
Austurveri og söfnuðu flöskum.
Þær söfnuðu 15.774 kr. og gáfu til
Rauða krossins.
Hlutavelta
Þórdís Arnljótsdóttir er 45 ára í dag, föstudaginn
þrettánda júní. Hún mun vafalaust leika við hvern
sinn fingur, enda er þrettán uppáhaldstalan henn-
ar. Þannig hefur hún undanfarin þrettán ár unnið
sem fréttamaður á RÚV. Fréttamennskan er ekki
kjarnakonunni nóg heldur er hún líka með sýn-
inguna „Leikhús í tösku“, sem sýnt er hvern vetur
í leikskólunum, en hún er leikkona að mennt.
Ár hvert heldur Þórdís svokallað kvennasum-
arboð, en þá býður hún völdum konum sem hún
hefur kynnst í gegnum tíðina upp á mat og drykk.
„Af því ég held þetta heima hjá mér get ég því
miður ekki boðið öllum sem mig langar til að bjóða,“ segir Þórdís af-
sakandi. „Þetta eru konur sem ég hef kynnst úr hinum og þessum átt-
um, úr vinnu, úr leiklistarlífinu, úr námi, fréttamennsku og fé-
lagsstörfum. Svo á ég frábærar frænkur sem koma, við erum mjög
sterkur hópur, frænkuhópurinn,“ útskýrir Þórdís kát í bragði. „Synir
mínir, bróðir minn og mágar mega mæta, aðrir karlar ekki,“ bætir
hún við, hress en ákveðin.
„Ég er bara ógeðslega venjuleg,“ hlær Þórdís aðspurð hvernig hún
nýti frítíma sinn. „Það er gaman þegar ég er dugleg í leikfimi en það
er nú ekki alltaf,“ segir hún glettin, en Þórdís fer oft í salsadans í há-
deginu á föstudögum. Sumrinu ætlar hún að eyða með sonum sínum,
Arnljóti Birni og Hrólfi, á Spáni. andresth@mbl.is
Þórdís Arnljótsdóttir fréttamaður 45 ára
Þrettán uppáhaldstalan
;)
Nýbakaðir
foreldrar?
Sendið mynd af nýja ríkisborgaranum
ásamt upplýsingum um fæðingarstað
og stund, þyngd, lengd,
og nafn foreldra,
á netfangið barn@mbl.is