Morgunblaðið - 18.06.2008, Blaðsíða 40

40 MIÐVIKUDAGUR 18. JÚNÍ 2008 MORGUNBLAÐIÐ
ÞRJÁR kvikmyndir verða frum-
sýndar í dag í íslenskum kvik-
myndahúsum.
The Bank Job
Myndin byggir á sönnum atburð-
um, bankaráni sem var framið við
Baker stræti í London árið 1971.
Ránið er eitt það stærsta í sögu
Bretlands og hefur enginn þjófanna
verið handtekinn enn og ránsfeng-
urinn ekki heldur fundist. Breska
ríkisstjórnin hélt upplýsingum um
málið leyndum í rúm þrjátíu ár.
Þjófarnir grófu sér leið inn í
bankahvelfingu og rændu þaðan
reiðufé og skartgripum að verðmæti
um þrjár milljónir punda, um 466
milljónir króna. Fjallað var um mál-
ið í fjölmiðlum í nokkra daga en svo
var þeim gert að hætta umfjöllun
um það. Í kvikmyndinni kemur í ljós
að málið tengist bresku konungs-
fjölskyldunni en ekki er óhætt að
ljóstra meiru upp, vilji menn að
myndin komi þeim á óvart.
Með helstu hlutverk fara Jason
Statham, Saffron Burrows, Martine
Love og Stephen Campbell Moore
en leikstjóri myndarinnar er Roger
Donaldson sem á að baki myndir á
borð við Cocktail og No Way Out.
IMDb: 7,7/10
Metacritic: 69/100
The New York Times: 60/100
The Chronicles of Narnia:
Prince Caspian
Önnur kvikmyndin sem byggð er
á sögum C.S. Lewis um ævintýra-
landið Narníu. Myndin byggist á
bókinni um Kaspían konungsson.
Eitt ár er liðið í mannheimum frá
því ævintýrum Pevensie-barnanna
lauk í Narníu en 1.300 ár skv. narn-
ísku tímatali. Þar geisar nú borg-
arastyrjöld. Kaspían konungsson er
réttborinn erfingi krúnunnar en
frændi hans, skúrkurinn Míras,
kemur í veg fyrir að hann heimti
krúnuna og rænir völdum. Kaspían
leitar aðstoðar Pevensie-barnanna
Péturs, Súsönnu, Játvarðs og Lúsíu
í von um að steypa hinum illa Mírasi
af stóli. Upphefst þá mikil barátta
og stríð við her Mírasar.
Með aðalhlutverk fara Georgie
Henley, Skandar Keynes, William
Moseley, Anna Popplewell, Ben
Barnes, Peter Dinklage, Warwick
Davis, og Vincent Grass. Leikstjóri
er Andrew Adamson, sá sami og
leikstýrði fyrri myndinni um æv-
intýrin í Narníu.
IMDb: 7,5 /10
Metacritic:63 /100
The New York Times: 70/100
Meet Bill
Grínmynd með hinum ágæta leik-
ara Aaroni Eckhart í hlutverki hins
kúgaða Bill. Bill starfar í banka
tengdaföður síns og líf hans virðist
hafa lítinn tilgang annan en að
þóknast fjölskyldunni. Eiginkona
hans, Jess (Elizabeth Banks), held-
ur framhjá honum með sjálf-
umglöðum sjonvarpsfréttaþul, Chip
Johnsons (Timothy Olyphant), og
má segja að Bill sé almennt mjög
óhamingjusamur maður, sér-
staklega eftir að hann kemst að
framhjáhaldinu. Þá koma ungur
lærlingur (Logan Lerman) og
hugguleg nærfatasölukona (Jessica
Alba) Bill til hjálpar og efla á ný
löngu horfið sjálfstraustið og beina
honum á rétta braut í lífinu. Leik-
stjórar myndarinnar eru Bernie
Goldmann og er þetta frumraun
beggja í leikstjórn.
IMDb: 6,8/10
Metacritic: 30 /100
The New York Times: 30/100
FRUMSÝNINGAR»
Bankarán, kúgun
og ævintýraprins
Meet Bill Aaron Eckhart, Jessica Alba og Elizabeth Banks eiga vandræðalega stund á kaffihúsi.
Bankaránið Saffron Burrows og
Jason Statham í The Bank Job.