Morgunblaðið - 25.07.2008, Síða 15

MORGUNBLAÐIÐ FÖSTUDAGUR 25. JÚLÍ 2008 15
BÖRN í Dohoun í Tuy-héraði í Afríkuríkinu Búrkina Faso gægjast fram
hjá bómullarböggum. Víða í Afríku er bómullarrækt mikilvægur atvinnu-
vegur en fátækar þjóðir sem vilja selja afurðina á mörkuðum ríkra landa
reka sig oft á hindranir. Framleiðslan í ríkum löndum er víða niðurgreidd
og innflutningur á sambærilegri vöru því ekki arðvænlegur. Jákvæð niður-
staða í Doha-viðræðunum um frjáls heimsviðskipti gæti skipt sköpum.
Reuters
Gægst inn í heim ríkra?
FORSTÖÐUMAÐUR krabbarann-
sóknastofnunar Pittsburgh-háskóla,
Ronald Herberman, segir að fólk
eigi ekki að bíða eftir endanlegum
niðurstöðum rannsókna um skaðleg
áhrif farsímanotkunar heldur grípa
strax til varúðaráðstafana, að sögn
BBC.
„Við eigum ekki að bíða eftir því
að afgerandi niðurstöður liggi fyrir.
Betra er að fara varlega en að iðrast
eftir á,“ segir Herberman. Börn eigi
einungis að nota farsíma í neyðartil-
fellum og fullorðið fólk eigi að halda
símanum sem fjærst höfðinu. Þá ráð-
leggur hann einnig fólki að skipta
reglulega um eyra þegar það notar
farsíma.
Herberman segir skoðun sína
byggða á óbirtum upplýsingum sem
komið hafi fram við frumrannsóknir.
Niðurstöður margra rannsókna á
þessu sviði hafa verið misvísandi en
sumir vísindamenn vara eindregið
við því að lítil börn noti farsíma.
Bresk stofnun sem rannsakar tengsl
heilbrigðis og farsímanotkunar sagði
í fyrra að fyrir lægju vísbendingar
um fylgni á milli tíðni krabbameins-
tilfella og mikillar farsímanotkunar
væri búnaðurinn notaður í minnst tíu
ár. kjon@mbl.is
Varar við
farsímum
Eftir Kristján Jónsson
kjon@mbl.is
GERA má ráð fyrir að norðan heim-
skautsbaugs sé að finna um 90 millj-
arða olíutunna eða um 13% af olíu-
birgðum heims og nær þriðjunginn
af jarðgasi sem ekki hefur verið
kortlagt, að sögn Jarðfræðistofnun-
ar Bandaríkjanna, USGS, í gær.
Fyrirhugaðar boranir í grennd við
norðurskautið eru umdeildar en um-
hverfissamtök óttast áhrif olíuleitar
á lífríkið á svæðinu.
Spáð er að vegna hlýnandi lofts-
lags muni hafís í grennd við norður-
heimsskautið minnka mjög á næstu
áratugum og hægt verði að sigla yfir
skautið að sumarlagi. USGS segir að
líta megi svo á að hægt sé að vinna
umrædda olíu og gas með þeirri
tækni sem menn ráða nú yfir. Ekki
er þó lagt mat á kostnaðinn við að
vinna bug á ýmsum hindrunum eins
og vandkvæðum vegna íshellu sem
þekur mikinn hluta svæðisins eða
hafdýpis sem sums staðar er mikið.
Umfangsmesta rannsóknin
Um 84% af þeirri olíu og gasi sem
áætlað er að finnist á svæðinu er á
sjávarbotni en mikið af þeim lindum
er svo nálægt landi að þær falla undir
lögsögu ríkja í grenndinni. Um er að
ræða niðurstöður fjögurra ára rann-
sókna og er þetta umfangsmesta mat
sem gert hefur verið á auðlindunum.
„Áður en við getum tekið ákvörðun
um nýtingu olíu og gaslinda okkar í
framtíðinni og í því sambandi
ákvarðanir um verndun tegunda í út-
rýmingarhættu, verndun samfélaga
frumbyggja og plánetunnar okkar
verðum við að vita hvað er þarna til
staðar,“ sagði Mark Myers, yfirmað-
ur USGS.
Mikil olía á
norðurslóð
Um 13% allra birgða jarðar á svæðinu
FLUTNINGAFYRIRTÆKI, rekið
af líbíska ríkinu, hefur stöðvað olíu-
flutninga til Sviss til að mótmæla
handtöku Hannibals Gaddafi, yngsta
sonar Muammar Gaddafi, leiðtoga
Líbíu. Sonurinn var í haldi lögreglu í
Genf í tvo daga eftir að hafa ásamt
barnshafandi eiginkonu sinni verið
gefið að sök að hafa slegið tvo lög-
regluþjóna og sýnt af sér ógnandi
háttalag en var síðan sleppt.
Gaddafi eldri hefur að sögn tengsl
við flutningafyrirtækið sem um ræð-
ir. Að minnsta kosti helmingur allrar
hráolíu sem flutt er inn til Sviss kem-
ur frá Líbíu og Líbíumenn eiga stóra
olíuhreinsistöð í Sviss. Einkareknum
aðilum leyfist sem fyrr að flytja olíu
til Sviss en skipum undir svissnesk-
um fána hefur hins vegar verið bann-
að að sigla inn í hafnir Líbíu.
sigrunhlin@mbl.is
Gaddafi
refsar Sviss
Eftir Kristján Jónsson
kjon@mbl.is
SVETOZAR Vujacic, lögmaður
Radovans Karadzic, segir í viðtali
við fréttavef þýska tímaritsins Der
Spiegel að skjólstæðingur sinn hafi
ætlað að gefa sig fram við serbnesk
stjórnvöld á næsta ári. Þá hefði hann
getað varið sig sjálfur fyrir serbn-
eskum dómstóli í stað þess að verða
sendur til Haag og látinn svara til
saka fyrir ICTY, alþjóðlega refsi-
dómstólnum sem tekur fyrir afbrot
framin í gömlu Júgóslavíu.
Sú aðferð Karadzic að skipta bók-
staflega um ham og láta talsvert á
sér bera undir falska nafninu Drag-
an David Dabic virðist hafa orðið til
að kæfa allar grunsemdir. Enn er
óljóst hvernig hann komst yfir fölsk
skilríki og hver Dabic var.
„Dabic“ var tíður gestur á lítilli
krá í Belgrad, Luda Kuca [Vitleys-
ingahælinu], þar sem hann lék eitt
kvöldið af snilld lag á þjóðlegt hljóð-
færi, gusle, og söng. Á veggnum
voru myndir af honum og Ratko
Mladic, yfirhershöfðingja Bosníu-
Serba 1992-1995. Grannar Karadzic
segja að hann hafi líklega átt ást-
konu sem kölluð var Mila en annars
er fátt vitað um hana. Sumum fannst
hann hafa yfir sér undarlega áru,
jafnvel áru heilags manns. Hundruð
manna sóttu fyrirlestra hans þar
sem hann gaf m.a. sérfræðiráð um
kynlífsvandamál og aðra erfiðleika
sem hann sagði að stöfuðu af „trufl-
unum á skammtafræðilegri orku“ í
fólki.
Lítill áhugi Vesturveldanna
Fréttamaður BBC sagði árið 2005
að sést hefði til Karadzic nálægt
borginni Foca „en það var enginn
vilji til þess í London eða Wash-
ington að hætta lífi breskra eða
bandarískra útsendara við að reyna
að klófesta hann“ eða Mladic.
Mladic veitti leyniþjónustumönn-
um upplýsingar um hvar Karadzic
héldi sig, að sögn breska blaðsins
Daily Telegraph. Með þessu vildi
hann vinna tíma í samningaviðræð-
um um eigið framsal, segir blaðið
sem vitnar í ónafngreinda, þýska
leyniþjónustumenn. Mladic vill
fremur koma fyrir rétt í Belgrad en
Haag; hann veit að Serbar líta marg-
ir enn á hann sem hetju.
Karadzic sagður hafa
viljað gefa sig fram 2009
Hrifnir Áhangendur fótboltaliðs í
Serbíu hylla Karadzic í vikunni.
Fullyrt að Mladic
hafi svikið Karadzic
Í HNOTSKURN
»Geðlæknirinn og græn-metisætan Karadzic stund-
aði m.a. framhaldsnám í Næst-
ved í Danmörku 1970 og
1974-1975 í New York.
»Er Karadzic horfði eittsinn á eldana í Sarajevo úr
fjarska, meðan á umsátrinu
stóð, rifjaði hann upp 20 ára
gamalt ljóð eftir sjálfan sig:
„Ég heyri fótatak hörmung-
anna. Borgin brennur.“
Salou og
Pineda
frá kr. 54.995
Costa Dorada ströndin, sem skartar fremstum bæjunum Salou og
Pineda, hefur notið mikilla vinsælda vegna mikils fjölbreytileika
svæðisins. Margra kílómetra langar aðgrunnar strendur, hótelgisting
sem hentar jafnt fjölskyldufólki sem öðrum, úrval veitingastaða og
afþreyingar, blómstrandi menning og frábært skemmtanalíf. Bjóðum
frábært sértilboð á hinum vinsælu Aqua og Golden íbúðum í Pineda,
sem eru mjög nýlegar, fallegar og rúmgóðar íbúðir með tveimur
svefnherbergjum. Gríptu þetta frábæra tækifæri og njóttu sumarfrísins
á Costa Dorada.
Örfáar íbúðir í boði á Agua & Golden !
Aqua & Golden íbúðir
Verð kr. 54.995
Netverð á mann, m.v. 2 fullorðna
og 2 börn, 2 -11 ára í íbúð með 2
svefnherbergjum í viku, 8. - 15.
ágúst.
Aqua & Golden íbúðir
Verð kr. 64.995
Netverð á mann, m.v. 2 fullorðna í
íbúð með 2 svefnherbergjum í
viku, 8. - 15. ágúst.
8. ágúst í viku
Frábært f
yrir barna
fjölskyldu
r!
Íbúðir me
ð 2 svefn
herbergju
m