Morgunblaðið - 13.09.2008, Blaðsíða 31
MORGUNBLAÐIÐ LAUGARDAGUR 13. SEPTEMBER 2008 31
Æskan og umhverfið Þórunn Sveinbjarnardóttir umhverfisráðherra höfðaði sérstaklega til unga fólksins er hún setti endurvinnsluvikuna í MH í gær.
Golli Blog.is
Guðfríður Lilja | 12. september
Ráðherrar af sérrétt-
indum í þrepum?
Ljósmæður eiga að fá
leiðréttingu í þrepum að
mati Ingibjargar Sólrúnar
Gísladóttur. Vasklega
mælt?
Hvað með til dæmis 12
litla ráðherra sem njóta óheyrilegra sér-
réttinda í eftirlaunum – eiga þeir að
minnka eigin sérréttindi í þrepum eða
jafnvel bara í einu stökki? Hvenær má
vænta tíðinda úr þeim ranni? Hversu
mikill sparnaður ætli sé í því litla máli að
ráðherrar og þingmenn sitji við sama
borð og til dæmis opinberir starfsmenn?
Gæti það jafnast á við eina litla her-
æfingu eða meira? Ein lítil heræfing
kostar einmitt svipað og að leiðrétta kjör
ljósmæðra í heilt ár.
Milljarðar fjúka í nýtt ríkisbákn her-
málastofnunar, heræfingar og hégóm-
lega umsókn að Öryggisráði SÞ – þar er
ekkert til sparað. Var það virkilega þetta
sem fólk kaus í síðustu kosningum . . .
Meira: vglilja.blog.is
Hannes Friðriksson | 12. september
Á að stefna
ljósmæðrum?
Einhvern veginn virðist
ljóst vera að fjármálaráðu-
neytið hyggist ekki semja
við Ljósmæður að svo
stöddu, og helst fær mað-
ur á tilfinninguna að það
hafi hreint ekki verið mein-
ingin allan þann tíma sem samninga-
viðræður hafa staðið yfir. Þar hafi samn-
ingamenn ríkisins mætt á fundi, ýmist
með eyrnatappa í eyrum eða með bundið
fyrir augu þannig að þeir þyrftu ekki sjá
eða heyra hverjar kröfur ljósmæðra væru.
Nú þegar rúmar tvær vikur eru eftir af
vekfallshrinu ljósmæðranna leggur fjár-
málaráðuneytið fram stefnu á hendur
ljósmæðrum þar kemur fram að fjár-
málaráðherra líti á uppsagninar sem ólög-
lega vinnustöðvun.
Meira: smali.blog.is
Guðrún Þóra Hjaltadóttir | 12. sept.
91% Íslendinga flokkar
sorp. Þeir ljúga þessu
Þessi könnun Capacent
getur ekki verið rétt.
Hvað er talið til flokkunar
sorps? Eru það dósir og
flöskur sem mjög margir
setja í sérpoka. Það eru
sumir með bláa tunnu til að setja dag-
blöðin í. Þær eru langt því frá við annað
hvert hús.
Meira: gudruntora.blog.is
NÚ liggur það fyrir að verka-
lýðshreyfingin, atvinnulífið og
bankakerfið eru á sömu skoðun
og við framsóknarmenn. Rík-
isstjórnin er ónýt, hún heldur
ekki uppi samstarfi við lyk-
ilaðila í samfélaginu og hag-
stjórnin er í molum. Forsætis-
ráðherra tók að grobba sig af
aðgerðaleysinu fyrir mánuði;
það væri að skila árangri. Á
þorra sagði hann að botninum
væri náð. Hafi ríkisstjórnin gert
annað en að lýsa atburðarásinni eins og frétta-
skýrendur, hafa allar hennar veiku aðgerðir
verið marklausar og of seint fram komnar.
Launafólk horfir upp á atvinnuleysi og mestu
kjaraskerðingu í áratugi. Seðlabankinn hefur
nú ákveðið að lækka ekki stýrivexti, með hæstu
stýrivexti í gjörvallri veröld. Við búum ekki við
eftirspurnarverðbólgu. Þúsundir Íslendinga
sem eru uppgefnir á vaxtaokrinu og óttast um
eigin hag eru vonsviknir.
Framsóknarmenn vinnumarkaðarins
Ingibjörg Guðmundsdóttir, varaformaður
ASÍ, talar nú eins og framsóknarmaður. Hún
segir það sama og við höfum sagt aftur og aftur
í þinginu og fengið bágt fyrir. Gylfi Arnbjörns-
son, framkvæmdastjóri ASÍ, talar eins og fram-
sóknarmaður þegar hann berst fyrir kjörum
síns fólks og gagnrýnir aðgerðaleysið. Þau orð
ættu að vekja Samfylkinguna. Vil-
hjálmur Egilsson fordæmir nú að-
gerðaleysi ríkisstjórnarinnar jafnvel
af meiri hörku en við framsókn-
armenn. Þetta fólk skynjar að rík-
isstjórnin ber ábyrgð á því með
hangandi hendi að það kreppir að
hjá fólki og fyrirtækjum. Gengið er
fallið um 40%, verðbólga komin í
15%, hæstu vextir heimsins í 20-25%
og skortur er á lánsfé. Þessa vexti
lifir enginn af til langframa, þeir arð-
ræna og færa bæði fólk og fyrirtæki
á gjaldþrotsbrúnina. Það er Sjálf-
stæðisflokkurinn sem fer með efna-
hagsstjórnina og ber alla ábyrgð, hvað hefur
gerst? Er Samfylkingin, sem ekki ræðir efna-
hagsvandann, búin að draga allan mátt úr for-
sætisráðherra? Það hriktir í þjóðarskútunni,
það koma engin úrræði frá karlinum í brúnni og
hún færist smátt og smátt inn í brimgarðinn.
Drottningin í utanríkisráðuneytinu, Ingibjörg
Sólrún, ferðast að vild og aldrei hafa ut-
anstefnur ráðherra verið jafn tíðar og nú.
Aðilar vinnumarkaðarins vilja spyrna við fæti
og takast á við efnahagslægðina til að bjarga
sínu fólki, þeir finna það sama og við framsókn-
armenn að í ríkisstjórn landsins er enga leið-
sögn að finna. Málefni ljósmæðra eru á reki.
Verðbólgan og vextirnir fá frið til að arðræna
fólk og fyrirtæki. Í hvers þágu er vaxtaokrið?
Ekki slær það á verðbólguna, gengið fellur, en
jöklabréfin blómstra, erlendir auðkýfingar
sækja þannig einir gull í greipar Íslands um
þessar mundir. Ég vildi gefa þessari ríkisstjórn
tækifæri til að sanna sig, en nú er ekki annað
hægt en að gefa henni falleinkunn eins og aðilar
vinnumarkaðarins gerðu í vikunni. Rík-
isstjórnin er að bregðast fólkinu í landinu, þann
ótta fann ég best á fundarferð minni um landið á
dögunum.
Hvert ætlar ríkisstjórnin að leiða okkur?
Það er enn hægt að snúa vörn í sókn. Geir H.
Haarde sem lifir í annarri vídd segir nú að staða
efnahagsmála sé betri en talið hafi verið. Raun-
veruleikinn er á öðru máli, óbreyttir stýrivextir
Seðlabankans leiddu til enn einnar lækkunar-
innar á gengi krónunnar, falls úrvalsvísitöl-
unnar og minnkandi trúar á íslenskt efnahags-
líf. Hvenær ætlar ríkisstjórnin að vakna og taka
á? Hundrað milljarða fjárfesting hvarf úr Þor-
lákshöfn í síðustu viku sem hefði styrkt krónuna
og skapað þúsund störf á svæðinu. Fyrirtækið
bar ekki traust til íslenskra stjórnvalda. Það
ríkti tortryggni, að stjórnvöld myndu reyna að
leggja stein í götu verkefnisins, eins og gert hef-
ur verið á Bakka og reynt í Helguvík. Samfylk-
ingin leyfir sér að hafa margar skoðanir á mál-
um og dregur fólk og vonir þess niður með
fádæma hræsni og yfirlæti. Þetta er ömurleg
framkoma við fólkið í landinu og skaðar ímynd
landsins út á við. Við í stjórnarandstöðunni höf-
um gert skyldu okkar með málefnalegri og
harðri andstöðu við aðgerðaleysið. Við fram-
sóknarmenn höfum lagt fram ítarlegar efna-
hagstillögur í tvígang síðastliðið ár, tillögur sem
eftir á að hyggja hefðu dregið verulega úr þeirri
þróun sem nú er staðreynd. Tillögurnar eru enn
nauðsynlegar og verða að öllum líkindum nið-
urstaðan þegar upp er staðið, að frátöldum öll-
um þeim fórnarkostnaði og glötuðu tækifærum
sem Samfylkingin og Sjálfstæðisflokkurinn
hafa leitt yfir þjóðina. Aðilar vinnumarkaðarins
hafa sett á sig boxhanska. Svipa og samviska
þjóðfélagsins, fjölmiðlarnir, þurfa nú að yfirfara
sína leikaðferð. Staksteinar Morgunblaðsins
mættu gagnrýna ríkisstjórnina sína, þó ekki
væri nema annan hvern dag. Hún þarf svipu-
högg öðru hvoru.
Framsóknarstefnan snýst um öfgalaust sam-
félag og gróandi þjóðlíf sem tryggir öllum sömu
tækifæri og fulla atvinnu sem er forsenda al-
mennrar velferðar í landinu og velgengni okkar
á flestum sviðum. Það er einmitt sú stefna sem
aðilar vinnumarkaðarins kalla nú eftir í sam-
hljómi við stóran hluta þjóðarinnar.
Það verður að snúa blaðinu við í landstjórn-
inni, aðgerðaleysið er farið að reyna á okkur öll,
ekki síst fyrirtækin, heimilin og unga fólkið.
Eftir Guðna Ágústsson » Framsóknarstefnan snýst
um öfgalaust samfélag og
gróandi þjóðlíf sem tryggir öll-
um sömu tækifæri og fulla at-
vinnu sem er forsenda al-
mennrar velferðar.
Guðni Ágústsson
Eru aðilar vinnumarkaðarins framsóknarmenn?
Höfundur er formaður Framsóknarflokksins.
LJÓSMÆÐUR fóru í
sitt fyrsta verkfall frá
upphafi nú í byrjun sept-
ember og annað verkfall
skall á um það bil viku
seinna þegar ekkert hafði
þokast í samningaátt.
Fjármálaráðherra sagði á
Alþingi að hann vonaðist
til að ekki þyrfti að fara í
hart í deilunni en hefur nú
sýnt annað í verki með því
að stefna Ljósmæðrafélaginu fyrir
félagsdóm vegna fjöldauppsagna.
Formaður Ljósmæðrafélagsins hef-
ur á hinn bóginn sagt að ljósmæður
hafi sagt upp á sama tíma vegna mik-
illar reiði sem braust út í kjölfar um-
mæla formanns samninganefndar
ríkisins sem sagði nefndina ekki hafa
skipt um skoðun á
störfum ljósmæðra
frá árinu 1962.
Staðreyndir máls-
ins eru nokkuð ljós-
ar. Að und-
anskildum
dýralæknum upp-
fyllir engin há-
skólastétt jafn mikl-
ar menntunarkröfur
og ljósmæður til að
geta starfað við fag
sitt. Samt eru ljós-
mæður í 7. neðsta
sæti meðal 24 BHM félaga í launa-
setningu. Til að fá nám metið að
verðleikum í samræmi við aðrar
stéttir með sambærilega menntun
hjá ríkinu þurfa meðalgrunnlaun
ljósmæðra að hækka um 24–25%.
Þetta er því einungis leiðrétting á því
misrétti sem ljósmæður hafa þurft
að búa við í fjölda ára. Kostnaður við
slíka launaleiðréttingu mun kosta
ríkið um 10 milljónir á mánuði. Af
einhverjum ástæðum telur rík-
isstjórn Sjálfstæðisflokks og Sam-
fylkingar það réttlætanlegri útgjöld
að eyða hundrað milljónum í her-
æfinguna Norður-Víking en að leið-
rétta kjör ljósmæðra. Störf ljós-
mæðra spara þegar betur er að gáð
gríðarmiklar fjárhæðir fyrir rík-
isvaldið. Yfirseta ljósmæðra, heima-
þjónusta og aðhlynning við fæðandi
konur með styttingu sængurlegu
spara ríkissjóði miklar upphæðir,
fyrir utan að tryggja mæðravernd á
heimsmælikvarða. Að auki má nefna
að samkvæmt bjartsýnustu spám
munu um 44% stéttarinnar fara á
eftirlaun á næstu 10 árum. Því stefn-
ir í fullkomið óefni ef svo heldur fram
sem horfir. Þegar núverandi rík-
isstjórn Sjálfstæðisflokks og Sam-
fylkingar var mynduð var sam-
þykktur stjórnarsáttmáli þar sem
sagt var að „endurmeta beri sér-
staklega kjör kvenna hjá hinu op-
inbera, einkum þeirra stétta þar sem
konur eru í miklum meirihluta.“
Í stað þess að efna þessi loforð
hefur fjármálaráðherra kastað
stríðshanska með málsókn sinni. Þó
að allir þeir þingmenn sem hafa tjáð
sig um málið segist hafa „skilning“
eða „samúð“ með því að leiðrétta
þurfi kjör ljósmæðra nær sá skiln-
ingur greinilega ekki nægilega langt
til að framkvæma. En nú þurfa
stjórnvöld að standa sig og reisa
merki í verki.
Eftir Katrínu
Jakobsdóttur » Í stað þess að efna
þessi loforð hefur
fjármálaráðherra kast-
að stríðshanska með
málsókn sinni.
Katrín Jakobsdóttir
Höfundur er varaformaður Vinstri-
hreyfingarinnar – græns framboðs.
Ljósmæður lögsóttar