Morgunblaðið - 03.07.2008, Blaðsíða 18

18 FIMMTUDAGUR 3. JÚLÍ 2008 MORGUNBLAÐIÐ
MENNING
WAGNER-hátíð-
in í Bayreuth hef-
ur tæknivæðst og
verður sýningu á
verkinu Meist-
arasöngvararnir
frá Nürnberg
(Die Meisters-
inger von Nürn-
berg) sjónvarpað
á netinu.
Útsendingin
verður hins vegar ekki aðgengileg
endurgjaldslaust, og þurfa óperu-
unnendur að greiða heilar 49 evrur,
eða rétt rúmlega 6.000 kr. fyrir að
upplifa dýrðina á tölvuskjánum
heima.
Ekki nóg með það heldur verða
aðeins seldir 10.000 miðar á vef-
útsendinguna.
Aðgöngumiðar á sýningar kosta
allt að 208 evrur eða rösklega 25.000
krónur.
Á hátíðinni eru eingöngu flutt
verk eftir Wagner og leggja hörð-
ustu aðdáendur á sig allt að sjö ára
bið eftir miðum. Katharina Wagner,
barnabarn tónskáldsins, stýrir upp-
setningunni og vonast hún til að út-
sendingin lækki þann þröskuld sem
áhugasamir þurfa að yfirstíga til að
uppgötva töfra hátíðarinnar.
Metropolitan-óperan í New York
og Scala í Mílanó hafa boðið upp á
háskerpuútsendingar á sýningum
sínum fyrir mikið lægri upphæðir,
en talsmaður Wagner-hátíðarinnar
segir aðgangseyririnn að útsending-
unni eiga að standa straum af kostn-
aði við útsendingu og miðlunarrétt-
indi.
Sýningin verður tekin upp með
fjarstýrðum myndavélum eingöngu
og verður þetta í fyrsta skipti sem
uppfærsla í Bayreuth er tekin upp
að áhorfendum viðstöddum. Síðast
var uppfærsla á hátíðinni fest á filmu
árið 1991. Standa vonir til að gefa
upptökuna út á DVD-diski í nóvem-
ber en sjálf netútsendingin verður
kl. 16 að staðartíma 27. júlí.
Wagner-
veisla á netið
Sent út frá Bayreuth
Tæknivæddur
Richard Wagner.
THOM Yorke úr
Radiohead er
meðal ellefu tón-
listarmanna sem
taka þátt í að
endurhljóð-
blanda klassíska
tónlist á safn-
plötunni Cortical
Songs.
Auk Yorke
taka þátt tónlistarmenn eins og
Simon Tong úr Gorillaz, John
Maclean úr The Beta Band og
Gabriel Prokofiev, barnabarn
rússneska tónskáldsins fræga Ser-
gei Prokofiev. asgeirhi@mbl.is
Klassískur
Yorke
Thom Yorke
TÓNLISTARHÁTÍÐIN Sum-
artónleikar í Skálholtskirkju
hefst á laugardag. Klukkan
14.00 flytur Kjartan Óskarsson
erindi um blásaratónlist í Bæ-
heimi og Vínarborg, í Skál-
holtsskóla, og klukkan 15.00
hefjast síðan tónleikar með
slíkri tónlist. Þá verða flutt
verk eftir Myslivececk, Fiala,
Mozart og Cartellieri.
Klukkan 17.00 á laugardag verða flutt verk fyr-
ir bassafiðlur og piccoloselló frá 17. öld, eftir
Banchieri, Frescobaldi, de Selma, Falconieri,
Cerreto, Vitali og Gabrielli.
Á sunnudaginn klukkan 15.00 verður efnis-
skráin með blásaratónlistinni endurflutt
Tónlist
Sumartónleikar
í Skálholti hefjast
Skálholt
ANNAÐ kvöld, föstudaginn 4.
júlí, klukkan 20.00, heldur Þór-
ólfur Stefánsson gítarleikari
tónleika á Skriðuklaustri. Þór-
ólfur býr og starfar í Svíþjóð
og hefur víða komið fram sem
einleikari og með hljóm-
sveitum.
Á laugardag klukkan 14.00
opnar á Skriðuklaustri sýning
frönsku listakonunnar Anna
Pesce í Gallerí Klaustri. Hún sýnir verk á pappír
sem hún vann meðan hún dvaldist í gestaíbúðinni
árin 2004 og 2007. Þá er í stásstofunni sýningin
Sögur í mynd, þar sem teflt er saman myndum
Elíasar B. Halldórssonar og smásögum Gyrðis
Elíassonar.
Listviðburðir
Tónleikar og mynd-
list á Skriðuklaustri
Skriðuklaustur
HLUSTENDUM Rásar 1 er í
júlí og ágúst í sumar boðið að
slást í hóp tónleikagesta á
ýmsum tónlistarhátíðum í
Evrópu. Á meðal hátíða sem
útvarpað verður frá í sumar
eru Listahátíðin í Björgvin,
kammerhátíðin í Cork, Mikk-
eli-hátíðin í Finnlandi, Styri-
arte-hátíðin í Austurríki og
Proms-hátíðin, sumarhátíð
BBC. Meðal flytjenda eru Shlomo Mintz fiðlu-
leikari, Michala Petri blokkflautuleikari og Bel-
cea strengjakvartettinn.
Sumartónleikar evrópskra útvarpsstöðva eru á
dagskrá Rásar 1 á sunnudögum kl. 16.10 og á
fimmtudagskvöldum kl. 19.40.
Tónlist
Útvarpað frá
tónlistarhátíðum
Shlomo Mintz
Eftir Ásgeir Ingvarsson
asgeiri@mbl.is
„HÚN vinnur með muni sem eru
gerðir af öðrum, en þegar hún síð-
an fer um þá höndum fá þeir nýtt
hlutverk og annað útlit,“ segir Þur-
íður Sigurðardóttir um sænsku
listakonuna Berit Lindfeldt
Sýning á verkum Beritar verður
opnuð í dag í galleríinu START
ART, en Þuríður er ein sex lista-
kvenna sem starfrækja galleríið.
Í dag verður einnig opnuð viðbót
við sýninguna Heima sem START
ART listamenn hófu á listahátíð.
„Við þykjumst mjög heppnar að
hafa fengið Berit til okkar.“ segir
Þuríður en Berit vann á dögunum
stóra samkeppni um hönnun minn-
ismerkis um Astrid Lindgren.
Hógvær verk
Berit er myndhöggvari að mennt.
„Verkin hennar eru þrívíddarverk,
afskaplega hógvær,“ segir Þuríður
og nefnir eitt dæmi af sýningunni.
„Baklaus lítill stóll, sem hún hefur
unnið með og stendur í rýminu nak-
inn og án sessu. Verkið kallar hún
„Litli svefninn“, og saman verka
titlar og tilvísanir til að skapa verk
sem eru ljóðræn og ljúf.“
Sýning Beritar er á lofti gallerís-
ins, en sýning listamanna START
ART er á jarðhæð, efri hæð og í
porti. „Meðlimir hópsins vinna í
ólíka miðla, en þetta er önnur sam-
sýning okkar í rýminu. Sýningin er
eiginlega inni í öllum skúmaskotum
í þessu gamla húsi sem við höfum
lagt undir okkur og er listaverkin
að finna á ólíklegustu stöðum.“
Auk Þuríðar eru það Anna Eyj-
ólfsdóttir, Ása Ólafsdóttir, Magda-
lena Margrét Kjartansdóttir,
Ragnhildur Stefánsdóttir og Þórdís
Alda Sigurðardóttir sem mynda
hópinn.
Sýning sænsku listakonunnar Berit Lindfeldt opnuð í START ART galleríi í dag
Ljóðræn og ljúf þrívíð verk
Morgunblaðið/Valdís Thor
Þrívíddarverk Verk Berit Lindfeldt eru sögð hógvær. Hún vann nýverið
samkeppni um hönnum minnismerkis um rithöfundinn Astrid Lindgren.
START ART
hóf starfsemi
17. mars 2007.
„Við leggjum
áherslu á að
bjóða upp á
metnaðarfulla
samtímalist,“
segir Þuríður
spurð um stefnu
gallerísins. „Við
köllum okkur ekki týpískt sölu-
gallerí, en þar með er ekki sagt
að við séum ekki að selja mynd-
listina ef gestir gallerísins hafa
áhuga á henni,“ bætir hún við og
kímir.
Spennandi dagskrá
Af dagskrá safnsins framundan
má nefna sýningu Magnúsar Páls-
sonar á haustmánuðum. Banda-
ríkjamaðurinn Chreighton Mich-
ael sýnir í ágúst og Ragnhildur
Stefánsdóttir og Magdalena Mar-
grét Kjartansdóttir halda einka-
sýningar.
Á næsta ári er stefnt að stóru
verkefni til að minnast þeirra
kvenna sem báru þvotta úr bæn-
um yfir í þvottalaugarnar í
Laugardal, og fóru þar um sem
Laugavegurinn er nú.
Metnaðar-
full sam-
tímalist
Magnús Pálsson
START ART er á Laugavegi 12b.
Galleríið er opið frá 13 til 17 frá
þriðjudegi til laugardags og er að-
gangur ókeypis.
Upplýsingar eru á www.startart.is.
Eftir Ásgeir H. Ingólfsson
asgeirhi@mbl.is
EGILL Örn Egilsson var líklega eitt
fyrsta barnið sem ólst upp í Ása-
trúarfélaginu. Hann fór með for-
eldrum sínum á blót og Sveinbjörn
Beinteinsson allsherjargoði var fjöl-
skylduvinur. „Maður ólst mikið upp í
kringum hann, en þegar hann dó ár-
ið 1993 byrjaði maður að fatta hvað
hann var að gera og hversu mikill
snillingur hann var í raun. Oft sér
maður ekki hlutina ef þeir eru of
nærri manni,“ segir Egill sem nú
hefur leikstýrt heimildarmynd um
Sveinbjörn sem frumsýnd verður í
Hafnarhúsinu í kvöld kl. 20 (aðgang-
ur ókeypis), en á morgun kemur
myndin svo út á mynddiski, en þá
hefði Sveinbjörn orðið 84 ára.
Frá Sveinbirni til Sigur Rósar
„Ég tók viðtöl við fólk sem var
tengt honum, bæði persónulega, í
gegnum ásatrúarfélagið og svo í
kringum skáldskapinn. Svo notaði
ég efni með honum, hljóðupptökur,
persónulegt myndasafn sem ég fékk
að nota og fleira, þannig tvinnaði ég
þetta saman og það kom ágætlega
út,“ segir Egill. „Það eru viðmæl-
endurnir sem segja söguna, ég tek
það sem mér finnst standa mest upp
úr, þetta voru um klukkutímaviðtöl
hjá hverjum og einum og ég þurfti
að skera niður og
finna þráðinn.“
Egill telur hlut
Sveinbjarnar í ís-
lenskri menningu
oft vanmetinn.
„Hans hugsjón
var að brúa bilið á
milli gamla tím-
ans og dagsins í
dag, sem honum
tókst,“ segir Eg-
ill. „Sigur Rós og Steindór Andersen
tóku sig saman og fluttu lög og rím-
ur, þar á meðal eftir Sveinbjörn.
Sveinbjörn nýtur mikillar virðingar
innan allra skálda sem eru í þessu.
Þá sagði Jón Sigurðsson að hann
væri fyrsti náttúrusinni á Íslandi.
Hann var langt á undan sínum sam-
tíma með það.“ Þá telur hann að
myndin geti leiðrétt sýn margra á
Ásatrúarfélagið. „Þetta er ekki
trúarlegs eðlis, heldur frekar að
vera í tengslum við árstíðirnar. Að
vera í þessum söfnuði er að bera
virðingu fyrir einstaklingnum og
náttúrunni, að vera heill.“
Fjöldi viðmælenda
Meðal viðmælanda í heimilda-
myndinni eru Hilmar Örn Hilm-
arsson allsherjargoði, Þorsteinn frá
Hamri, Steindór Andersen rímna-
skáld, Jón Sigurðsson fyrrverandi
ráðherra, Berglind Gunnarsdóttir
ljóðskáld, Þórelfa Björnsson, systur-
dóttir Sveinbjörns, og Björn Pétur,
sonur hans.
Hans hugsjón var að brúa bilið
Ný heimildarmynd um Sveinbjörn Beinteinsson rímnaskáld og allsherjargoða
Sveinbjörn
Beinteinsson
Morgunblaðið/G.Rúnar
Höfundurinn Egill Örn Egilsson
leikstýrir myndinni um Sveinbjörn.