Morgunblaðið - 20.08.2008, Blaðsíða 6

veikari en við gerðum ráð fyrir
í fjárlagagerðinni.“ Lán til
námsmanna erlendis eru í
kringum 25-30% af heildarút-
lánum sjóðsins og er lang-
stærstur hluti lánanna í evr-
um.
Þróunin óhagstæð í ár
LÍN hefur haft ákveðið borð
fyrir báru á undanförnum ár-
um. „Það hefur vakið athygli
að við höfum skilað fjármunum í ríkissjóð, því
þróunin hefur verið sjóðnum hagstæð. Það er
samt nokkuð ljóst að þannig verður það ekki í ár.
Það getur komið til þess að við þurfum auka-
fjárveitingu,“ segir Steingrímur Ari.
Eftir Þorbjörn Þórðarson
thorbjorn@mbl.is
LÁNASJÓÐUR íslenskra námsmanna [LÍN]
mun hugsanlega þurfa á aukafjárveitingu að
halda í ár vegna veikrar stöðu krónunnar en stór
hluti lána í erlendri mynt, aðallega evru, til ís-
lenskra námsmanna erlendis hefur komið niður á
rekstri sjóðsins. Sl. ár hefur gengi evru hækkað
um 34%.
Gerðu ekki ráð fyrir jafnmikilli veikingu
„Mikil ósköp,“ segir Steingrímur Ari Arason,
framkvæmdastjóri LÍN, spurður hvort veik
staða krónunnar komi ekki harkalega niður á
rekstri sjóðsins. „Það er alveg ljóst að þetta eru
umtalsverðir fjármunir enda er krónan mun
Veiking krónu bitnar illa á LÍN
„Námslánin eru í rauninni gengistryggð, það
er því komið ansi vel til móts við námsmenn er-
lendis með þeim hætti,“ segir Steingrímur Ari.
Lánsrétturinn og lánsáætlunin hjá LÍN fyrir
íslenska námsmenn erlendis er í erlendri mynt
og síðan fá lántakendur útborgað miðað við
gengið á útborgunardegi. LÍN leitast við að nota
þá mynt sem er í notkun í því landi sem viðkom-
andi stúdent stundar nám. „Lánin til námsmanna
erlendis hafa verið að hækka heldur betur í krón-
um talið,“ segir Steingrímur. Eðli málsins sam-
kvæmt snýst þessi þróun við ef krónan styrkist,
ef lántaki er með yfirdráttarlán á Íslandi.
Stærstur hluti lántakenda er við nám í Dan-
mörku en danska krónan er evrutengd svo það er
fullkomin samsvörun á milli hækkana á evru og
danskri krónu.
Í HNOTSKURN
»Hlutverk LÍN er að tryggjaþeim, sem undir lög um
LÍN falla, tækifæri til náms án
tillits til efnahags.
»Langstærstur hluti lánaLÍN í erlendri mynt er til
námsmanna í Danmörku, en
gengi DKR er tengd evru.
»Gengi evru var 91 kr. 021.ágúst 2007 en 121 kr. við
lokun markaða í gær.
Steingrímur
Ari Arason
6 MIÐVIKUDAGUR 20. ÁGÚST 2008 MORGUNBLAÐIÐ
FRÉTTIR
Eftir Ylfu Kristínu K. Árnadóttur
ylfa@mbl.is
ÓLAFUR F. Magnússon, fráfar-
andi borgarstjóri Reykjavíkur, til-
kynnti í gær að hann hygðist ganga
aftur til samstarfs við Frjálslynda
flokkinn (F-listann). Nýtur hann
fulls trausts Guðjóns A. Kristjáns-
sonar, formanns flokksins. Hann
segir flokkinn leggja áherslu á vel-
ferðarkerfið, umhverfis- og sam-
göngumál og öryggismál. Brýnast
sé málefni flugvallarins í Vatnsmýr-
inni en koma þurfi í veg fyrir að
hann verði fluttur úr borginni.
Málefni flugvallarins marki
flokknum skýra sérstöðu en einnig
skýra samstöðu með borgarbúum.
Ólafur segir að því miður virðist svo
vera að vilji borgarbúa og borgar-
fulltrúa haldist ekki alltaf í hendur.
Kraftar dreifist ekki
„Það er mjög mikilvægt að það
verði ekki tvö framboð sem leiði
þessi mál fram í næstu kosningum.
Það er mikilvægt að boðinn verði
fram F-listi aftur eftir tvö ár og
þeir sem stóðu fyrir þeim málum
haldi áfram að bera þau fram í
borgarstjórn Reykjavíkur. Ef það
verður ekki gert, þá má nánast full-
vissa ykkur um að þá mun, þvert á
óskir borgarbúa, verða unnið að því
staðfastlega, t.d. í næsta meirihluta,
að flytja flugvöllinn burt úr borg-
inni á næstu árum,“ sagði Ólafur.
Að hans mati þarf að greiða fyrir
því að kraftarnir varðandi þessa
baráttu dreifist ekki í næstu kosn-
ingum. Því hafi hann ákveðið að
ganga aftur til samstarfs við frjáls-
Snúinn á
gamlar slóðir
Morgunblaðið/Ómar
Kjarninn Til fundarins í gær boðuðu þeir sem Ólafur kallaði „þá fimm sem
hafa myndað kjarnann í borgarstjórnarflokki F-listans“.
Morgunblaðið/Ómar
Styðja völlinn Ólafur og F-listinn eiga það m.a. sameiginlegt að vera ötulir
stuðningsmenn þess að flugvöllurinn verði áfram í Vatnsmýrinni.
lynda. „Við erum samhent og
ákveðin í því að vinna vel fyrir
borgarbúa á næstunni.“
Draga þarf úr launakostnaði
Ólafur sagði að vegna erfiðrar
stöðu í fjármálum borgarinnar
blasti við að draga þyrfti úr fram-
kvæmdum um jafnvel 4-5 milljarða
til að ná saman endum. Þá þyrfti að
skoða alvarlega að lækka launa-
kostnað í borginni um 8%, t.d. með
því að minnka yfirvinnu um þriðj-
ung á næsta ári. Hann segir þetta
koma fram á minnisblaði frá fjár-
málaskrifstofu borgarinnar. Ljóst
sé að sökum minnkandi tekna borg-
arinnar vanti mikið upp á að þriggja
ára fjárhagsáætlun borgarinnar,
sem nær til ársins 2009, standist og
eigi fyrrnefnd breyting á yfirvinnu
og launakostnaði einnig við um
næstu fjárhagsáætlun sem gildir
frá 2010-12.
„Sviðsstjóra verður falið nú þeg-
ar að gera áætlun um það með
hvaða hætti þessum markmiðum
verður náð þannig að það valdi sem
minnstri skerðingu á viðkvæmri
þjónustu borgarinnar,“ sagði Ólaf-
ur. Hann segir suma í borgarstjórn-
arflokknum sem störfuðu með hon-
um á síðasta kjörtímabili hafa beitt
sér af miklum krafti fyrir milljarða
útgjöldum til verkefna sem hvorki
voru á dagskrá fjárhagsáætlunar-
innar né í málefnasamningnum.
Hanna Birna Kristjánsdóttir,
oddviti sjálfstæðismanna og verð-
andi borgarstjóri, sagði í fréttum
Útvarpsins í gærkvöldi, að starfs-
menn Reykjavíkurborgar þyrftu
ekki að óttast fjöldauppsagnir.
„ÉG býð hann
bara velkominn,“
segir Guðjón
Arnar Kristjáns-
son, formaður
Frjálslynda
flokksins, um
endurkomu
Ólafs, „Ég hef
sjaldan verið að
fetta fingur út í
það að fólk vilji
vinna með okkur,“ bætir Guðjón við,
en segir að koma verði í ljós hvernig
mönnum gangi að vinna saman.
Hann segir Ólaf hafa tjáð sér ósk
um að ganga til liðs við flokkinn að
nýju. Guðjón leynir þó ekki þeirri
skoðun sinni að heppilegra hefði
verið ef Ólafur hefði gert það þegar
í vor þegar hann myndaði meirihlut-
ann við Sjálfstæðisflokkinn, þá hefði
hann haft aukið pólitískt bakland.
Spurður hvort hann telji Ólaf vera
að skapa sér þetta pólitíska bakland
með því að ganga nú í flokkinn seg-
ist Guðjón ekkert vita um það.
Frjálslyndi flokkurinn beri enga
ábyrgð á gjörðum Ólafs í embætt-
istíð hans.
Þingmenn Frjálslynda flokksins
hafa oft gagnrýnt Ólaf af nokkurri
hörku. Formaðurinn vill ekki segja
hvort hann telji líklegt að á milli
grói, „ég er enginn læknir á þessu
sviði,“ segir hann. andresth@mbl.is
Býður Ólaf
velkominn
í raðir
frjálslyndra
Guðjón Arnar
Kristjánsson
Ólafur F. Magnússon hóf stjórn-
málaferil sinn með Sjálfstæðis-
flokknum. Hann var varaborgar-
fulltrúi frá 1990-1998 en
borgarfulltrúi frá 1998-2001.
Á borgarstjórnarfundi í desem-
ber 2001 tilkynnti Ólafur að hann
hygðist segja sig úr flokknum.
Ólafur sat út kjörtímabilið sem
óháður borgarfulltrúi.
Í sveitarstjórnarkosningum árin
2002 og 2006 var Ólafur kosinn
borgarfulltrúi af F-listanum, lista
frjálslyndra og óháðra. Í janúar
2007 gekk hann úr flokknum til að
lýsa yfir stuðningi sínum við Mar-
gréti Sverrisdóttur sem tapaði
varaformannsslagnum. Var hann
síðan óháður en skráði sig í apríl
sl. í Íslandshreyfinguna, þar sem
Margrét er varaformaður. Er Ólaf-
ur nú kominn aftur til F-listans.
Hefur verið skráður í þrjá stjórnmálaflokka
ALLT stefnir í metþátttöku í
Reykjavíkurmaraþoni Glitnis næst-
komandi laugardag. Nú þegar hafa
4.573 hlauparar skráð sig í hlaupið
en voru 3.904 í fyrra. Segja má að
um 20% aukningu sé að ræða frá í
fyrra. Erlendir hlauparar eru 604
en hafa verið fleiri áður.
Reykjavíkurmaraþonið var fyrst
haldið árið 1984 og þá voru þátttak-
endur 20 talsins, 19 karlar og ein
kona og keppt var í einni vega-
lengd, heilu maraþoni. Í þessari
vegalengd í fyrra voru konurnar
orðnar 129 og karlar 375.
Hlaupinu hefur því augsýnilega
vaxið fiskur um hrygg og jafnframt
hafa fleiri vegalengdir bæst við. Nú
er svo komið að fimm vegalengdir
eru í boði og er 10 km hlaupið vin-
sælast en fyrst var boðið upp á þá
vegalengd árið 1993. Í fyrra tóku
um 3 þúsund manns þátt í 10 km
hlaupinu. Reynslan hefur sýnt að
flestir þeirra sem taka þátt í stuttu
vegalengdunum, 10 km hlaupi og 3
km skemmtiskokki, skrá sig á síð-
ustu stundu og sömu sögu er að
segja um Latabæjarhlaupið.
Þrír dagar
í maraþon
Stefnir í met-
þátttöku í hlaupinu