Morgunblaðið - 18.06.2008, Blaðsíða 4
4 MIÐVIKUDAGUR 18. JÚNÍ 2008 MORGUNBLAÐIÐ
FRÉTTIR
SÓLIN skein á mannfjöldann á Austurvelli,
hinu gamla bæjartúni Ingólfs Arnarsonar, í
gærmorgun þegar Kjartan Magnússon, for-
maður þjóðhátíðarnefndar, flutti ávarp og
setti hátíðina.
Hann minnti á hvers vegna dagurinn væri
haldinn hátíðlegur og fór nokkrum orðum
um Ísland fyrri tíma. Ekki lét hann þar við
sitja, heldur áréttaði að sjálfstæðisbaráttan
væri ekki einkamál lýðveldiskynslóðarinnar,
heldur óþrjótandi erindi allra góðra Íslend-
inga.
Venju samkvæmt lagði forseti Íslands,
Ólafur Ragnar Grímsson, blómsveig að
minnisvarða Jóns Sigurðssonar. Farkostur
forsetans var ekki af verri endarnum að
þessu sinni en honum var ekið í forseta-
bifreið Sveins Björnssonar, fyrsta forseta
lýðveldisins, Packard-bifreið frá árinu 1942.
Síðast var hún notuð í forsetatíð Sveins og er
þetta í fyrsta sinn sem hún er notuð við op-
inbert tækifæri síðan hún var gerð upp.
Hvatti til samheldni
Geir H. Haarde forsætisráðherra hélt
ræðu og hvatti til samstöðu meðal lands-
manna og lofaði dug þjóðarinnar í efnahags-
lægðinni sem nú stendur yfir. Hann kvað
stjórnvöld vel í stakk búin til að takast á við
ástandið og þakkaði það hinu góða búi sem
núverandi ríkisstjórn tók við í fyrra.
Eins og siður er var því ekki ljóstrað upp
hver Fjallkonan væri fyrr en að loknu ávarpi
hennar. Í ár var það leikkonan Elma Lísa
Gunnarsdóttir sem klæddist skautbúningn-
um og flutti hún ljóðið Ávarp Fjallkonu eftir
Þorstein frá Hamri.
Karlakórinn Fóstbræður og Lúðrasveit
Reykjavíkur sungu og léku milli ávarpa við
góðar undirtektir viðstaddra.
Sjálfstæðisbaráttan óþrjótandi erindi
Sjálfstæðisbarátta þjóðarinnar ekki að baki, heldur „óþrjótandi erindi allra góðra Íslendinga“
Ólafi Ragnari Grímssyni ekið í 66 ára gamalli forsetabifreið fyrsta forseta lýðveldisins Íslands
Morgunblaðið/G.Rúnar
Blómsveigur Ólafur Ragnar Grímsson forseti og Geir H. Haarde forsætisráðherra ganga að
Austurvelli þar sem blómsveigur var lagður að styttu Jóns Sigurðssonar.
Í HNOTSKURN
» Í gær voru 64 ár síðan Íslandendurheimti sjálfstæði sitt eftir
682 ár undir erlendum yfirráðum.
» Fjallkonan, Elma Lísa Gunn-arsdóttir leikkona, klæddist skaut-
búningi sem notaður hefur verið við
hátíðarhöldin nær óslitið síðan árið
1971.
» Formaður þjóðhátíðarnefndar,Kjartan Magnússon, sagði Íslend-
inga þjóð landnema og enn kæmu
hingað landnemar í leit að frelsi og
farsæld. Sjálfstæðisbaráttan væri
þeim jafnmikilvæg og Ingólfi Arn-
arsyni forðum daga.
Eftir Skúla Á. Sigurðsson
skulias@mbl.is
BERGLIND Björk, Högna og Jara voru í hátíðarskapi og
spókuðu sig í íslenskum þjóðbúningum í blíðviðrinu við setn-
ingu hátíðarinnar á Austurvelli í gær. Þær sögðust þó ekki
klæðast búningnum dagsdaglega, heldur bara í tilefni hátíð-
arhaldanna á þjóðhátíðardaginn. „Maður á alltaf að vera fínn
á sautjánda júní!“
Gísli Már Helgason lofaði veðurblíðuna í hástert og líkaði
ræðurnar og söngurinn vel í ár. Hann segist aldrei láta sig
vanta við setningarathöfnina á Austurvelli. Á jakkaboð-
ungnum bar Gísli merki Hjálpræðishersins en hann sinnir
kaffisölu á vegum hans í dag eins og hann hefur gert ár hvert
á lýðveldisdaginn.
Þröstur Eiríksson og Birna Hauksdóttir nutu góðviðrisins
með börnum sínum, Margréti Marsibil og Eiríki,og sögðu það
fara eftir veðri hvort þau sýndu sig við setningu hátíðarhald-
anna. Í ár var því engin spurning hvort ætti að mæta. Þau létu
vel af hátíðarávörpunum og tónlistinni og þótti athöfnin í alla
staði vel heppnuð.
Haldið upp á 64 ára afmæli lýðveldisins í blíðskaparveðri á Austurvelli í gær
Morgunblaðið/G.Rúnar
Skotthúfur og hátíðarstemning í veðurblíðunni
GEIR H. Haarde forsætisráðherra
gerði efnahagsástandið að umtals-
efni í ávarpi sínu á Austurvelli í gær.
Sagði hann að Íslendingar hefðu árið
1969 tekist á við einhverja erfiðustu
kreppu síðustu áratuga vegna afla-
brests og verðhruns á erlendum
mörkuðum.
„Erfiðleikarnir þá voru mun meiri
en nú. En með samstilltu átaki réð
þjóðin við vandann og í hönd fóru
blómleg ár. Ég er þess fullviss að svo
verði einnig nú,“ sagði Geir.
Sagði hann Íslendinga sem þjóð
verða að bregðast við gríðarlegum
hækkunum á innfluttu eldsneyti.
Sagði hann einu leiðina sem skilað
gæti varanlegri lausn að draga úr
notkun með minni akstri og betri
nýtingu, notkun sparneytnari öku-
tækja og tilflutningum yfir í aðra
orkugjafa. Tók hann fram að skyn-
samlegt gæti reynst að breyta fyr-
irkomulagi gjaldtöku af ökutækjum
og eldsneyti í þessu skyni en einnig
til að draga úr losun gróðurhúsaloft-
tegunda. Sagði hann þjóðina verða
að breyta neyslumynstri sínu því
framlag hvers og eins skipti máli,
bæði fyrir viðkomandi en einnig fyrir
heildina.
„Við erum góðu vön, Íslendingar,
og svo verður auðvitað áfram. Þó svo
að lífskjör versni um stundarsakir
verða þau eigi að síður mun betri en
fyrir fáum áum og betri en víðast
hvar með öðrum þjóðum. Stoðir
efnahagsstarfseminnar eru styrkar
og þjóðin baráttuglöð,“ sagði Geir.
Breyta þarf
neyslumynstrinu
Gerði efnahagsástandið að umtalsefni
Morgunblaðið/G.Rúnar
Ávarp Geir H. Haarde á Austurvelli.
VIÐ SETNINGU hátíðarinnar veifaði hópur manna
skiltum með áletruninni „Ríkisstjórnin brýtur mann-
réttindi. Vér mótmælum allir“. Með þessu vildu mót-
mælendurnir koma á framfæri óánægju sinni yfir við-
brögðum stjórnvalda við áliti mannréttindanefndar
Sameinuðu þjóðanna á kvótakerfinu.
Mótmælin voru friðsamleg með öllu en þó þurftu
óeinkennisklæddir lögreglumenn ítrekað að biðja mót-
mælendurna að færa sig um set svo þeir skyggðu ekki á
útsýni fólks. Að sögn Geirs Jóns Þórissonar yfirlög-
regluþjóns voru mótmælin ekki tilkynnt lögreglu og
þar sem svæðið væri yfirlýst hátíðarsvæði hefðu mót-
mælendurnir orðið að víkja svo gestir sæju athöfnina
og engin truflun hlytist af. skulias@mbl.is
Morgunblaðið/G.Rúnar
Fyrirsát Mótmælendur biðu eftir að gestir hátíðarguðsþjónustu Dómkirkjunnar kæmu út undir bert loft.
Meintum mannréttindabrotum mótmælt