Morgunblaðið - 13.09.2008, Blaðsíða 16
16 LAUGARDAGUR 13. SEPTEMBER 2008 MORGUNBLAÐIÐ
FRÉTTIR
Eftir Ylfu Kristínu K. Árnadóttur
ylfa@mbl.is
FRAMKVÆMDIR hefjast senn við nýtt Garða-
torg í Garðabæ. Bæjarstjóri ásamt bæjarfulltrú-
um, leikskólabörnum og fleiri tóku fyrstu skóflu-
stunguna á fimmtudag en fyrsta verk verður að
grafa fyrir bílakjallara. Við torgið verða verslan-
ir, þjónustufyrirtæki, menningarlíf og íbúðir.
Áætlað er að fyrirtækin geti hafið starfsemi sína
vorið 2010 en að framkvæmdunum ljúki með öllu
seinnipart sama árs.
Aukin þjónusta við Garðbæinga
„Þetta er mjög spennandi,“ segir Guðfinna B.
Kristjánsdóttir, upplýsingafulltrúi Garðabæjar.
Með þessu verði þjónusta við Garðbæinga aukin
til muna. Það húsnæði sem fyrir er verður rifið
og munu nýbyggingarnar mynda hring utan um
torgið. Að auki mun hús undir Hönnunarsafn Ís-
lands rísa við torgið en bygging þess mun hefj-
ast haustið 2009.
Fyrsti áfangi miðbæjarsvæðisins var tekinn í
notkun í júní sl. með nýjum verslunarkjarna við
Litlatún. Í tilkynningu frá bænum segir að
stefnt verði að því að „hjarta nýs miðbæjar verð-
ur hið nýja Garðatorg, glæsilegt bæjartorg sem
verður miðpunktur mannlífs og menningar í
Garðabæ.“
Nýtt torg í hjarta Garðabæjar
Gamla Garðatorgið rifið og hafist handa við að byggja nýtt Við nýtt Garðatorg mun m.a.
rísa nýtt Hönnunarsafn Íslands Áætlað að framkvæmdum ljúki seinnipart ársins 2010
Í HNOTSKURN
»FasteignaþróunarfélagiðKlasi vinnur að upp-
byggingunni í samvinnu við
Garðabæ.
»Samstarfið hófst árið2004 en áformin um nýtt
Garðatorg grundvallast á
samkomulagi frá árinu 2006.
»Alls er um að ræða 5.500fm af nýju verslunar-
húsnæði og um 72 íbúðir.
»Um framkvæmdirnar sjáÍslenskir aðalverktakar
hf. Aðalhönnuðir eru THG
arkitektar en VST-rafteikn-
ing sér um verkfræðihönn-
un.
Nýtt Við torgið verða m.a. verslanir en við hönnunina var lögð áhersla á hlýlegt yfirbragð.
Eftir Alfons Finnsson
Ólafsvík | Þrátt fyrir niðurskurð í
kvóta og fækkun starfsfólks víða í
fiskvinnslu á Íslandi og að sum sjáv-
arútvegsfyrirtæki hafi jafnvel lokað
fiskvinnsluhúsum eru eigendur
Litlalóns ehf. í Ólafsvík að stækka
fiskvinnsluna sína um 575 fermetra
en fiskvinnsluhúsnæðið er í dag 250
fermetrar.
Litlalón er fjölskyldufyrirtæki og
gerir út bátinn Egill SH. Jens Brynj-
ólfsson, einn af eigendum Litlalóns,
segir í samtali við Morgunblaðið að í
nóvember á síðasta ári hafi fyrirtæk-
ið tekið í notkun gamalt fiskvinnslu-
hús í Ólafsvík til þess að verka afla
Egils SH en strax hafi þeir sprengt
húnæðið utan af sér og því hafi fyr-
irtækið ákveðið að fara út í þessa
stækkun. Jónas Kristófersson er
byggingarstjóri og Loftorka sér um
að reisa einingarnar.
Jens segir ennfremur að allur
þorskur af Agli SH fari í verkun í
fiskvinnsluhúsinu. „Við höfum líka
keypt á fiskmarkaðinum og við selj-
um saltfiskinn í gegnum fyrirtækið
Bacco.“
Langur vinnudagur
„Við höfum gert tilraunir með að
senda skarkola til Spánar með flugi
og hefur sú tilraun lofað góðu en
verðið á fiskmarkaðinum hér heima
fyrir kolann er ekki hátt sem stendur
í kringum 150 til 160 krónur á kílóið
en það þyrfti helst að vera um 200
krónurnar,“ bætir Jens við.
Eins og áður hefur komið fram er
Litlalón fjölskyldufyrirtæki og eru
fjórir fjölskyldumeðlimir í áhöfn Eg-
ils SH ásamt þrem öðrum. „Á síð-
ustu vertíð rerum við á net og þegar
við vorum búnir að landa fórum við í
fiskvinnsluna til þess að aðstoða
starfsfólkið við að fletja fiskinn og
fyrir vikið var vinnudagurinn langur
og vorum við á síðustu dropunum
eftir vertíðina,“ segir Jens.
Að lokum segir Jens að áætlað sé
að viðbyggingin verði tekin í notkun
fyrir áramót og sé á áætlun að bæta
við mannskap í vinnsluna. Kostnað-
aráætlun við bygginguna sé um 80
milljónir. „Það þýðir ekkert annað
en að vera bjartsýnn á framtíðina í
íslenskum sjávarútvegi, nema við
séum svona vitlaus,“ segir Jens og
skellihlær.
Bjartsýnir eða vitlausir
Morgunblaðið/Alfons
Uppbygging Unnið er að stækkun fiskvinnslunar Litlalóns í Ólafsvík.
Eigendur Litlalóns
ætla að stækka
fiskvinnsluna
NÝTT hringtorg gnæfir nú yfir Reykjanesbraut-
ina við Arnarnesveg. Hringtorgið er hið fyrsta
sinnar tegundar á landinu, og er ætlunin með því
að losna alfarið við umferðarljós. Hingað til hafa
framkvæmdirnar sáralítil áhrif haft á umferð en
búast má við því að á næstu vikum og mánuðum
verði lokanir og meiri truflun. Verktakinn
Suðurverk ehf. áætlaði verklok 10. júlí 2009, en
nú er búist við að það verði töluvert fyrr. Hring-
torgið er afar stórt enda liggur fyrir að daglega
eiga 110 þúsund bílar að fara um Reykjanes-
braut á þessum stað eftir nokkur ár.
Morgunblaðið/Golli
Hringleikahús umferðarinnar á undan áætlun
EINAR K. Guðfinnsson sjávar-
útvegsráðherra telur að íslenskt
umhverfismerki og vottun sem nú
eru í bígerð séu eitt stærsta við-
fangsefni sjávarútvegsins. Hann
sagði á fundi Sjávarútvegsklasa
Vestfjarða í Flókalundi s.l. fimmtu-
dag að öllum þyrfti að vera ljóst að
slíkt merki myndi setja mönnum
talsverðar skorður, að því er fram
kom í Andrá, vefriti um sjávar-
útveg og landbúnað.
„Þetta þýðir í raun að við getum
ekki tekið ákvarðanir um heildar-
afla eða nýtingu okkar auðlindar,
án hliðsjónar af því sem vísinda-
legar ráðleggingar kveða á um,“
sagði Einar.
Hann sagði að það að taka upp
umhverfismerki, hvort sem það
yrði íslenskt eða erlent, mundi hafa
ábyrgð í för með sér. Eins mundi
það setja okkur ákveðnar skorður
og mörk um ýmsa þætti auðlinda-
nýtingarinnar.
„Við þurfum semsé að vera trú-
verðugir,“ sagði ráðherrann.
Ábyrgð
umhverfis-
merkis
Vottun fylgja
ákveðnar skorður
ÍSLENSKIR aðalverktakar (ÍAV)
steyptu í gær fyrstu undirstöðurnar
að kerskála álvers Norðuráls í
Helguvík. Í kerskálann fullbyggðan
er áætlað að fari um 36.000 rúm-
metrar af steypu og tæplega 60.000
rúmmetrar í álverið fullbyggt, að því
er segir í tilkynningu.
Undirbúningsframkvæmdir á
svæðinu hafa staðið yfir frá því í
mars á þessu ári.
Hátt í 100 manns vinna nú við
framkvæmdirnar í Helguvík.
Steyptu
undirstöður