Morgunblaðið - 19.09.2008, Qupperneq 18

18 FÖSTUDAGUR 19. SEPTEMBER 2008 MORGUNBLAÐIÐ
MENNING
NÓTNABLAÐ, sem sérfræðingar
telja fullvíst að Wolfgang Amadeus
Mozart hafi skrifað, er komið í leit-
irnar í Frakklandi. Um er að ræða
laglínu á stakri krumpaðri pappírs-
örk, sem fannst í bókasafni í Nantes.
Nótnablaðið kem-
ur úr safni manns
sem safnaði eig-
inhandarárit-
unum og gaf
pappíra sína safn-
inu snemma á 19.
öld.
Ulrich Leis-
inger, yfirmaður
rannsókna við Al-
þjóðlegu Mozart-
stofnunina í Salzburg, heimaborg
tónskáldsins, segir engan vafa leika
á því að nóturnar séu skrifaðar af
Mozart og að fundurinn sé „mjög
mikilvægur.“
Talið er að á uppboði gætu fengist
yfir átta milljónir króna fyrir örkina.
Á síðustu 50 árum hafa um tíu
sinnum fundist álíka mikilvægir
pappírar úr fórum Mozarts, sagði
Leisinger í samtali við The Daily
Telegraph.
„Þetta er skyssa að laglínu, engir
hljómar eða útsetning, en það má
samt átta sig vel á þessu. Þetta er
heil laglína,“ sagði hann.
„Það má vel sjá hvað Mozart var
að fara, þótt við vitum ekki hvernig
hann hefði útsett þetta.“
Á örkinni virðist vera Credo í
D-dúr, en einnig uppkast að öðru
verki sem erfitt er að átta sig á.
Í allt eru til um 100 slíkar skissur
eftir Mozart. Í mörgum tilvikum er
upp að ræða hugmyndir að verkum
sem hann lauk síðan við.
Pappísgerðin bendir til þess að
Mozart hafi skrifað nóturnar eftir
1787. Hann lést árið 1791.
Merkilegt
nótnablað
finnst
Skrif eftir Mozart
finnast í Nantes
W.A. Mozart
NÝJASTI og
glæsilegasti sýn-
ingarsalurinn
fyrir samtímalist
í Moskvuborg var
opnaður í vikunni
og er kallaður
The Garage
Centre for Con-
temporary Cult-
ure, eða einfald-
lega Bílskúrinn.
Fjölmiðlar í Rússlandi og myndlist-
arblaðamenn fylgdust spenntir með,
enda var ekkert til sparað, hvorki
við opnunina né í sýningarhaldinu.
Eigandi Bílskúrsins er Dasha
Zhukova, 27 ára, fatahönnuður og
milljónaerfingi. Hún hefur verið
talsvert í fréttum þar sem hún er
unnusta auðkýfingsins Roman
Abramovich, sem mun hafa keypt
tvö af dýrustu verkum sem selst
hafa á listuppboðum, fyrir hana.
Sýningarsalurinn er í fyrrverandi
rútustöð sem er sögð minna á Túrb-
ínusalinn í Tate Modern í London.
Ætlunin er að setja þar upp sýn-
ingar á samtímalistamönnum í
fremstu röð. Fyrsta sýningin er á
stórum innsetningum eftir hjónin
Ilia og Emilia Kabakov, sem hlutu í
vikunni Praemium Imperiale, ein
helstu verðlaun sem veitt eru í list-
heiminum. Ila Kabakov, sem vinnur
með konu sinni sem er sýningastjóri,
er einn af helstu konseptlistamönn-
um liðinna áratuga. Þau voru ekki í
náðinni hjá sovéskum stjórnvöldum
og á áttunda áratugnum fluttu þau
til Bandaríkjanna. Þetta er í fyrsta
sinn sem hinar stóru innsetningar
þeirra eru sýndar í Rússlandi.
Bílskúrinn
í Moskvu
Emilia og Ilia
Kabakov.
Á SUNNUDAGINN klukkan
15 verður boðið upp á leiðsögn
um sýningu Braga Ásgeirs-
sonar á Kjarvalsstöðum. Af því
tilefni verður Bragi á staðnum
og áritar bók sína, Augna-
sinfóníu, fyrir gesti. Bókina
prýðir fjöldi mynda af verkum
Braga frá öllum ferli hans.
Þátttökumet var slegið á sýn-
ingastjóraspjalli um sýningu
Braga síðastliðinn sunnudag er
ríflega eitt hundrað gestir nutu leiðsagnar Þór-
odds Bjarnasonar sýningarstjóra.
Á sunnudaginn klukkan 14 verður einnig boðið
upp á leiðangur og leik fyrir börn og fjölskyldur
þeirra á Kjarvalsstöðum.
Myndlist
Bragi áritar og boð-
ið upp á leiðsögn
Bragi
Ásgeirsson
DRAUGASÖGUR eru sí-
vinsælt lesefni. Smásagna-
safnið At og aðrar sögur geym-
ir sextán nýjar draugasögur
sem ætlaðar eru lesendum frá
níu ára aldri. Bókin kemur út í
tengslum við alþjóðlegu barna-
bókahátíðina Draugur úti í
mýri, sem haldin er í Norræna
húsinu nú í september.
Bókin er afrakstur smá-
sagnasamkeppni sem Forlagið
og barnabókahátíðin Mýrin stóðu fyrir. Alls bár-
ust 106 sögur í samkeppnina en 16 birtast í bók-
inni. Verðlaun fyrir sögur hlutu Guðmundur
Brynjólfsson, Kristín Helga Gunnarsdóttir og Ið-
unn Steinsdóttir. Mál og menning gefur út.
Bókmenntir
Nýjar draugasögur
fyrir börn á bók
Guðmundur
Brynjólfsson
KONCERTFORENINGENS
Kor frá Kaupmannahöfn er á
söngferðalagi um landið þessa
dagana. Kórinn hefur haldið
fjölda tónleika víða um lönd.
Með kórnum hafa komið fram
íslenskir einsöngvarar, m.a.
Ingibjörg Guðjónsdóttir og
Sólrún Bragadóttir. Í tónleika-
ferðinni á Íslandi syngja 44
kórfélagar.
Kórinn syngur í Skálholti í
kvöld klukkan 20.00, í Safnaðarheimilinu á Akra-
nesi á morgun, laugardag, kl. 12.00, í Reykholts-
kirkju sama dag kl. 16.00 og í Hallgrímskirkju
sunnudaginn 21. september, fyrst í guðsþjónustu
kl. 11.00 og síðan að lokinni guðsþjónustu.
Tónlist
Danskur kór á
söngferðalagi
Koncertfor-
eningens Kor
Eftir Skapta Hallgrímsson
skapti@mbl.is
ÍSLENSKU sjónlistaverðlaunin
verða veitt þriðja sinni í kvöld. Sex
eru tilnefndir til tvennra verðlauna,
þrír fyrir myndlist og þrír fyrir
hönnun, auk þess sem heiðursorða
Sjónlistar verður afhent fyrir ein-
stakt æviframlag til sjónlistanna.
Heiðursorðuna hlaut fyrstur
Magnús Pálsson myndlistarmaður
en í fyrra Högna Sigurðardóttir
arkitekt.
Hátíðin fer fram í Flugsafni Ís-
lands á Akureyri annað árið í röð, og
verður aftur í beinni útsendingu
Ríkissjónvarpsins, kl. 19.40.
Það verður heldur þrengra á þingi
í Flugsafninu en gert var ráð fyrir
því vegna veðurs þarf gamli Þrist-
urinn, Páll Sveinsson, að vera innan-
dyra. En vélin setur auðvitað bara
skemmtilegan svip á hátíðina eins og
fjölmargir aðrir glæsilegir munir í
safninu. Nú verður t.d. í fyrsta skipti
til sýnis stjórnklefi Gullfaxa, fyrstu
þotu Íslendinga sem kom til landsins
1967 og var í eigu Flugfélags Ís-
lands. Í gær var einmitt verið að
ljúka við að mála klefann í litum
Flugfélagsins.
Þeir sem tilnefndir eru í ár fyrir
hönnun eru Hjalti Geir Kristjánsson
fyrir sýninguna STÓLAR sem sett
var upp í Gallerí 101; grafíski hönn-
uðurinn Sigurður Eggertsson fyrir
verk sín frá árinu 2007 og skart-
gripahönnuðurinn Guðbjörg Kristín
Ingvarsdóttir fyrir fimm skart-
gripalínur sem kynntar voru á síð-
asta ári. Þær bera nöfnin Agla,
Brynja, Fold, Salka og Gerður.
Þeir sem tilnefndir eru í ár fyrir
myndlist eru Steingrímur Eyfjörð
fyrir sýninguna Lóan er komin á
Feneyjatvíæringnum 2007; Ragnar
Kjartansson fyrir innsetninguna
Guð á samnefndri sýningu í Ný-
listasafninu og Margrét H. Blöndal
fyrir sýninguna Þreifað á himnunni í
Hafnarhúsi Listasafns Reykjavíkur.
Vert er að geta þess að bæði í dag
og á morgun verður spjallað við
listamennina um verk þeirra; þær
samkomur eru báðar í Listasafninu,
kl. 10-12 í dag og kl. 14-16 á morgun.
Í tengslum við Sjónlist 2008 verð-
ur efnt til málþings sem ber yf-
irskriftina (Af)myndun almennings-
rýmis. Þátttakendur í málþinginu
eru bandaríski rithöfundurinn og
dálkahöfundurinn Jeff Byles, Hauk-
ur Már Helgason rithöfundur og
Berglind Jóna Hlynsdóttir myndlist-
arkona. Stjórnandi málþingsins er
Páll Björnsson, lektor við Háskól-
ann á Akureyri.
„Víða um heim hafa verið mikil
átök um skipulagsmál og bygging-
arlist upp á síðkastið og hefur Ísland
ekki farið varhluta af því. Á mál-
þinginu verður sjónum beint að al-
menningsrýmum og hlutverkum
þeirra í samtímanum,“ segir í til-
kynningu frá Sjónlist.
Málþingið fer fram í Brekkuskóla
í dag kl. 13.00 til 15.30. Málþingið fer
fram á ensku, allir eru velkomnir og
aðgangur er ókeypis.
Margar myndlistarsýningar verða
opnaðar í tilefni Sjónlistahátíð-
arinnar; í dag kl. 16.30 sýning á
verkum Aðalheiðar Eysteinsdóttur á
Glerártorgi og á morgun hefjast
sýningar í galleríum víða um bæinn.
Á morgun hefst einnig sýningin
Grasrót 2008 í Verksmiðjunni á
Hjalteyri eins og nánar er greint frá
hér neðst á síðunni.
Á morgun leiða sama hesta sína
arkitektar og listnemar í Verk-
menntaskólanum á Akureyri og
kalla List í byggingalist; Fanney
Hauksdóttir verður með listnemum
kl. 11.00 í Safnaðarheimili Akureyr-
arkirkju og Ágúst Hafsteinsson kl.
13.30 við Sundlaug Akureyrar.
Sjónlistamenn enn á flugi
 Þrír myndlistarmenn og þrír hönnuðir tilnefndir til tvennra verðlauna  RÚV
með beina útsendingu frá Akureyri  Málþing um almenningsrými á dagskránni
Morgunblaðið/Skapti Hallgrímsson
Sjón-list-flug Snorri Guðvarðarson lagði í gær lokahönd á að mála að utan
stjórnklefa Gullfaxa, fyrstu þotu Íslendinga, sem kominn er í Flugsafnið.
GRASRÓTARSÝNING Nýlistasafnsins hefur
verið haldin á hverju ári um langt skeið, en í ár
verður hún í Verksmiðjunni á Hjalteyri undir
stjórn Hlyns Hallssonar og Þórarins Blöndals.
Sýningin verður opnuð á morgun klukkan fimm og
verður siglt á Húna frá Akureyri klukkan fjögur.
„Okkur langaði að finna breiðan hóp ólíkra ein-
staklinga,“ segir Hlynur, en það eru þau Björk
Viggósdóttir, Guðmundur Vignir Karlsson (betur
þekktur sem Kippi Kaninus), Halldór Ragn-
arsson, Jeannette Castioni og Jóna Hlíf Halldórs-
dóttir sem sýna. „Þau hafa ólíkan bakgrunn og eru
á ólíkum aldri,“ segir Hlynur en það sem þau eiga
sameiginlegt er að þau hafa öll útskrifast á síðustu
fimm árum. „Þetta fólk er allt nýtt og ferskt, og
hefur verið duglegt við að sýna.“
Gamla síldarverksmiðjan á Hjalteyri er allsér-
stakur staður fyrir myndlistarsýningar. Einn sýn-
ingarsalurinn er fimmtíu metra langur og í öðrum
er lofthæðin aðeins um tveir metrar. „Þau komu
öll til Hjalteyrar í ágúst og lögðu línurnar með það
hvað þau vildu sýna og hvar í húsinu. Verkin
þeirra taka mið af staðsetningunni og að þetta hafi
verið síldarverksmiðja.“
Verkin eru mjög fjölbreytt og ólíkir miðlar not-
aðir. „Sum leita í eldri verk sem þau hafa verið að
vinna á síðustu árum, eins og Halldór sem sýnir
málverk og teikningar frá síðustu tveimur árum,
en bætti við verkum sem hann málaði á staðnum.“
Hlynur segir bæði Jónu Hlíf og Björk sýna eldri
verk sem þær setji í nýtt samhengi í verksmiðj-
unni á meðan Jeannette og Guðmundur Vignir
gera ný verk sérstaklega inn í rýmið.
gunnhildur@mbl.is
Grasrótarlist á Hjalteyri
Grasrót Halldór, Jóna Hlíf, Björk, Jeannette og
Guðmundur Vignir virða fyrir sér Verksmiðjuna.
„Nýtt og ferskt“ listafólk sýnir í Verksmiðjunni
Hvað er Sjónlist?
Samstarfsverkefni Akureyrarbæjar,
Hönnunarmiðstöðvar Íslands og
Sambands íslenskra myndlist-
armanna.
Hvert er markmið verkefnisins?
Að veita verðlaun á sviði sjónlista ár-
lega og beina þannig sjónum að
framúrskarandi framlagi myndlist-
armanna og hönnuða starfandi á Ís-
landi og íslenskra sjónlistamanna er-
lendis, stuðla að aukinni þekkingu,
áhuga og aðgengi almennings að
sjónlistum og hvetja til faglegrar
þekkingarsköpunar og bættra starfs-
möguleika sjónlistamanna á Íslandi.
Hver er hugmyndasmiðurinn?
Það var Hannes Sigurðsson, for-
stöðumaður Listasafnsins á Akureyri
sem átti hugmyndina að Sjón-
listaverðlaununum, og ýtti verkefn-
inu sjálfur úr vör árið 2006.
S&S