Morgunblaðið - 05.10.2008, Blaðsíða 15

MORGUNBLAÐIÐ SUNNUDAGUR 5. OKTÓBER 2008 15
Efnahagsmál
Eftir Steinunni Ólínu Þorsteinsdóttur
Þið megið vita að hugur minner hjá ykkur um þessarmundir. Þið megið líka vita að
persónulega greiddi ég nýverið upp
tíu milljóna króna skuld mína við
Glitni sem og tæplega þriggja millj-
óna vaxtagreiðslu vegna sama láns, í
viðleitni minni við að rétta af bága
eiginfjárstöðu bankans. Ég lagði mitt
af mörkum en allt kom fyrir ekki.
Mér var eins og ykkur ekki gefinn
kostur á frekara láni og settir þeir af-
arkostir að greiða upp lánið eða missa
allt. Rán um hábjartan dag. Það var
sárt.
En stundum verður maður bara að
standa í skilum.
Afarkostirnir sem ykkur eru settir
eru ósanngjarnir fram úr hófi.
Hvers vegna fáið þið ekki lengur
lán? Það er óskiljanlegt!
Þið landsfeður sem stjórnið land-
inu bæði í lofti og láði. Sjáið okkur
fyrir nauðþurftum á hlægilegu verði.
Ykkur er gert að gefa eftir stóran
hluta eigna ykkar eins og hendi sé
veifað.
Hvað verður þá um José og Jesus
sem vakta snekkjuna þegar hún ligg-
ur við landfestar? Seðlabankastjóri
lætur sig það litlu varða hvað um þá
verður þrátt fyrir að þeir hafi fyrir
fjölskyldu að sjá.
Seðlabankastjóri er bara að hefna
sín á ykkur og það í þokkabót fyrir al-
mannafé!
Spilar Matador á náttfötunum og
kaupir banka.
Það mynduð þið landsfeður aldrei
gera. Þið sem eruð vakin og sofin yfir
efnahag almennra borgara og látið
hendur standa fram úr ermum þegar
neyðin er stærst.
Gefið hjartatæki til hjartveikra og
saumavélar til hagleikra húsmæðra.
Gerið listamenn að listrænum er-
indrekum ykkar til að létta þeim líf-
róðurinn og skapið með því móti ákjós-
anlegt menningarumhverfi að allra
skapi. Því þannig á listin að vera að-
gengileg og laus við alla gagnrýni. Síð-
an má ekki gleyma hvernig þið poka-
sjóðið niður alla sem minna mega sín
og uppskerið veglegt lófatak fyrir frá
fólkinu í landinu. Fólkinu ykkar!
Nú verðið þið kæru hluthafar bara
að rétta fram veskið og leggja pen-
ingana ykkar aftur inn í bankann. Ef
það er þá eitthvað eftir í buddunni.
Nú eða að selja eitthvað af dótinu.
Halda síðan utan um litlu hluthafana
sem í eltingaleiknum við stórfiskana
hafa nú að öllum líkindum tapað öllu
sínu. Það er bara svo áhættusamt að
stunda fjárhættuspil.
Það er allt í lagi að gráta, það gerir
engum til og losar um þær sáru til-
finningar sem um mann fara þegar
manni finnst brotið á sér. Það er líka
erfitt að þurfa í einni svipan að sníða
sér stakk eftir vexti.
Hann: Nei ástin mín, við getum
ekki fengið Robbie Williams til að
syngja í afmælinu þínu.
Hún: (vonsvikin) Ertu að meina að
við verðum að ráða Bubba eða Eyfa?
Hann: Nei ástin mín, við verðum
bara að biðja hana Dísu frænku þína
að syngja eitthvað fallegt.
Hún: (Grætur) Ég tek ekki í mál að
sleppa kokkinum!
Hann: Ástin mín, við getum bara
ekki flogið honum inn.
Hún: (Grætur) Hvað, er vélin bil-
uð?
Hann: Nei, það er búið að taka
hana af okkur.
Hún: Hvernig á ég þá að komast til
London í næstu viku! Á ég að ganga?!
Það er von að konan spyrji. Hvers
á fólk að gjalda?
Hvað kemur það fólki við þótt þið
hafið meiri áhuga á að flytja fé úr
landi en inn í landið.
Það er líka seðlabankastjóra að
kenna. Hann bjó til farveginn fyrir
útrásina. Hann var ykkar fararstjóri.
Sá sem gerði ykkur kleift að skilja að
heimurinn er ykkar leiksvið. Það
halda ykkur engir heimahagar. Og
um háttalag seðlabankastjóra á und-
anförnum árum er bara hægt að
segja að hann líkist helst histerískri
móður sem trúir því ekki að börnin
hennar vilji fara að heiman.
Ágætu hluthafar!
Reuters
Sala á bleiku slaufunni er hafin
og stefnir Krabbameinsfélag Ís-
lands að því að selja 40.000
stykki fyrir 15. október.
Bleika slaufan hefur í hálf-
an annan áratug verið tákn
baráttunnar gegn brjósta-
krabbameini en mun lengri
hefð er fyrir táknrænni
merkingu slaufa af þessu
tagi.
Gul slaufa hefur um áratuga-
skeið tengst bandaríska hernum
gegnum hergöngusönginn, Ro-
und Her Neck She Wears a Yell-
er Ribbon, sem fjölmargir lista-
menn hljóðrituðu á fyrri hluta
síðustu aldar.
Snemma á áttunda áratugnum
blés annað lag, Tie a Yellow Rib-
bon ’Round the Ole Oak Tree,
eiginkonu bandarísks hermanns,
sem tekinn hafði verið höndum í
Íran, baráttuþrek í brjóst. Batt
hún gular slaufur utan um tré í
garðinum sínum til að undir-
strika þá djúpu von að bóndi
hennar sneri heill á húfi heim.
Fóru vinir og vandamenn að
dæmi hennar. Þar með hafði
slaufan öðlast nýtt gildi – gildi
miðils.
Snemma á tíunda áratugnum
tók baráttufólk gegn alnæmi
slaufuna upp á sína arma og
valdi henni rauðan lit. Rauða
slaufan sló í gegn á einni nóttu
eftir að leikarinn Jeremy Irons
skartaði henni á Tony-verð-
launahátíðinni. Í kjölfarið lýsti
dagblaðið The New York Times
árið 1992 „ár slaufunnar“.
Bleika slaufan kom fyrst fram
á sjónarsviðið
haustið 1991 þegar
Susan G. Komen-
stofnunin stóð fyrir
hlaupi í New York og
afhenti öllum þátttak-
endum slaufuna. Þátt-
takendur voru konur
sem unnið höfðu bug á
brjóstakrabbameini.
Ári síðar tóku Alexandra Pen-
ney, aðalritstjóri kvenna-
tímaritsins Self, og Evelyn Lau-
der, varaforseti stjórnar Estee
Lauder, höndum saman um að
dreifa slaufum í verslanir í New
York og víðar til að vekja at-
hygli á brjóstakrabbameini.
Litaval lá ekki fyrir.
Um líkt leyti hóf Charlotte
Hayley, sem sjálf glímdi við
brjóstakrabbamein, sölu á
ferskjulitaðri slaufu ásamt korti
með áletruninni: „Ráðstöfunarfé
Krabbameinsstofnunar Banda-
ríkjanna er 1,8 milljarðar dala á
ári en einungis 5% af þeirri upp-
hæð er varið í forvarnir. Hjálpið
okkur að vekja löggjafann og
þjóðina alla af værum blundi
með því að bera þessa slaufu.“
Framtakið féll í frjóa jörð og
varð til þess að Penney og Lau-
der sóttust eftir samstarfi við
Hayley. Því hafnaði sú síðast-
nefnda á þeim forsendum að of
mikill viðskiptafnykur væri af
starfi Penney og Lauder. Stöll-
urnar héldu þó áfram að
skiptast á hugmyndum og ein
slík fól í sér nýjan lit á slauf-
urnar – bleikan. Ekki varð aftur
snúið.
Slaufa með
tilgang
... komdu þínu á fast
Nú er tími til að breyta til
FAGMENNSKA
METNA
UR
REYNSLA
www.bygg.is
Glæsilegar,
vandaðar íbúðir
• Vandaðar innréttingar
úr eik frá Brúnás
• Innihurðir og flísar frá
Agli Árnasyni
• AEG eldhústæki frá
Ormsson
• Gólfhiti í baðherbergi
• Álklæðning utanhúss
Kynntu þér eignir á sölu hjá Bygg á heimasíðu þeirra, bygg.is
Lundur • Langalína • Jónshús • 17. júní torg
Jónshús
2ja-3ja herbergja íbúðir, samtals 133 íbúðir, fyrir fólk 60 ára og
eldri í Sjálandshverfi í Garðabæ. Um er að ræða sex húsa þyrpingu,
sem nefnd eru „Jónshús“. Bílageymsla fylgir flestum íbúðum.
Mjög góð staðsetning, fallegt umhverfi og góðar gönguleiðir.
Þjónustusel er á 1. hæð í miðri þyrpingunni. Þar er að finna matsal
og margvísleg rými til þjónustu fyrir eldri borgara. Tenging við
garð þar sem eru „púttgreen“ og dvalarsvæði sem hvetja fólk
til útiveru.
GLÆSILEGAR SÝNINGA
RÍBÚ
IR
– hafðu samband og v
ið aðstoðum þig við a
ð finna íbúðina þína
Sjálandshverfi í Garðabæ
Fyrir 60 ára og eldri
Fjárfestu til framtíðar!
Sími 594 5000
STÓRHÖFÐI 27
akkurat.is
Sími 562 4250
www.fjarfesting.is
FJÁRFESTING
FASTEIGNASALA EHF
BORGARTÚNI 31
Hafið samband við söluaðila og bókið skoðun.
Hilmar: 896 8750 Viggó: 824 5066