Morgunblaðið - 25.07.2008, Qupperneq 8

8 FÖSTUDAGUR 25. JÚLÍ 2008 MORGUNBLAÐIÐ
FRÉTTIR
FRÁSÖGN Kolbrúnar Baldursdóttur sálfræðings
af kostnaði við líkgeymslu fjölskyldumeðlims í
þrjár nætur hefur vakið athygli en dvölin kostaði
um 19 þúsund krónur.
Stærstu líkhús landsins eru á forræði kirkju-
garðanna, en einnig eru nokkur líkhús einkarekin.
Smári Sigurðsson, framkvæmdastjóri Kirkju-
garða Akureyrar, segir að menn þurfi að gera upp
við sig hvernig standa eigi að rekstrarkostnaði lík-
húsa. Ef menn komist að þeirri niðurstöðu að ríkið
eigi að greiða kostnaðinn þurfi það að leggja fram
fjármuni til rekstursins en sé niðurstaðan sú að
einstaklingar eigi að borga fyrir þjónustuna sár-
vanti gjaldtökuheimild.
Hann segir rekstur aðstöðunnar bagga á kirkju-
görðunum sem fái í dag hvorki fjármagn til rekstr-
arins frá hinu opinbera né megi þeir taka gjöld
fyrir þjónustuna.
„Árið 2005 var samþykktur samningur á milli
ríkisins og kirkjugarða þar sem er skilgreint mjög
nákvæmlega fyrir hvað kirkjugarðarnir fá greitt.
Það er alveg reiknað út að þeir fá svona mikið á
fermetra og svona mikið á hverja gröf. Kirkju-
garðarnir lögðu mikla áherslu á að inn í samning-
inn yrði tekinn rekstur líkhúsa en því var hafnað.“
Fæst líkhús taka gjald
Morgunblaðinu er eingöngu kunnugt um einn
opinberan kirkjugarð sem tekur líkhúsgjald. Það
er Borgarneskirkjugarður sem hefur líkhús á sín-
um snærum, og rukkar garðurinn 10 þúsund krón-
ur fyrir dvölina. Aðrir kirkjugarðar, t.d. á höf-
uðborgarsvæðinu og á Akureyri, taka ekki gjald.
Þá virðast a.m.k. einhverjir einkaaðilar, sem reka
líkhús, taka gjald fyrir dvölina, en í tilviki Kol-
brúnar var um slíkt að ræða. andresth@mbl.is
Óljóst hvort ríkið eða einstak-
lingar eiga að borga líkhúsum
Í HNOTSKURN
»Kolbrún Baldursdóttur, sálfræðingurog varaþingmaður Sjálfstæðisflokksins,
telur að hið opinbera eigi að greiða líkhús-
gjaldið fyrir alla.
»Árið 2006 kom út álit umboðsmanns Al-þingis þar sem komist var að þeirri nið-
urstöðu að lagaheimild væri ekki til staðar
fyrir töku á líkhúsgjaldi hjá Kirkjugörðum
Reykjavíkurprófastsdæma sem reknir eru
fyrir opinbert fé.
»Talsmaður Kirkjugarða Akureyrar seg-ir menn þarfa að gera upp við sig
hvernig standa eigi að rekstrarkostnaði.
SKIPULAGSSTOFNUN barst í gær
tillaga Landsvirkjunar að mats-
áætlun vegna mats á umhverfis-
áhrifum Kröfluvirkjunar II. Um er
að ræða allt að 150 MWe jarð-
hitavirkjun við Kröflu í Skútustaða-
hreppi. Þetta kemur fram í frétta-
tilkynningu frá stofnuninni.
Skipulagsstofnun hefur leitað
umsagnar Skútustaðahrepps,
Ferðamálastofu, Fornleifaverndar
ríkisins, Heilbrigðiseftirlits Norð-
urlands eystra, iðnaðarráðuneytis,
Orkustofnunar og Umhverfisstofn-
unar. Stefnt er að því að ákvörðun
Skipulagsstofnunar um tillögu
framkvæmdaaðila að matsáætlun
muni liggja fyrir 22. ágúst 2008.
Allir geta kynnt sé tillöguna og
lagt fram athugasemdir. Hægt er
að skoða hana hjá Skipulags-
stofnun, Laugavegi 166 í Reykja-
vík.
Matsáætlun
að Kröflu II
Eftir Hjálmar Stefán Brynjólfsson
hsb@mbl.is
Akureyri | „Það hefur gengið furðu-
lega vel að koma upp þessu rúmlega
3.000 manna bæjarfélagi,“ segir
Birgir Örn Björnsson, mótsstjóri á
Landsmóti skáta, sem nú fer fram á
Akureyri. „Fólk er mjög ánægt og
nú er blómlegt víkingasamfélag hér
á Hömrum. Við höfum hér verslun
til að kaupa nauðsynjar, víkinga-
þorp til að smíða verkfæri, ráðhús,
hreinlætisaðstöðu og allt sem þarf
til að láta samfélag sem þetta
ganga.“
Samfélagið á Hömrum stækkar
ört og gerir Birgir ráð fyrir því að
það muni stækka enn meira um
helgina. Þá verða fleiri gestir á fjöl-
skyldutjaldsvæðum hátíðarinnar.
Öflugt fjölmiðlastarf
fer fram á landsmótinu
Landsmótin eru haldin hér á
landi á þriggja ára fresti, til skiptis
við Úlfljótsvatn og á Hömrum. Alls
taka 70 skátafélög þátt á mótinu, en
þar af eru nokkur frá útlöndum. All-
ir þátttakendur taka þátt í að leysa
sérstök verkefni og segir Birgir Örn
að mikil þátttaka félaga að utan sé
ekki hvað síst öflugri dagskrá að
þakka. Flestir erlendu gestanna
koma frá Stóra-Bretlandi, en einnig
er einn gestur frá Suður-Kóreu.
Tveir öflugir fjölmiðlar eru starf-
ræktir á Landsmótinu: útvarps-
stöðin Ragnarök og dagblaðið
Sleipnir. Ragnarök sendir út á tíðn-
inni 97,7 á Akureyri og 97,2 í
Reykjavík og er hægt að hlusta á
útvarpið í gegnum netið. Sleipnir er
einnig fáanlegur á netinu á heima-
síðu Landsmótsins:
www.skatar.is/landsmot2008.
Morgunblaðið/Hjálmar S. Brynjólfsson
Eyland Sænskum skátum hefur hér tekist að smíða sér fleka og leggja nú af stað í átt að lítilli eyju á Leirupollinum.
 Blíðskaparveður leikur við þátttakendur á Landsmóti
skáta  Um 3.000 skátar koma víðs vegar að til að taka þátt
Skátar í víkingaham
Eftir Skúla Á. Sigurðsson
skulias@mbl.is
FÉLAG leiðsögumanna og Ferða-
málastofa hafa nú tekið höndum
saman til að kanna hvar á landinu
þarf að bæta aðstöðu ferðamanna. Á
ferðum sínum um landið eru leið-
sögumenn nú beðnir um að skrá hjá
sér athugasemdir um aðkomu, um-
gengni, göngustíga, salernisaðstöðu
og allt ástand fjölfarinna ferða-
mannastaða. Eru þetta viðbrögð
Ferðamálastofu við umræðu um og
gagnrýni á slakan aðbúnað á ferða-
mannastöðum um landið.
Ólöf Ýrr Atladóttir ferðamála-
stjóri segir að leiðsögumönnum hafi
verið send eins konar dagbók eða
skráningarblöð þar sem þeir geta
skrifað hjá sér athugasemdir um
ástand þeirra staða sem þeir heim-
sækja. Þeim er í sjálfsvald sett hvað
þeir skrá og falið mat á því hvað
megi betur fara.
Kom þægilega á óvart
Víðförli leiðsögumanna og þekk-
ing á ferðamannastöðum skapar
þeim að sögn Ólafar góða yfirsýn yfir
ástandið. Þetta mál sé leiðsögu-
mönnum eðlilega hugleikið og rétt sé
að virkja þann vilja og þá þekkingu
sem fyrir hendi er til að bæta að-
stöðu ferðamanna á Íslandi. Hún er
því bjartsýn á árangur verkefnisins.
Ragnheiður Björnsdóttir, formaður
Félags leiðsögumanna, tók í sama
streng og sagði sjálfsagt að leita lið-
sinnis leiðsögumanna. Beiðni ferða-
málastjóra kom henni þægilega á
óvart en hún vonast til að þátttaka í
verkefninu verði góð.
Að hausti verða athugasemdirnar
teknar saman. Ferðamálastofnun
mun á samvinnu við Félag leiðsögu-
manna nota upplýsingarnar við kort-
lagningu ástandsins svo bregðast
megi við því. Ólöf gaf ekki upp
hvernig stæði til að taka á málum í
framhaldinu og sagði það fara eftir
útkomu kortlagningarinnar.
Leiðsögumenn
augu og eyru
Ferðamálastofu
Kanna aðstöðu ferðamanna um allt land
Morgunblaðið/RAX
Dettifoss Aðstaða við fossinn hefur
verið mikið gagnrýnd undanfarið.
HJÖRTUR
Hjartarson, tölvu-
tæknifræðingur
og kaupmaður,
lést 24. júlí sl.
Hann fæddist 23.
desember 1929 í
Reykjavík.
Foreldrar hans
voru Ásta L.
Björnsdóttir frá Ánanaustum fædd
24. nóv. 1908 og Hjörtur Hjartarson
stórkaupmaður fæddur 31. okt. 1902.
Hjörtur var einn af frumkvöðlum
tæknideildar IBM á Íslandi og starf-
aði þar í 33 ár. Í tvö ár var hann fram-
kvæmdastjóri tæknideildar IBM hjá
Sameinuðu arabísku furstadæmun-
um með aðsetur í Dubai. Þegar Hjört-
ur lauk störfum hjá IBM hóf hann
eigin rekstur ásamt eiginkonu og
syni, innrömmunina Hjá Hirti, sem
þau starfræktu til 1. febrúar 2008.
Hjörtur var sannur KR-ingur,
stundaði knattspyrnu og skíðaíþrótt-
ina í mörg ár hjá því félagi.
Hann var einn af stofnendum Rót-
arýklúbbs Seltjarnarness, virkur
þátttakandi í starfi Sjálfstæðisfélags
Seltjarnarness og gegndi ýmsum
trúnaðarstörfum á þess vegum.
Hjörtur var einn af stofnendum sigl-
ingaklúbbsins Sigurfara á Seltjarnar-
nesi og formaður um skeið. Hann var
lærður vélstjóri og starfaði á yngri ár-
um á Arnarfellinu. Á námsárunum
starfaði hann hjá Hval hf. Hann var
meðal stofnenda Sparisjóðs Vélstjóra.
Eftirlifandi eiginkona Hjartar er
Jensína (Jenný) Guðmundsdóttir frá
Sæbóli á Ingjaldssandi. Börn þeirra
eru Drífa, bóndi og fyrrverandi al-
þingismaður, Ingibjörg glerlistamað-
ur, Hjörtur, grafískur hönnuður, lát-
inn 7. nóv. 2007, Anna Ásta, viðskipta-
stjóri hjá SPRON, Björn Grétar
verslunarmaður og Guðmundur Ingi,
framkvæmdastjóri Netheims.
Hjörtur Hjartarson
Andlát
Á MEÐAN blaðamaður brá sér að skoða flekasmíði og stemninguna við
pollinn gegnt Leirunesti hitti hann þá Rúnar og Frey úr skátafélaginu Vífli
í Garðabæ. Þeir hafa skemmt sér afar vel á Landsmótinu. „Já, þetta er búið
að vera mjög gaman,“ segir Rúnar. „Við erum búnir að labba fullt og skoða
bæinn. Við eigum eftir að smíða fleka og prófa að sigla á honum.“
Freyr var hins vegar spenntari fyrir því að prófa að smíða úr járni. Járn-
smíðin er partur af víkingaþema mótsins, og á meðal þess sem hægt verður
að smíða eru matarskálar. Freyr ætlar hins vegar að ganga skrefinu
lengra: „Ég er að hugsa um að smíða mér hníf.“
„Hefur verið frábært“