Morgunblaðið - 13.09.2008, Blaðsíða 42

42 LAUGARDAGUR 13. SEPTEMBER 2008 MORGUNBLAÐIÐ
AFMÆLI
SKJÓTT skipast veður í lofti á
„Stórslemmu-mótinu“ í Bilbao á
Spáni. Þegar seinni umferðin hófst
náði Magnús Carlsen að vinna Lev
Aronjan með tilþrifum og hafði náð
öruggri forystu og var auk þess kirfi-
lega efstur á stigalista FIDE sem
áhugamenn reikna nú eftir hverja
einustu umferð. Þá dró skyndilega
ský fyrir sólu, Magnús hafði hvítt í 7.
umferð en tapaði í 21. leik fyrir Vasilí
Ivanstjúk og næsta umferð bauð
ekki upp á góð tíðindi heldur, því þá
tapaði Magnús fyrir Topalov. Við
það féll hann endanlega úr efsta sæti
en eins og áður hefur komið fram eru
gefin þrjú stig fyrir sigur, og aðeins
eitt fyrir jafntefli. Heimsmeistarinn
Anand hefur ekki unnið skák og er
neðstur ásamt Radjabov.
En staðan þegar tvær umferðir
eru efstir er þessi:
1. Venselin Topalov (Búlgaría) 13 stig,
5 v. (af 8)
2. Lev Aronjan (Armenía) 12 stig 4½ v.
3.-4. Vasilí Ivantsjúk (Úkraína) og
Magnús Carslen (Noregur) 11 stig, 4 v.
5.-6. Teimour Radjabov (Aserbadsjan) og
Wisvanathan Anand (Indland ) 6 stig,
3 v.
Stigakerfið virðist ekki breyta
miklu um niðurstöður þessa móts,
staðan væri sú sama væri hefð-
bundna kerfið láta ráða. Þó má
benda á að jafnteflisprósentan er í
kringum 50%, heldur lægri en í sam-
bærilegum mótum. Nú er svo komið
að Vasilí Ivantsjúk leiðir á hinum
óopinbera stigalista FIDE:
1. Vasilí Ivantsjúk 2791,3
2. Alexander Morosevits 2787,0
3. Magnús Carlsen 2786,2
4. Venselin Topalov 2785,2
5. Wisvantahan Anand 2783,0
Ljóst er að lokaumferðirnar
skipta miklu máli um það hvernig
októberlisti FIDE lítur út. Elo-stig-
in voru fyrst birt á árunum í kringum
1970 og aðeins fimm skákmenn hafa
náð toppsætinu: Fischer, Karpov,
Kasparov, Topalov og Anand.
Hvað viðvíkur frammistöðu An-
and þá ber að geta þess að ekki er
óalgengt að skákmenn sem eiga
heimsmeistaraeinvígi framundan
tefli undir getu. Þegar frægðarsól
Mikhael Tal skein sem skærast árið
1959 tók hann þátt í meistaramóti
Lettlands með fyrir augum að æfa
sig í varnartaflmennsku. „Handan
við hornið“ var einvígið við Botvinnik
og gekk honum miðlungi vel í þessu
móti enda oft í vörn sem átti ekki
allskostar við hann en hann sigraði
Botvinnik með glæsibrag í einvígi
þeirra vorið 1960.
Sigurskák Magnúsar Carlsonar
yfir Aronjan í 6. umferð ber þess
ljóslega vott að Norðmaðurinn hefur
kynnt sér skákstíl Kasparovs ræki-
lega. Alveg upp úr þurru lék hann d-
peði sínu fram í 15. leik. Slíkir peðs-
leikir komu stundum fyrir snemma
tafls í skákum Kasparovs þ. á m.
Gegn Timman á heimsbikarmótinu í
Reykjavík 1988 og Anderson í Til-
burg 1981. Hvort þetta var undirbú-
ið fyrirfram er óvíst en leikurinn gaf
gott spil og mikið rými fyrir biskup-
ana. Þegar leið á skákina vann
Magnús eitt peð til baka og hélt upp
miklum þrýstingi á stöðu svarts.
Stóru mistök Aronjans voru að leika
25. … h4 og síðar 27. … axb4 en
nauðsynlegt var 27. … exd4. Hann
var í tímahraki og virðist hafa misst
af hinum öfluga leik, 29. Ha1.
Bilbao 2008; 6. umferð:
Magnús Carlsen – Lev Aronjan
Slavnesk vörn
1. d4 d5 2. c4 c6 3. Rf3 Rf6 4. Rc3
e6 5. e3 Rbd7 6. Bd3 dxc4 7. Bxc4 b5
8. Bd3 Bb7 9. a3 b4 10. Re4 Rxe4 11.
Bxe4 bxa3 12. 0–0 Rf6 13. Bd3 axb2
14. Bxb2 a5 15. d5 Rxd5 16. Re5 Rf6
17. Da4 Bb4 18. Rxc6 Bxc6 19.
Dxc6+ Ke7 20. Hfd1 Hc8 21. Df3
Db6 22. Bd4 Db8 23. Ba6 Hcd8 24.
Bb7 h5 25. h3 h4 26. Hab1 e5
27. Hxb4! axb4 28. Bc5+ Ke6 29.
Ha1 Hd6 30. Bxd6 Kxd6 31. Dc6+
Ke7 32. Ha8 Dd6 33. Dxd6+ Kxd6
34. Hxh8 b3 35. Ba6 Rd7 36. Hxh4
Rc5
– og svartur gafst upp um leið
Bolvíkingar unnu Hellismenn
Taflfélögin eru þessa dagana að
ganga frá liðsuppstillingum vegna
Íslandsmóts taflfélaga sem hefst
fyrstu vikuna í október nk. Allmiklar
breytingar munu eiga sér stað á hon-
um ýmsu liðum og má geta þess að
Jón L. Árnason teflir nú fyrir Bol-
víkinga og Jóhann Hjartarson fyrir
Helli. Hraðskákkeppni taflfélaga er
einnig að fá vind í seglin og hafa
margar athyglisverðar viðureignir
farið fram undanfarið. Á fimmtu-
dagskvöldið mættust Bolvíkingar og
Hellir í undanúrslitum í harðskák-
keppni taflfélaga og unnu „Bolar“
nauman sigur eftir æsispennandi
keppni 37:35. Bolvíkingar hafa feng-
ið marga sterka skákmenn til liðs við
sig undanfarið og stefna á sigur í
efstu deild. Taflfélag Reykjavíkur
vann Skákfélag Akureyrar með
miklum mun, 53:19.
Magnús Carlson missir flugið –
Venselin Topalov efstur
Við skákborðið Magnús Carlson og Vasilí Ivanstjúk en hann sigraði í viðureign þeirra í 7. umferð.
SKÁK
Bilbao á Spáni
Stóra slemma
2.-13. september 2008
Helgi Ólafsson | helol@simnet.is
Bridsskólinn að
hefja starfsemi
Bridsskólinn sem starfað hefir í
liðlega 30 ár er að hefja vetrarstarfið
22. sept. nk.. Eru haldin námskeið
bæði fyrir byrjendur og lengra
komna.
Byrjendanámskeiðin eru á mánu-
dagskvöldum en framhaldsnám-
skeiðin á miðvikudögum.
Námskeiðin eru haldin í húsnæði
Bridssambandsins í Síðumúla 37.
Nánari upplýsingar má m.a. nálg-
ast á netinu: bridge.is/fræðsla.
Bridsfélag Kópavogs
Fyrsta spilakvöld á nýju spilaári
verður fimmtudaginn 18. september
og verður spilaður eins kvölds tví-
menningur.
Að venju verður spilað í Hamra-
borg 11, 3. hæð, og hefst spila-
mennska kl. 19.30. Bæði byrjendur
og lengra komnir eru velkomnir.
Gullsmárinn
Úrslit 11. september. Spilað á 10
borðum .
N/S
Guðrún Hinriksd. - Haukur Hannesson 204
Tómas Sigurðss. - Sigtryggur Ellertss. 199
Þorgerður Sigurgeirsd.- Stefán Friðbjss.188
Hrafnhildur Skúlad.Þórður Jörundsson 168
A/V
Elís Kristjánsson - Páll Ólason 203
Viðar Jónsson - Sigurður Björnsson 191
Ragnh. Gunnarsd. - Magnús Ingólfss. 190
Einar Markússon - Karl Gunnarsson 183
Úrslit 8. september. Spilað á 12
borðum. Meðalskor 168.
N/S
Leifur Kr. Jóhanness. – Guðm. Magnúss.207
Þorsteinn Laufdal – Jón Stefánsson 195
Hrafnhildur Skúlad. – Þórður Jörundss. 186
Dóra Friðleifsd. – Heiður Gestsdóttir 185
A/V
Lilja Kristjánsd. – Sigríður Gunnarsd. 219
Sigurður Björnss. – Ólafur Gunnarss. 193
Ragnh. Gunnarsd. – Magnús Ingólfss. 183
Fjóla Helgad. – Guðbjörg Gunnarsd. 182
Spilað er á mánu-og fimmtudög-
um í Gullsmára og hefst spila-
mennska kl. l3
Bridsdeild FEB í Reykjavík
Tvímenningskeppni spiluð í Ás-
garði, Stangarhyl, fimmtudaginn 11.
september.
Spilað var á 9 borðum. Meðalskor
216 stig.
Árangur N-S
Júlíus Guðmss. - Rafn Kristjánsson 247
Björn E. Péturss. - Ólafur B. Theodórs. 240
Magnús Oddsson - Oliver Kristófersson 233
Árangur A-V
Þorsteinn Sveinsson - Björn Árnason 251
Ragnar Björnsson - Jón Lárusson 247
Hannes Ingibergsson - Örn Sigfússon 232
Tvímenningur í Ásgarði, Stangar-
hyl, mánudaginn 8. september.
Spilað var á 10 borðum. Meðalskor
216 stig. Árangur N-S
Júlíus Guðmss. – Rafn Kristjánss. 255
Bragi Björnsson – Albert Þorsteinsson 249
Magnús Oddsson – Oliver Kristófersson 233
Árangur A-V
Hannes Ingibergsson – Örn Sigfússon 265
Ólafur Kristinss. – Vilhj. Vilhjálmss. 242
Jón Lárusson – Héðinn Elentínusson 224
Frá eldri borgurum
í Hafnarfirði
Þriðjudaqginn 9. september var
spilað á 17 borðum.
Meðalskor var 312. Úrslit urðu
þessi í N/S
Albert Þorsteinsson – Björn Árnason 384
Ólafur Ingvars. – Sigurberg Elentínus. 368
Rafn Kristjánsson – Ragnar Björnsson 359
Bragi Björnsson – Auðunn Guðmss. 350
A/V
Sveinn Snorrason – Gústav Nilsson 387
Ragnar Ásmundss. – Aðalh. Torfad. 377
Oddur Halldórss. – Haukur Guðmss. 373
Valdimar Elíasson – Arnar Arngrímss. 359
BRIDS
Umsjón Arnór G.
Ragnarsson| norir@mbl.is
Morgunblaðið/Þorkell
ÁTTRÆÐUR í dag
István Bernáth skáld-
þýðandi.
Happ var mér það
fyrir hálfri öld þegar
István Bernáth leitaði
mig uppi í Búdapest.
Þýsk tunga var István
töm frá barnsaldri og
hafði verið há-
skólagrein hans,
Norður- og Niðurlönd
voru honum hugleikin
og kunn eftir því sem
unnt var úr lokuðu
landi og þótti István
nú bera vel í veiði með Íslending,
þann eina í borginni. Eitthvað litum
við í Eddu, ég kynnti honum Kiljan
karl og bar honum nýfengna bók 79
af stöðinni eftir Indriða. Hún varð
æfingatexti og furðu fljótt sýndi
István mér fullbúna þýðingu. Sagan
var prentuð 1959 og fékk þessa um-
sögn í lesendabréfi í blaði: „besta
bók sem við leigubílstjórar höfum
lesið“. Reineke Fuchs Goethes og
kvæði Hölderlins voru að vísu aðal-
viðfangsefni Istváns um þær mundir
og hlutu þýðingar hans einróma lof
dómbærra manna.
István varð fljótlega handgenginn
helstu skáldmenntum Íslendinga að
fornu og nýju og kom mörgum
þeirra í snilldarbúning á sinni tungu.
Nægir hér að nefna Njálu og Eglu,
Eddukviður og Íslandsklukku, að
István Bernáth
ógleymdum ljóðum
góðskálda. Lengi var
István einn af rit-
stjórum alfræðirits
heimsbókmennta í
tuttugu stærð-
arbindum og var kom-
ið aftur í T þegar út-
gáfan stöðvaðist. Skrif
hans þar um íslenskar
bókmenntir mundu
fylla væna bók. Um
árabil var István eini
kennari í íslenskri
tungu við hugvís-
indaháskólann í Búda-
pest; tók saman heildstæða íslenska
málfræði sem liggur óprentuð.
Ótaldar eru ritsmíðar hans og út-
varpsþættir um Ísland og íslensk
málefni. Alls þessa er skylt að minn-
ast nú á afmælinu. Mér eru þó meir í
hug þeir gömlu dagar þegar ég var
heimagangur hjá István og Mörtu á
Akademíugötu: húsfreyjan höfð-
inglegur veitandi; drengirnir litlu
mestu fjörkálfar; afinn faðir Mörtu,
aldraður kaupsýslumaður, kom fram
úr kompu sinni þar sem hann enn
starfaði að uppgjöri fyrir Svenska
tändstickor, hafði sloppið frá helför
á Wallenbergvegabréfi; kankvís
István lauk upp hirslum og heimum
menningarinnar. Kynnin voru mér
kærkomin hugbót og kveldræðurnar
sönn akademía.
Hjalti Kristgeirsson.
Elsku amma Stína,
þegar ég sest hérna
niður til að skrifa
minningarorð um þig, þá er það
gleðin og bros þitt sem kemur fyrst
upp í hugann, því að þú varst enda-
laus uppspretta af ást og umhyggju,
alltaf var hægt að treysta á að amma
Stína myndi koma manni í gott skap.
„Amma þín er frábær,“ eru orð sem
ég fékk reglulega að heyra enda voru
það orð að sönnu. Ég man í þær
mörgu heimsóknir til ömmu og afa á
Maríubakkann hvað það var alltaf
gott að koma til ykkar. Þú varst alltaf
að baka eða brasa eitthvað í eldhúsinu
og afi inni í stofu að fara yfir reikn-
inga eða að horfa á sjónvarpið, þú
skammaðir stundum afa fyrir að
ganga ekki frá eða sendir hann út í
búð til að kaupa handa okkur gotterí,
Kristín Helga
Sveinsdóttir
✝ Kristín HelgaSveinsdóttir
fæddist í Ólafsvík
10. janúar 1911.
Hún lést á Hraun-
búðum í Vest-
mannaeyjum 28.
ágúst síðastliðinn
og var útför hennar
gerð frá Landa-
kirkju í Vestmanna-
eyjum 6. september.
og stundum laumaðir
þú að okkur pening og
baðst okkur að nefna
það ekkert við mömmu.
Einu sinni sagðir þú
mér að ég yrði skáld af
því að ég gat náð með
tunguna upp í nef, og
ég fór að semja vísur
fyrir þig, ekki neitt
merkilegar en þér
fannst þær góðar og þú
hvattir mig til að gera
meira, og þessi hvatn-
ing á stóran þátt í því
að ég fór út í leiklistina.
Þú varst nú ekki hávaxin en þú
hafðir því stærra hjarta. Ég man enn
daginn þegar ég uppgötvaði að ég var
orðinn stærri en þú og það var stór
dagur í mínu lífi og þú gladdist með
mér. Ég er enn að reyna að ná þér í
hjartastærð og ég vona að mér takist
það einhvern tímann.
Síðustu árin þín voru ekki auðveld
en alltaf tókst þér að halda góða skap-
inu og ég man ekki eftir því að hafa
nokkurn tímann séð þig reiða. Ég
mun alltaf minnast þín með gleði í
hjarta og með bros á vör og ég vona að
þú hafir það gott hvar sem þú ert með
Lúlla afa við hlið þér.
Guðmundur Lúðvík
Þorvaldsson.
MINNINGAR