Morgunblaðið - 19.09.2008, Side 4

4 FÖSTUDAGUR 19. SEPTEMBER 2008 MORGUNBLAÐIÐ
FRÉTTIR
Eftir Jón Pétur Jónsson
jonpetur@mbl.is
KJARARÁÐ ákvað á fundi sínum
27. ágúst síðastliðinn að hækka
laun forseta Íslands, alþingis-
manna, ráðherra, hæstaréttardóm-
ara og héraðsdómara um 20.300
krónur Ákvörðunin er afturvirk og
miðast við 1. maí sl. Alls nemur því
greiðslan 81.200 krónum fyrir síð-
astliðna fjóra mánuði.
Í samræmi við almennar
launahækkanir
Niðurstaða ráðsins var að fylgja
þeirri meginstefnu sem fylgt hefur
verið í kjarasamningum sem gerðir
hafa verið á árinu.
„Það er eðli kjararáðs að fylgja á
eftir öðrum hækkunum,“ segir
Guðrún Zoëga, formaður kjara-
ráðs. „Við bíðum eftir því að samn-
ingum sé að mestu lokið og tökum
mið af því,“ bætir hún við. Hækk-
unin sé í samræmi við almennar
launahækkanir opinberra starfs-
manna.
Þriðja hækkunin á rúmu ári
Frá því í júlí 2007 hafa laun
æðstu ráðamanna þjóðarinnar
hækkað þrisvar sinnum. Hinn 1.
júlí í fyrra hækkuðu mánaðarlaun
forseta Íslands, alþingismanna og
ráðherra um 2,6%. Í janúar sl.
hækkuðu launin um 2% og nú hafa
launin verið hækkuð aftur.
Samkvæmt launatöflu kjararáðs,
sem gildir fyrir þjóðkjörna fulltrúa
og tók gildi 1. maí, eru laun alþing-
ismanna nú 562.020 kr. á mánuði,
laun ráðherra 992.512 kr., laun for-
sætisráðherra 1.098.208 kr. og laun
forseta Íslands 1.827.143 kr.
Kjararáð er skipað fimm ráðs-
mönnum og fimm til vara. Þrír eru
kosnir af Alþingi, Hæstiréttur
skipar einn og fjármálaráðherra
einn. Ráðið kýs sér sjálft formann
og varaformann.
Í kjararáði sitja, auk Guðrúnar,
Jónas Þór Guðmundsson, Kristinn
Hallgrímsson, Rannveig Sigurðar-
dóttir og Jakob R. Möller, sem er
jafnframt varaformaður ráðsins.
20.300
króna
hækkun
Morgunblaðið/Brynjar Gauti
Hækkun Meðal þeirra sem hækka í launum eru ráðherrar, en mánaðarlaun þeirra eru nú rúmar 990.000 krónur.
Kjararáð hefur ákveðið að hækka laun æðstu embættismanna þjóðarinnar
„VIÐ fögnum atvinnuuppbyggingu
í bænum en það eru margir lausir
endar í samningnum og við teljum
að verið sé að selja vatnið of ódýrt,“
segir Rósa Guðbjartsdóttir, bæjar-
fulltrúi Sjálfstæðisflokksins í
Hafnarfirði.
Eins og greint hefur verið frá
hefur Hafnarfjarðarbær gert samn-
ing til 25 ára við fyrirtækið Glacier-
World um vatnssölu og átöppunar-
verksmiðju í bænum. Bæjarfulltrú-
ar Sjálfstæðisflokksins greiddu
atkvæði gegn samningnum og
fulltrúi VG sat hjá.
Í bókun bæjarfulltrúa Sjálfstæð-
isflokksins kemur meðal annars
fram að óljóst sé um fjárhagslega
tryggingu kaupanda gagnvart selj-
anda og „hvort verðið til kaupand-
ans sé umtalsvert lægra en til al-
mennra notenda í Hafnarfirði.“
Rósa segir að samkvæmt útreikn-
ingum sjálfstæðismanna borgi al-
menningur í Hafnarfirði um 100
krónur fyrir vatnstonnið en Glac-
ierWorld fái tonnið á um 50 krónur
og það sé of ódýrt. „Það hefði átt að
vinna þennan samning betur,“ segir
hún. „Það eru ennþá vankantar á
honum.“ steinthor@mbl.is
Vatnið selt
of ódýrt
Eftir Helga Bjarnason
helgi@mbl.is
HÁSKÓLASJÓÐUR Eimskipa-
félags Íslands er varðveittur í
skuldabréfum og hlutabréfum og
þrátt fyrir nafnið hefur lækkun
hlutabréfa Eimskips lítil áhrif. Hann
hefur meira en tvöfaldast frá því
gerðar voru breytingar á fjárfest-
ingarstefnu sjóðsins.
Hlutverk Háskólasjóðs Eimskipa-
félags Íslands var frá upphafi að
stuðla að velgengni Háskóla Íslands
og styrkja efnilega stúdenta til náms
við skólann. Lítill hluti arðsins var
þó greiddur út til verkefna Háskóla
Íslands. Ákveðið var að breyta þessu
eftir að nýir kjölfestufjárfestar, und-
ir forystu Björgólfs Guðmundssonar
og Björgólfs Thors Björgólfssonar,
tóku við Eimskipafélagi Íslands og
breyttu því í alþjóðlegt fjárfesting-
arfélag undir nafni Burðaráss. Há-
skóli Íslands og Burðarás undirrit-
uðu viljayfirlýsingu um þessar
breytingar. Ákveðið var að styðja
verðugt verkefni hjá Háskólanum og
styrkja nemendur. Lagði sjóðurinn
500 milljónir kr. til byggingar Há-
skólatorgs og hefur í þrjú ár veitt ár-
lega styrki til rannsóknartengds há-
skólanáms við Háskóla Íslands,
einkum til doktorsnema.
Fjárvarsla í Landsbankanum
Þessar breytingar þýddu að hluta-
bréf Háskólasjóðsins voru seld og
höfuðstóllinn falinn Landsbanka Ís-
lands til fjárvörslu og ávöxtunar
með sambærilegum hætti og sjóða
af þessari gerð. Samkvæmt upplýs-
ingum Landsbanka Íslands er fjár-
fest í innlendum og erlendum
skuldabréfum og hlutabréfum. Þótt
sjóðurinn sé með nafni sínu tengdur
Eimskipafélagi Íslands hefur hann
ekki orðið fyrir verulegum búsifjum
af lækkun hlutabréfa félagsins í ár.
Höfuðstóll sjóðsins var 2.200
milljónir kr. þegar breytingarnar
voru gerðar. Síðan hafa verið
greiddar út liðlega 700 milljónir.
Sjóðurinn stendur nú í 3.250 millj-
ónum kr. Höfuðstóllinn hefur því
tvöfaldast, þegar tekið hefur verið
tillit til arðgreiðslna til Háskóla Ís-
lands og nema hans.
Morgunblaðið/Kristinn Ingvarsson
Háskólatorg Háskólasjóður Eimskips lagði 500 milljónir til byggingar Háskólatorgs sem opnað var í lok síðasta árs.
Sjóður heldur sjó
Háskólasjóður Eimskipafélags Íslands er nú ávaxtaður
í skuldabréfum og hlutabréfum ýmissa félaga
HÁSKÓLASJÓÐUR Eimskipafélags Íslands var stofnaður á árinu
1964 með gjöf Maju Guðjohnsen Laxdal á hlutafé í Eimskip og pen-
ingum. Maja var ekkja Árna Eggertssonar, lögmanns í Winnipeg í
Kanada, en hann var einn helsti hvatamaður að þátttöku Vestur-
Íslendinga í Eimskipafélagi Íslands.
Bróðir Árna, Grettir Eggertsson rafmagnsverkfræðingur í Winni-
peg, safnaði fé í Háskólasjóðinn meðal Vestur-Íslendinga. Tilgangur-
inn var að flytja sem mest af hlutabréfum Vestur-Íslendinga í Eim-
skipafélaginu heim til Íslands. Sjóðurinn átti í lok árs 1966 um 5%
hlutafjár Eimskips og hélst sá hlutur lengi. Stjórnendur Eimskips
fóru ávallt með eignarhlut Háskólasjóðs Eimskipafélags Íslands.
Hlutabréf Vestur-Íslendinga
Eftir Ylfu Kristínu K. Árnadóttur
ylfa@mbl.is
Á YFIRSTANDANDI skólaári
verður skoðað innan hjúkrunar-
fræðideildarinnar hvort betur færi
að breyta ljósmóðurnáminu þannig
að hjúkrunarfræðimenntun væri
ekki inntökuskilyrðið. Þetta segir
Ólöf Ásta Ólafsdóttir, forstöðu-
maður náms í ljósmóðurfræði við
Háskóla Íslands (HÍ). Yrði þá sú leið
farin að nám hæfist í grunngrein-
um heilbrigðisvísinda samhliða
hjúkrunarfræði og ljósmóðurnámi
lyki að fimm árum liðnum. Áfram
yrði möguleiki fyrir ljósmæður að
bæta við sig námi til að hafa tvöfalt
starfsleyfi, hjúkrunarfræðings og
ljósmóður, líkt og er í dag.
Nám almennt að lengjast
Í umræðunni um kjarabaráttu
ljósmæðra hafa verið uppi gagn-
rýnisraddir um að námið, sem nú
tekur sex ár, sé of langt. Er það mat
sumra að hægt væri að mennta ljós-
mæður á styttri tíma. „Námstími
ljósmæðra hefur verið 5-6 ár frá
1982 svo þessi lengd á náminu er
ekki nýtilkomin,“ segir Ólöf Ásta
og bendir á að víða er hjúkrunar-
fræðinám, sem víðast hvar tekur
3-4 ár, inntökuskilyrði í ljósmóður-
nám. Þá má ljósmóðurnám, í fram-
haldi af hjúkrunarfræðinámi, ekki
vera styttra en 18 mánuðir, sam-
kvæmd Evrópustaðli.
Ólöf Ásta bendir jafnframt á að
þróunin á námi sé sú að það sé alls
staðar að lengjast, t.d. hafi kenn-
aranám eitt sinn tekið eitt ár en
taki nú fimm. „Það er sambærilegt
því sem er að gerast innan HÍ. Yfir-
leitt er fimm ára náms krafist áður
en maður færð starfsleyfi, það er
t.d. þannig í verkfræði, guðfræði og
flestum greinum innan HÍ. Við er-
um á sama róli og aðrar háskóla-
greinar hvað þetta snertir.“
Ólöf Ásta segir að breytingin á
ljósmóðurnáminu væri til þess fall-
in að gera námið markvissara og
betra og nýta tímann betur. „Við
erum ekki að gera þetta til að
minnka kröfur því við teljum að
kröfurnar til námsins séu eins og
best verður á kosið og góð menntun
ljósmæðra skili sér aftur í góðum
árangri í barneignarþjónustunni á
Íslandi. Þessi meðbyr sem við fáum
í samfélaginu [vegna kjarabaráttu
ljósmæðra] hlýtur að gefa til kynna
að við erum í góðu sambandi við
okkar skjólstæðinga.“
Ljósmæðranám
endurskoðað á
þessu skólaári
Myndi styttast úr sex árum í fimm
Morgunblaðið/Þorkell
Nýfædd Íslenskar ljósmæður hafa
sex ára nám að baki.
Í HNOTSKURN
»Ljósmóðurfræðinámiðsjálft, að hjúkrunarfræði-
námi loknu, tekur tvö ár.
Námið fer líka fram að sumri
til og er því alls um 22 mánuð-
ir.
»Námið er samhliða bóklegtog verklegt nám. Ólöf Ásta
segir að námið sé að stærstum
hluta verklegt en í raun sé um
að ræða „fræðilegt verklegt
nám“.
»Á seinna námsárinu eruljósmóðurfræðinemarnir á
nemalaunum, sem eru lægri
en þau laun sem nemarnir
voru á sem hjúkrunarfræð-
ingar áður en námið hófst.