Morgunblaðið - 03.09.2008, Blaðsíða 15
MORGUNBLAÐIÐ MIÐVIKUDAGUR 3. SEPTEMBER 2008 15
FRÉTTIR
WWW.EBK.DK
EBK Huse A/S býður hér með til byggingarfundar 8. september 2008 í Reykjavík.
V/ BELLA CENTER: +45-32 52 46 54, C.F. Møllers Allé, Ørestaden, København
Mán.- mið. og lau. 13-17, Sun. og helgidaga 11-17
83
59
Ert þú í byggingarhugleiðingum?
DANSKIR GÆÐASUMARBÚSTAÐIR (HEILSÁRSBÚSTAÐIR)
Á þessum fundi þar sem hægt er að fá einkaviðtöl getum við kynnt þig fyrir þeim byggingarmöguleikum sem í boði
eru fyrir þig miðað við húsin okkar, byggingaraðferðir og afgreiðsluskilyrði við að reisa hús á Íslandi. Gerum tilboð
samkvæmt ykkar hugmyndum og óskum.
Skráning í einkaviðtal á www.ebk.dk eða beint hjá söluráðgjafa: Anders Ingemann Jensen eða Trine Lundgaard Olsen í
síma +45 32 52 46 54 eða netfang: island@ebk.dk. Vinsamlegast virðið tímaskráningu.
OPIÐ HÚS – Sunnudaginn 7. september kl. 13.00-16.00 Hestland lóð nr. 2
Komdu og kynnstu danskri hágæðaframleiðslu, orlofshúsum sem teiknuð eru af arkitektum og sniðin að óskum
viðskiptavinarins sem og íslenskri veðráttu. Sort Søholm húsið er 93 fm og býður upp á spennandi og opinn arkitektúr
með 15 fm yfirbyggðri verönd, 3 herbergjum og stóru og björtu stofu- og borðstofurými. Tveir sölu- og byggingaráðg-
jafar okkar sem eru dönsku- og enskumælandi, verða á staðnum og veita þér nánari upplýsingar um möguleika og
tilhögun. Ef þú ert með ákveðnar byggingarhugmyndir um orlofshús getur þú einnig rætt þær við okkur. Húsið sem er
til sýnis er í einkaeign og ekki til sölu.
Leiðarvísir: Rétt vestan við Selfoss er afleggjari til norðurs, Biskupstungnabraut, nr. 35. Ekið er fram hjá Þrastarlundi, fram hjá
Kerinu og u.þ.b. 5 km. lengra þar til skilti merkt “Kiðjaberg” (Hraunborgir) er á hægri hönd birtist. Vegur 353. Þá eru 8 km að
golfskála Kiðjabergs. Þegar komið er að skálanum er sveigt til vinstri niður í lægð og gegnum golfvöllinn, brautir sem er á hvorri
hlið, upp brekku þangað til skilti í hestlíki birtist. 100-150 metrum lengra stendur húsið á hægri hönd.
EBK Huse A/S hefur meira en 30 ára reynslu af því að byggja og reisa sumarbústaði úr tré.Þekkt dönsk
gæðahönnun. EBK Huse er meðal leiðandi fyrirtækja á markaðinum, með 4 útibú í Danmörku og 4 útibú í
Þýskalandi. Höfum einnig margra ára reynslu af sumarhúsbyggingum á Íslandi, Þýskalandi og Færeyjum.
HEIMA- og frítímaslys hjá öldruð-
um eru algeng hér á landi en sam-
kvæmt úttekt sem gerð var á slys-
um meðal eldri borgara og byggist
á gögnum frá Slysaskrá Íslands og
slysadeild Landspítala – háskóla-
sjúkrahúss eru heima- og frítíma-
slys langstærsti slysaflokkurinn
eða 75% allra slysa.
Slysavarnafélagið Landsbjörg og
Garðabær hafa nú tekið höndum
saman og gert með sér samning um
öryggisheimsóknir til allra eldri
borgara, 75 ára og eldri, í Garðabæ
á næstunni. Gunnar Einarsson,
bæjarstjóri Garðabæjar og Kristinn
Ólafsson, framkvæmdastjóri Slysa-
varnafélagsins Landsbjargar,
skrifuðu nýlega undir samninginn,
sem felur það í sér, að fulltrúar
Slysavarnafélagsins Landsbjargar
bjóða þessum hópi eldri borgara í
Garðabæ upp á heimsókn þar sem
farið verður yfir heimili þeirra
m.t.t. slysagildra. Starfsmenn
munu einnig aðstoða íbúa við upp-
setningu öryggisbúnaðar sé þess
óskað.
Fall er langalgengasta
ástæða slysa hjá öldruðum
Slysavarnafélagið Landsbjörg
vekur athygli á því af þessu tilefni
að þegar ástæður heima- og frí-
tímaslysa eru skoðaðar kemur í ljós
að fall er langalgengasta ástæðan
fyrir þeim slysum sem verða hjá
öldruðum eða 73% og hlutfall
kvenna sem slasast mun hærra en
karla. 18% aldraðra sem slösuðust í
heima- og frítímaslysum þurftu á
innlögn að halda og það er mun
hærra hlutfall en hjá öðrum aldurs-
hópum.
Samið um öryggisheimsóknir
til eldri borgara í Garðabæ
Snæfellsbær | Slökkvi-
lið Snæfellsbæjar tók
nýverið í notkun nýja
slökkvibifreið. Slökkvi-
lið tók á móti nýja bíln-
um og síðan var honum
fylgt inn í bæinn af
eldri slökkviliðsbílum.
Ekið var með sírenu-
væli og ljósum að
slökkviliðshúsinu þar
sem formleg móttaka
fór fram.
Kristinn Jónasson tók
við lyklunum úr hendi
Benedikts Einars Gunn-
arssonar frá Ólafi Gísla-
syni & Co sem sá um innflutning og breytingar á slökkviliðsbílnum.
Sögðu þeir báðir við afhendinguna að vonandi yrði bíllinn sem minnst
notaður.
Eftir afhendingu var flotinn skoðaður og boðið upp á veitingar í til-
efni dagsins. Mikið var spjallað og spurt enda mikill áhugi fyrir að fá
bílinn í bæjarfélagið til að bæta öryggi bæjarfélagsins.
Mikið er til af búnaði í góðu ástandi á stöðinni og verður hluta hans
komið fyrir í nýja slökkviliðsbílnum ásamt því að gamla bifreiðin sem
er af Benz-gerð árgerð 1984 heldur áfram hlutverki en nú sem bifreið
númer tvö. Sú bifreið var á sínum tíma keypt af mikilli framsýni og var
og er vel búin, auk þess sem slökkviliðið hefur yfir að ráða bifreið af
gerðinni Reo Studebaker M 45 árgerð 1953.
Nýja slökkviliðsbifreiðin er einn af fullkomnustu bílum á landinu og
mjög vel tækjum búin.
Með sírenuvæli og heiðurs-
fylgd eldri bíla í móttökuna
Athöfn Lyklar að nýja bílnum afhentir.
SAMTÖK hernaðarandstæðinga
lýsa í tilkynningu vonbrigðum sín-
um með að íslensk stjórnvöld skuli
eina ferðina enn gera landið að æf-
ingarsvæði erlends herliðs. „Her-
æfingar þær sem ganga undir heit-
inu Norðurvíkingur eru leifar frá
kalda stríðinu og hafa engu já-
kvæðu hlutverki að gegna fyrir ís-
lenskt samfélag eða umheiminn,“
segir þar jafnframt.
Vonbrigði
HÁSKÓLINN í Reykjavík útskrifaði sl. laugardag 40 nemendur. 19 nem-
endur voru brautskráðir með meistaragráðu í lýðheilsufræðum, 11 nem-
endur með M.Ed.-gráðu í stærðfræði/raungreinum og kennslufræði, sex
nemendur með meistaragráðu í lýðheilsufræði og kennslufræði og fjórir
voru útskrifaðir með diplóma úr kennslufræði. Yngsti nemandinn var 27
ára en sá elsti 60 ára.
40 brautskráðir frá HR
Brautskráð 40 nemendur af fjórum brautum útskrifuðust að þessu sinni.
STJÓRN vinstri grænna á Suður-
nesjum ályktar að skipulagsráði
Reykjanesbæjar beri að taka tillit
til núverandi byggðar í Njarðvík
varðandi skipulag nýrra bygg-
inga við Hákot og Hákotstanga.
„Í eldra aðal- og deiliskipulagi
var gert ráð fyrir að þarna myndi
rísa lágreist byggð í takt við þá
byggð sem fyrir er,“ segir í til-
kynningu.
VG vill breytingar
STUTT
KJÓLATÍSKAN fer í hring, gömul snið komast alltaf
aftur í notkun. Um þetta voru sammála þær Gróa
Guðnadóttir, Sæunn Guðmundsdóttir og Sigríður
Bjarnadóttir sem fögnuðu 65 ára afmæli Klæðskera-
og kjólameistarafélagsins í gær.
Sigríður tók kjólameistaraprófið árið 1956 en lengi
vel kenndi hún fagið við Iðnskólann í Reykjavík. Hún
segist ekki lengur sauma en ósjálfrátt fylgist hún með
tískustraumunum. Hún segir að miðað við tískuna í
dag sjái hún litlar breytingar á þeim kjólum sem áður
voru vinsælir en undir það geta Sæunn og Gróa ekki
tekið. Að mati Gróu hafa orðið gríðarmiklar breyt-
ingar, ekki aðeins í sniðum kjóla heldur einnig á öðr-
um flíkum.
Hún segir mun einfaldara að sníða og sauma kjóla
nú en áður. „Þetta var margbrotnara þegar við vorum
að sauma. Það voru miklu meiri kröfur gerðar. Núna
eru þetta hólkvíðir kjólar, svona eins og pokar.“ Gróa
tekur undir það og segir að áður fyrr hafi kjólarnir
þurft að passa svo nákvæmlega á fólk. „Það eru ekki
gerðar eins miklar kröfur núna, sérstaklega vegna
fjöldaframleiðslunnar.“ ylfa@mbl.is
Einfaldara að sníða og sauma nú
Morgunblaðið/Ómar
Afmæli fagnað Sigríður Bjarnadóttir, Sæunn Guðmundsdóttir, Gróa Guðnadóttir, Guðrún Guðmundsdóttir og
Sigrún Ástrós Sigurðardóttir. Þeim finnst sem minni kröfur séu gerðar um klæðin en áður.
EGILL Gunnlaugsson, fyrrverandi
héraðsdýralæknir á Hvammstanga,
er látinn á 72. aldursári. Egill fædd-
ist 29. september 1936. Foreldrar
hans voru Gunnlaugur Jóhannesson
og Anna Teitsdóttir. Hann lauk
stúdenstprófi frá MA og prófi í
dýralækningum árið 1963. Egill
vann sína starfsævi að mestu leyti í
Húnaþingi. Hann sinnti mörgum
trúnaðarstörfum fyrir samfélag
sitt. Hann var í mörg ár formaður
skólanefndar Hvammstanga-
hrepps, sat um tíma í fræðsluráði
Norðurlands-
kjördæmis
vestra, sat í heil-
brigðisnefnd, í
stjórn tónlistar-
skólans, í stjórn
Sparisjóðs V-
Húnvetninga og
í yfirkjörstjórn
Norðurlands-
kjördæmis
vestra. Eftirlifandi eiginkona hans
er Elinborg Sigurgeirsdóttir tón-
listarkennari.
Andlát
Egill Gunnlaugsson
ÓVENJU mikið var um þjófnað á
bifreiðum um liðna helgi í Hafnar-
firði, að sögn lögreglunnar á höfuð-
borgarsvæðinu. Tilkynnt var um að
þremur bílum hefði verið stolið og
eru þjófarnir ófundnir.
Suzuki-jepplingi (KS-543) var
stolið úr bílageymsluhúsi við fjöl-
býlishús á Norðurbakka, Nissan
Sunny-fólksbifreið (PI-651) var
stolið af bílaplani við Suðurbraut
og Suzuki Sidekick (VM-593 ) var
stolið af bílaplani við Kirkjuvelli.
andri@mbl.is
Bílum stolið
í Hafnarfirði