Fréttablaðið - 18.04.2009, Blaðsíða 86

58 18. apríl 2009 LAUGARDAGUR
sport@frettabladid.is
> Elvar hættur með FH
Elvar Örn Erlingsson er hættur sem þjálfari FH sem leikur
í N1-deild karla. Elvar og stjórn handknattleiksdeildar FH
komust að þessari niðurstöðu fyrr í vikunni. Elvar sagði
í samtali við Fréttablaðið að helsta ástæðan fyrir þessu
væri sú að óeining ríkti meðal leikmanna um hans störf.
„Sitt sýnist hverjum eins og þar stendur. Því var ákveðið
að láta gott heita því mér fannst ekki grundvöllur til að
halda áfram með þeim formerkj-
um. En svona er lífið í boltan-
um og er ég alveg sáttur við
þessi málalok.“ Elvar hafði
þjálfað FH í tvö ár og alls
starfað hjá félaginu í þrett-
án ár. Hann ætlar að taka
sér frí frá þjálfun.
KÖRFUBOLTI Stjórn Körfuknattleiks-
samband Íslands rifti í gær samn-
ingi sínum við Ágúst Björgvinsson,
sem hefur verið þjálfari kvenna-
landsliðsins síðan í desember árið
2007. Ástæðuna segir stjórnin vera
trúnaðarbrest en hvorki formaður
KKÍ né Ágúst sjálfur vildu tjá sig
nánar um ástæður brottvikning-
arinnar.
„Yfirlýsingin segir það sem
segja þarf,“ sagði Hannes Jónsson,
formaður KKÍ. „En þetta mál bar
þó ekki brátt að. Það hefur verið
unnið að því í talsverðan tíma og
þetta var ákvörðun sem stjórnin
tók að mjög vel ígrunduðu máli.“
Hannes sagði að þetta tengdist
ekki árangri landsliðsins undir
stjórn Ágústs. Spurður hvort aðrir
aðilar en Ágúst sjálfur og stjórn-
armenn KKÍ tengdust téðum trún-
aðarbresti vísaði Hannes til áður-
nefndar yfirlýsingar. Játaði hann
því hvorki né neitaði.
„Þetta er viðkvæmt mál. Þetta
er bara leiðinlegt,“ sagði hann.
Þeir aðilar sem Fréttablað-
ið ræddi við í gær segja að sögu-
sagnir hafi líklega orðið Ágústi að
falli. Enginn vildi þó koma fram
undir nafni og segja hvers eðlis
þær sögusagnir væru.
„Þetta er nokkuð sem mér finnst
mjög leiðinlegt og miður,“ sagði
Ágúst í samtali við Fréttablað-
ið í gær. „Ég er eyðilagður vegna
þessa.“
Hann sagðist heldur ekki vilja
greina nánar frá ástæðum þess að
hann var rekinn úr starfi. „Þetta
er nokkuð sem ég vil halda milli
mín og stjórnar KKÍ að svo stöddu.
Ég kýs að tjá mig ekki um þær
ástæður.“
Ágúst þjálfaði landsliðið í tveim-
ur verkefnum í fyrra – á Norður-
landamótinu og B-deild Evrópu-
mótsins.
„Ég var búinn að leggja mik-
inn metnað í þetta starf og körfu-
boltann í heild sinni. Þetta var
stuttur tími sem ég hafði með
landsliðinu en ég er mjög ánægð-
ur með að hafa þó fengið að vinna
með þessum leikmönnum. Ég er
afar ánægður með hversu fórn-
fúsar þær voru fyrir landsliðið og
metnaðarfullar enda hafa fram-
farirnar ekki látið á sér standa.
Ég óska leikmönnum alls hins
besta.“
Ágúst hætti í vikunni sem þjálf-
ari karlaliðs Hamars. „Í þjálf-
araheiminum veit maður aldrei á
hverju maður á von. Það er auð-
vitað alltaf erfitt þegar maður er
látinn taka pokann sinn. Ég er þó
ekki hættur í þjálfun. Ég á í við-
ræðum við nokkur lið og þær eru
komnar langt á veg við eitt lið.“
Hann játti því að hafa átt í við-
ræðum við að taka við kvennaliði
Hauka á ný.
„Ég hef þó átt í viðræðum við
fleiri lið. En það eru mjög góðar
líkur á að ég verði að þjálfa í
kvennadeildinni á næstu leiktíð.“
eirikur@frettabladid.is
ÁGÚST BJÖRGVINSSON Mun ekki þjálfa kvennalandsliðið áfram. FRÉTTABLAÐIÐ/RÓSA
Landsliðsþjálfarinn rekinn
Stjórn KKÍ ákvað í gær að rifta samningi sínum við Ágúst Björgvinsson, sem
hefur verið þjálfari kvennalandsliðsins í körfubolta í tæpt eitt og hálft ár.
Stjórn KKÍ ber við trúnaðarbresti en ekki er frekar greint frá honum.
Hjúkrunarfræðingur
A
u
g
lý
si
n
g
a
sí
m
i
– Mest lesið
Það er hátíð hjá handknattleiksáhugamönnum þessa dagana
enda úrslitakeppnirnar að fara af stað. Strákarnir hófu leik á
fimmtudaginn og stelpurnar byrja í dag. Þá mætast Haukar
og Fram, sem og lið Stjörnunnar og Vals. Báðir leikirnir
hefjast klukkan 16 í dag.
Einar Jónsson, þjálfari kvennaliðs Fram, stendur í ströngu
en hann var á bekknum hjá karlaliði félagsins þegar það
vann óvæntan sigur á Haukum að
Ásvöllum. Ástæðan fyrir veru Einars á
bekknum var sú að Viggó Sigurðsson
var í leikbanni.
„Það þurfti mig til að koma liðinu
aftur á sigurbraut. Það vantaði ákveðna
hugarfarsbreytingu sem ég kom með í
liðið. Það skiptir ekki máli hvar Viggó er en
Framliðið er betra með mig á bekknum,“ sagði
Einar í gamansömum tón en hann verður ekki á
bekknum á mánudaginn enda kominn á fullt með stelpurnar
sínar. Svo skemmtilega vildi til að hinn maðurinn sem stýrði
Framliðinu gegn Haukum heitir líka Einar Jónsson. „Hann sá meira
um þetta, en ég var að peppa menn áfram og sá um að rífast
við andstæðinginn,“ sagði Einar léttur en smá ryskingar voru í
hálfleik á leiknum þar sem Einar kom við sögu. Hann sagði það
þó ekki hafa verið neitt stórvægilegt.
Kvennaliði Fram hefur ekki vegnað sem skyldi í vetur en
Einar er þrátt fyrir það hvergi banginn fyrir rimmuna
gegn Haukum.
„Stelpurnar hafa verið að bíða eftir þessu síðan við
töpuðum titlinum í fyrra. Það breytir engu hvernig
hefur gengið í vetur. Það sást best í karlaleik Fram
og Hauka. Við mætum ákveðin til leiks og ætlum
okkur að slá Haukana út,“ sagði Einar ákveðinn en
hann verður án hinnar sterku Pövlu Nevarilovu.
„Ég held að við vinnum þessa rimmu 2-0. Við
höfum haft svolítið tak á þeim síðustu tvö ár og
ég held að þær séu pínu hræddar við okkur,“
sagði Einar, sem spáir Val 2-1 sigri í einvíginu
gegn Stjörnunni.
ÚRSLITAKEPPNI N1-DEILD KVENNA HEFST Í DAG: EINAR JÓNSSON STENDUR Í STRÖNGU MEÐ BÆÐI LIÐ FRAM
Karlalið Fram er betra með mig á bekknum