Morgunblaðið - 20.08.2008, Blaðsíða 19

MORGUNBLAÐIÐ MIÐVIKUDAGUR 20. ÁGÚST 2008 19
Kristinn
Lokað í Fellsmúla Þeir sem rata um Reykjavík vita að það er talsvert langt á milli Fellsmúla og Skúlagötu. Samt
blasa þessar upplýsingar við vegfarendum sem leið eiga um Skúlagötuna.
Blog.is
Baldur Kristjánsson | 19. ágúst 2008
Rógburður er tæki í pólitískri valdabar-
áttu og hefur alla tíð ver-
ið. Hér á landi tala menn
ekki mjög illa um and-
stæðinga sína en leiknir
stjórnmálamenn sem náð
hafa langt hafa lag á því
að tala af góðviljaðri,
kankvísri illgirni um andstæðinga sína,
samfokksmenn sem aðra, svona vel en
samt; þeir eru ekki alveg í lagi. Yfirleitt
vaxa stjórnmálamenn og aðrir í viðkynn-
ingu, eru sem sagt betri en hinn pólitíski
orðrómur sagði til um. Kænir stjórn-
málamenn nota auðvitað rógburðinn til
þess að halda sauðunum í sinni stíu …
Meira: baldurkr.blog.is
Pólitísk orðræða
Gísli Tryggvason | 19. ágúst
„Hvað kostar vatns-
sopinn í þessu flugi?“
Ég hef áður tjáð mig um
aukagreiðslur í flugi en
ekki gengur að mínu mati
að bæta endalaust við
viðbótargreiðslum vegna
þjónustu sem áður var
innifalin í farmiðaverði –
einkum ef um er að ræða þjónustuliði
sem allir þarfnast. Aðeins er unnt – en
ekki skylt eða endilega eðlilegt – að inn-
heimta aukagreiðslu fyrir valkvæða
aukaþjónustu. Um þetta er fjallað í síð-
asta helgarblaði International Herald
Tribune þar sem fyrirsögnin er:
Hvað kostar vatnssopinn í þessu
flugi? …
Meira: neytendatalsmadur.blog.is
Kristín Dýrfjörð | 19. ágúst
Farandverkamenn samtímans
Það eru farandverkamenn samtímans sem sækjast eftir vinnu í
leikskólum, sagði einn leikskólastjóri mér fyrir nokkrum árum þeg-
ar illa áraði við mannaráðningar. Þetta var á þeim tíma sem fólk
byrjaði að morgni og kom ekki aftur úr kaffi. Stoppaði sumt í
nokkrar vikur í senn. Það var hrikalegt að vera í forsvari fyrir leik-
skóla á þeim tíma, hvort heldur innan leikskólans eða pólitískt.
Það er því góð frétt fyrir börn, foreldra, starfsfólk leikskóla og pólitíkusa að bet-
ur gangi að ráða þangað fólk en undanfarin haust. Sannarlega vona ég að hluti
þessa fólks sem nú hefur störf í leikskólum sjái hvað það er frábært að starfa
þar og geri að ævistarfi. Börnin okkar eiga það skilið. Miklar mannabreytingar í
leikskólum hafa háð því að hægt sé að byggja upp þekkingu og tiltekna festu í
starfið þar. Vonandi gefst fleiri skólum tækifæri til þess núna. Sá svo að borg-
arstjóri hefur tilgreint ástæðu þess að formaður leikskólaráðs vildi reka sviðs-
stjórann og er það vegna mikils kostnaðar við auglýsingar. Einhvernvegin finnst
mér það ekki hljóma sennilega.
Meira: roggur.blog.is
Sigurður Jónsson | 19. ágúst
Eitt af grundvallaratriðum í öllum mann-
legum samskiptum er að
virða skoðanir annarra.
Þetta á að sjálfsögðu við
pólitík og skrif um lands-
mál eða sveitarstjórn-
armál. … Það er alveg
magnað með marga öfga
vinstri menn að þeir telja sig eina vita
hvað er rétt og hvað er rangt. Þeim er
gjörsamlega fyrirmunað að aðrir geti haft
önnur sjónarmið heldur en þeir. Frekar en
að grípa til raka fyrir sínu máli kalla þeir
andstæðinga sína barnalega eða kjána
o.s.frv. Það er í pólitíkinni eins og í öðru
að litirnir eru ekki bara svart eða hvítt. …
Meira: sjonsson.blog.is
Andri Örn Víðisson | 19. ágúst
Kaldhæðni að tala
um að draga saman
launakostnað
Mér þykir nú kaldhæðni
að tala um að uppi séu
hugmyndir um að draga
saman launakostnað hjá
Reykjavíkurborg á sama
tíma og annar hver
fulltrúi í borgarstjórn er
kominn á biðlaun borgarstjóra. Væri ekki
nær að klippa á það og a.m.k. endur-
skoða 8% samdrátt í launakostnaði
borgarstarfsmanna. Er t.d. ekki hægt að
sleppa/fresta einhverjum dýrum verk-
efnum? T.d. ekkert jólaskraut í Reykjavík
þennan veturinn! Það ætti að dekka 8%
giska ég á.
Meira: avid.blog.is
ÞÓRUNN Sveinbjarn-
ardóttir umhverfisráðherra
tilkynnti fimmtudaginn fyrir
verslunarmannahelgi
ákvörðun sína um að virkjun
jarðhita á Þeistareykjum,
stækkun Kröfluvirkjunar,
línulagnir frá Þeistareykjum
og Kröflu að Bakka og álver
á Bakka skuli fara í sameig-
inlegt umhverfismat. Úrskurður hennar
vegna kæru Landverndar kom tveimur og
hálfum mánuði eftir að frestur hennar til
þess rann út, samkvæmt lögum um mat á
umhverfisáhrifum frá árinu 2000.
Úrskurðurinn kom flestum sem málið
varðar mjög á óvart, enda hafði Skipulags-
stofnun ákveðið að ekki væri þörf á sameig-
inlegu mati og framkvæmdaaðilar hafa átt
mjög góða samvinnu við skipulagsyfirvöld og
stjórnvöld um fyrirkomulag rannsókna á um-
hverfismati framkvæmda. Einnig hafði ráð-
herra nýlega úrskurðað á þveröfugan hátt,
nærri sínu kjördæmi á suðvesturhorninu.
Spurningum enn ósvarað
Þórunn hélt opinn fund á Húsavík 12.
ágúst síðastliðinn til að útskýra ákvörðun
sína fyrir heimamönnum og til að „leiðrétta
misskilning“ um úrskurðinn, eins
og hún orðaði það. Samdóma álit
gesta á þeim fundi var að ekkert
hefði verið útskýrt og enginn mis-
skilningur verið til staðar til að
leiðrétta.
Umhverfisráðherra var ítrekað
spurð tveggja lykilspurninga á
fundinum. Annars vegar hvernig
megi tryggja að úrskurðurinn
seinki ekki framkvæmdum og hins
vegar hvort hún gæti tryggt að
hægt verði að bora rann-
sóknaholur á Þeistareykjum næsta
sumar, sem Landsvirkjun hefur
nýlega boðið út. Þær boranir eru nauðsyn-
legar svo hægt sé að svara því hvort næga
orku sé að finna á svæðinu fyrir álver. Ráð-
herra svaraði hvorugri spurningunni.
Framkvæmdir tefjast um ár
Hinn litli en háværi hópur fólks í íslensk-
um stjórnmálum sem telur sig sjálfskipaðan
málsvara umhverfisins lítur þannig á að þó
að einhverra mánaða seinkun verði á mats-
ferlinu muni það ekki hafa áhrif á fram-
kvæmdahraða. Ráðherra umhverfismála
sagði á fundinum að það væri einfaldlega
framkvæmdaaðila, í samvinnu við Skipulags-
stofnun, að tryggja að úrskurður hennar ylli
ekki töfum og hún væri sannfærð um að
hægt yrði að finna leiðir til þess. Varðandi
rannsóknaboranir á Þeistareykjum kvaðst
hún enga ábyrgð bera á þeim.
Nú er orðið ljóst, eftir fundi fram-
kvæmdaaðila með skipulagsyfirvöldum, að
framkvæmdir munu tefjast um að minnsta
kosti heilt ár. Kemur það bæði til af því að
rannsóknir á Þeistareykjum eru aðeins
mögulegar yfir sumartímann og af því að
nýtt matsferli tekur einfaldlega sinn tíma.
Ekki verður mögulegt að bora nauðsynlegar
rannsóknaholur á Þeistareykjum næsta sum-
ar, sem þó eru komnar í útboð hjá Lands-
virkjun. Í því sambandi er rétt að geta þess
að samkvæmt nýlega endurnýjuðum vilja-
yfirlýsingum var ætlunin að taka endanlega
ákvörðun varðandi álverið og ganga frá
samningum um orkusölu fyrir árslok 2009.
Það er nú í uppnámi sem og þá allt ferlið í
heild sinni.
Ákvörðun leiðir einungis
til tafa og kostnaðar
Áætlað er að búið sé að eyða um fimm
milljörðum króna í rannsóknir og undirbún-
ing fyrir álver á Bakka. Miðað við vaxta-
stigið í landinu í dag er auðvelt að reikna út
að töf í eitt ár muni kosta hundruð milljóna
króna. Það væri í sjálfu sér ásættanlegt ef
búast mætti við betra mati á áhrifum fram-
kvæmdanna á umhverfið í kjölfar úrskurð-
arins.
Það er hins vegar ljóst að úrskurðurinn
bætir ekki umhverfismat framkvæmdanna,
eins og skýrt kemur fram í upphaflegum úr-
skurði Skipulagsstofnunar sem umhverf-
isráðherra kaus að snúa við. Fram-
kvæmdaaðilar hafa allir vandað mjög til
verka við matsáætlanir sínar og eins og
kveðið er á um í upphaflegum úrskurði
Skipulagsstofnunar var ætlunin að umhverf-
ismat framkvæmdanna yrði unnið samhliða
eins og kostur væri og að í hverri útgefinni
skýrslu um mat á umhverfisáhrifum yrði
samantekt á niðurstöðum þeirra skýrslna
sem þegar væru komnar út. Sameiginlegt
mat mun því engu bæta við nema enn einu
formlegu ferli með tilheyrandi töfum og
kostnaði.
Það er dapurlegt að pólitík hjá Samfylk-
ingunni á höfuðborgarsvæðinu skuli tefja
með þessum hætti nauðsynlega uppbyggingu
atvinnulífs á Norðausturlandi, sérstaklega
þegar horft er til þess hvernig útlitið er nú í
efnahagsmálum landsins. Það virðist vera
svo að þetta alvörumál fyrir íbúa Norðaust-
urlands sé meðhöndlað sem léttur ísbjarn-
arblús af hálfu umhverfisráðherra. Við slíkt
verður ekki unað.
Gunnlaugur Stefánsson
fjallar um sameiginlegt
umhverfismat fyrir norð-
an
» Sameiginlegt umhverfismat
mun engu bæta við nema
töfum og auknum kostnaði.
Gunnlaugur Stefánsson
Höfundur er framkvæmdastjóri og forseti
sveitarstjórnar Norðurþings.
Umhverfisráðherra tefur
byggingu álvers á Bakka um eitt ár