Morgunblaðið - 07.10.2008, Blaðsíða 30

30 ÞRIÐJUDAGUR 7. OKTÓBER 2008 MORGUNBLAÐIÐ
MINNINGAR
Taflfélag Bolungarvíkur hefur
náð þriggja vinninga forskoti eftir
fyrri hluta Íslandsmóts taflfélaga
sem fram fór í Rimaskóla um
helgina. Bolvíkingar tefla fram
sterkasta stórmeistara Hollendinga
Loek Van Wely á 1. borði og hafa
auk þess tvo úkraínska stórmeistara
innan sinna vébanda auk þeirra öfl-
ugu íslensku skákmanna sem gengu
til liðs við félagið sl. vor. Bolvíkingar
náðu rösklega 75% vinningshlutfalli
eftir fyrstu fjórar umferðirnar, hafa
24½ vinning af 32 mögulegum og
töpuðu aðeins einni skák. Það henti
Jón L. Árnason í viðureigninni við
Gunnar Björnsson sem tefldi fyrir
B-lið Hellis en Íslandsmót skák-
félaga hefur löngum boðið upp á
óvænt úrslit. A-lið Hellis er ekki
langt undan með 22½ vinning og
virðist vera eina liðið sem getur veitt
Bolvíkingum keppni.
Íslandsmót taflfélaga er stærsta
og umfangsmesta skákkeppni hér-
lendis á hverju ári. Yfir 300 skák-
menn hvaðanæva af landinu sátu að
tafli um helgina og margir komnir
langan veg að hitta gamla félaga úr
baráttunni. Nokkur ný lið eru í þess-
ari keppni og má þar t.d. nefna
Máta, sem er skipað býsna öflugum
skákmönnum sem margir tefldu áð-
ur fyrir Skákfélag Akureyrar. Ekk-
ert kynslóðabil er í þessari keppni,
yngstu skákmennirnir í kringum 10
ára aldur og þeir elstu komnir á ní-
ræðisaldur. Allmikill fjöldi erlendra
skákmanna setur svip á keppnina.
Fjölnir er með tvo af bestu sænsku
stórmeisturunum í dag, þá Emm-
anuel Berg og Pontus Carlsson,
einnig Eistlendinginn Sulskis. Þrátt
fyrir þennan liðsstyrk töpuðu Fjöln-
ismenn stórt fyrir Bolvíkingum, 2:6
sem einnig unnu Taflfélag Reykja-
víkur með sama mun. Í 2. deild eru
Selfyssingar með Tiger Hillarp
Persson og Vestmannaeyingar hafa
fengið gamlan félaga, Louis Galego,
til sín aftur. Staðan í 1. deild eftir
fyrstu fjórar umferðirnar er þessi:
1. Taflfélag Bolungarvíkur 24½
v. (af 32) 2.-3. Hellir og Fjölnir –
skákdeild 21½ v. 4. Taflfélag
Reykjavíkur A-sveit 15½ v. 5. Hellir
B-sveit, Skákfélag Akureyrar og
Haukar – skákdeild 11½ v. 8. TR B-
sveit 10½ v. Bolvíkingar munu mæta
Helli í lokaumferð mótsins.
Eyjamenn með örugga forystu
Taflfélag Vestmannaeyja hefur
undanfarin ár verið með eitt sterk-
asta liðið í 1. deild en á síðasta
keppnistímabili var skyndilega hver
einasti útlendingur á braut og liðið
féll í 2. deild. Eftir snarpa endur-
skipulagningu eru Eyjamenn nú aft-
ur í baráttuskapi og leiða keppnina í
2. deild eftir fjóra örugga sigra:
1. Taflfélag Vestmannaeyja 19 v.
2. Haukar B-sveit 16 v. 3. KR –
skákdeild 14 v. 4. Skákfélag Selfoss
10½ v. 5. Taflfélag Garðabæjar 10½
v. 6. Skákfélag Reykjanesbæjar 9 v.
7.-8. Skákfélag Akureyrar og Hellir
C-sveit. 8½ v.
Í 3. deild er B-sveit Taflfélags
Bolungarvíkur með öflugt lið gam-
alla liðsmanna og er á toppnum með
21½ v. af 24 mögulegum og á víst
sæti í 2. deild að ári. TR C-sveit
kemur í 2. sæti með 15½ v og Tafl-
félag Akraness er í 3. sæti með 14½
v. Frammistaða Bolvíkinga í fyrstu
og þriðju deild er athyglisverð og
bendir til þess að mikill kraftur sé í
starfsemi félagins. Aðalstyrkur fé-
lagsins hefur alltaf verið félagslegs
eðlis því mikil og skemmtileg stemn-
ing hefur ávallt verið í kringum Bol-
víkingana í gegnum árin.
Í 4. deild eru 30 lið og virðist fátt
geta komið í veg fyrir sigur MÁTA
sem tefla í fyrsta sinn í deildinni.
Þar eru skákmenn á borð við Arnar
Þorsteinsson og Pálma Pétursson og
þyrfti ekki að koma á óvart að þetta
lið næði í efstu deild innan skamms
tíma. En staða efstu liða er þessi:
1. Mátar 19½ v. 2. Taflfélag Bol-
ungarvíkur C-sveit 18 v. 3. Víkinga-
klúbburinn A-sveit 17½ v.
Skákstjórn um helgina var í
öruggum höndum Ríkharðs Krist-
jánssonar og Ólafs Ágrímssonar.
Það er mikið starf að sjá um svo
viðamikla keppni. Helst má setja út
á þegar mótsstjórnin stillir upp á
borðum með taflmönnum úr fjöl-
mörgum ólíkum settum. Hvað varð-
ar umfjöllun fjölmiðla er frammi-
staða sumra afar slök. RÚV má
bæta sig en auglýsingastjóri þeirrar
stofnunar teflir nú fyrir Taflfélag
Vestmannaeyja.
Bolvíkingar með örugga forystu
Í þungum þönkum Gríski stórmeistarinn Halkios teflir fyrir Bolvíkinga.
Morgunblaðið/hag Alþjóðlegt yfirbragð Svíarnir Pontus Carlsson (tv.) sem teflir fyrir Fjölni í
baráttu gegn Björn Ahlander sem teflir fyrir Hauka.
Helgi Ólafsson | helol@simnet.is
SKÁK
Rimaskóla
Íslandsmót skákfélaga – fyrri hluti
3.-5. október 2008
Amma Sigrún var
góð og skemmtileg
kona. Það var alltaf
gaman að koma í
heimsókn til ömmu og hún var líka
alltaf tilbúin að taka á móti okkur
grislingunum. Eins og flestir vita var
amma gift afa Ragnari og átti þrjú
börn og sjö barnabörn. Þau öll
reyndust ömmu vel og hjálpuðu
henni að ganga í gegnum erfiðustu
tímana. Við komum til hennar í
heimsókn næstum annan hvern dag
og alltaf var amma með svo margt að
gera handa okkur, til dæmis að
föndra, perla og teikna og lita og
margt fleira. Ég man sérstaklega vel
eftir því hvað amma var mikil lista-
kona. Hún bjó til alls konar töskur
og belti og hún bjó einnig til háls-
men, sem öllum fannst og finnst al-
veg rosalega flott. Allir nánustu ætt-
ingjar og vinir ganga með þannig.
Ég er alltaf spurð hvar svona háls-
men fáist og alltaf svara ég stolt að
amma mín hafi búið það til. Amma
var einnig dugleg að prjóna eins og
mamma hennar, prjónaði peysur á
allt liðið. Oftast var piparkökubakst-
ur fyrir jólin og ég, Ragnar, Berg-
steinn, Ævar og Eva bökuðum fínar
piparkökur sem voru mjög vinsælar.
Amma og afi bjuggu til kökur fyrir
allar afmælisveislur. Amma bakaði
kökurnar og afi setti kremið á og
krakkarnir fengu svo að raða á
smarties í alls konar mynstrum.
Amma átti hús með afa á Stykkis-
hólmi sem var mjög skemmtilegt og
spennandi að fara í og það var hell-
ingur sem hægt var að gera. Elsku
amma, minning þín lifir í hjörtum
okkar. Þín ömmustelpa
Þórunn María.
Sigrún Ólafsdóttir
✝ Sigrún Ólafs-dóttir fæddist í
Reykjavík 13. des-
ember 1950. Hún
lést á líknardeild
Landspítalans 17.
september síðastlið-
inn og fór útför
hennar fram frá Há-
teigskirkju 25. sept-
ember.
Það var vont að
fletta Mogganum á
laugardagsmorgni og
sjá kennara sinn brosa
til sín á síðum minn-
ingagreina. Sigrún
Ólafsdóttir var um-
sjónarkennari minn til
fjölda ára þegar ég
gekk í Ölduselsskóla.
Bekkurinn minn naut
góðs af nærveru henn-
ar, umsjá og kennslu í
nokkur ár en tími okk-
ar saman var rofinn
vegna veikinda Sig-
rúnar. Hún hreif okkur með sér frá
fyrsta degi og sýndi okkur einstakt
fordæmi með öllum gjörðum sínum.
Hún var ekki bara kennari okkar
heldur einnig vinur og fyrirmynd.
Eins og fram hefur komið í skrif-
um um Sigrúnu fór hún ekki alltaf
hefðbundnar leiðir í kennslunni. Það
var fyrir tilstilli hennar að 5. SÓ
lagðist í gerð haiku-ljóða í samvinnu
við bekk í Bandaríkjunum árið 1993.
Samskiptin fóru fram í gegnum tölvu
sem þekktist varla á þessum tíma en
Sigrún var fljót að tileinka sér
tæknina. Í kjölfar þessarar sam-
vinnu var gefin út bók sem ég held að
við eigum flest í bókahillunum hjá
okkur enn þann dag í dag.
Þegar maður lítur til baka og fer
yfir skólagöngu sína í huganum eru
það vissir kennarar sem standa upp
úr. Starf kennara er ótrúlega mik-
ilvægt og hefur mjög mótandi áhrif á
líf barna. Sigrún hafði einstaka hæfi-
leika á þessu sviði. Ég held ég tali
fyrir gamla SÓ-bekinn þegar ég færi
henni okkar hinstu þakkir fyrir að
hafa haft áhrif á það hvaða menn við
höfum að geyma í dag.
Þegar þú ert sorgmæddur, skoðaðu þá aft-
ur huga þinn, og þú munt sjá, að þú grætur
vegna þess, sem var gleði þín.
(Úr Spámanninum)
Ég bið góðan Guð að styrkja fjöl-
skyldu Sigrúnar á þessum erfiðu
tímum.
Lilja Þórunn Þorgeirsdóttir.
Haustið 1956 var
tekin í notkun glæsileg
nýbygging Hjúkrun-
arskóla Íslands við Ei-
ríksgötu í Reykjavík.
Auk kennslustofa og
annars skólahúsnæðis var þar óvenju
falleg og rúmgóð heimavist þar sem
allir nemendur skólans fengu vel bú-
in einkaherbergi auk þess sem þar
voru hlýleg kaffihorn þar sem gott
var að setjast niður og spjalla eftir
erfiða vakt. Við nýnemar skólans
Ingibjörg Norðkvist
✝ Ingibjörg Norð-kvist fæddist á
Sigufirði 10. apríl
1936. Hún lést á
heimili dóttur sinn-
ar 22. ágúst síðast-
liðinn og fór útför
hennar fram 30.
ágúst í kyrrþey.
þetta haust vorum
fyrsti hópurinn sem
flutti inn. Það var
skylda að búa í skólan-
um, þótt sum ættu
heimili í grennd við
skólann. Það voru ekki
allir ánægðir með það
fyrirkomulag en eftir á
að hyggja var það
harla gott. Kynnin
urðu nánari og vinátta
myndaðist sem entist
ævilangt.
Við nýnemarnir
komum alls staðar að
af landinu en mér fannst stúlkurnar
að norðan færa ferskan andblæ inn í
hópinn. Meðal þeirra voru Húnvetn-
ingarnir Hrefna Björnsdóttir úr
Svartárdalnum og Anna Hafsteins-
dóttir úr Langadalnum, sem báðar
létust langt um aldur fram, og Ingi-
björg Marinósdóttir, þá nýstúdent
frá MA, sem nú hefur kvatt okkur.
Allar voru þær sögufróðar, orð-
heppnar og með elskulegan húmor.
Okkur er mikill söknuður að þeim.
Í hópinn okkar bættust síðar tveir
piltar sem urðu fyrstu íslensku
hjúkrunarmennirnir, Geir Frið-
bertsson sem nú er látinn og Rögn-
valdur Stefánsson búsettur í Dan-
mörku. Þeir gáfu hópnum
sannarlega sinn sérstaka svip. Inga
Mar, eins og við kölluðum hana oft-
ast, var óvenju glæsileg ung stúlka,
fríð og vel á sig komin og gædd þeim
heillandi eiginleika að geta greint
það kátlega í hversdagsleikanum
sem breytti honum í hátíð gleði og
skemmtunar. Hún var auk þess af-
bragðs námskona og hlaut verðlaun
fyrir námsárangur við útskrift. Ég
fluttist skömmu síðar til Súðavíkur
og um líkt leyti settist Inga að á Ísa-
firði enda gift miklum myndar Ísfirð-
ingi, Theódór Norðkvist. Þar urðu
fagnaðarfundir okkar og samskiptin
urðu tíð að sjálfsögðu. Síðar skildu að
lönd og jafnvel álfur en það hafði
engin áhrif á tengsl okkar. Hver sá
sem átti Ingu að vini átti hana alltaf
að.
Lífið var Ingu ekki alltaf létt. Hún
missti Margréti elstu dóttur sína í
blóma lífsins og hafði þá misst Tedda
sinn skömmu áður af slysförum.
Þessi þungbæru áföll urðu til þess að
Inga dró sig nokkuð inn í skel gagn-
vart samfélaginu en tengsl hennar og
barnanna voru alltaf náin og mikil.
Hún starfaði á Sjúkrahúsi Ísa-
fjarðar til starfsloka eða í rúm 40 ár.
Einn sólskinsdag í fyrra heimsóttum
við hjónin Ingu í raðhúsið sem þau
Teddi byggðu fyrir rúmlega 40 árum.
Þar var hennar ríki, hún vildi ekki yf-
irgefa það né Ísafjörð þótt börnin
væru öll flutt suður. Hún sýndi okkur
garðinn sinn kæra og sagði okkur
sögur tengdar trjám og blómum,
minningar voru rifjaðar upp og
hjartanlega hlegið enda Inga í essinu
sínu eins og í gamla daga. Hún var
heillandi glöð og þannig munum við
hana og þökkum henni samfylgdina í
hálfa öld.
Við vottum elskulega barnahópn-
um hennar og fjölskyldum þeirra
innilega samúð okkur og felum hana
góðum Guði.
Rannveig Sigurbjörnsdóttir.
Margs er að minn-
ast, margs er að sakna.
Ég vil þakka Gíselu
fyrir allar samveru-
stundirnar þau 49 ár
sem hún var samferða okkur í lífinu,
allar góðu og höfðinglegu móttökurn-
ar í sveitinni okkar, eftir að við flutt-
um þaðan.
Börnin mín eiga góðar minningar
frá heimsóknum okkar í sauðburðinn
og réttirnar. Ég heimsótti hana á
sjúkrahúsið í byrjun september, þá
var hún mjög veik, við áttum saman
góða stund. Sagði ég henni að ég væri
á leið til Þýskalands, hún var mjög
Gisela Halldórsdóttir
✝ Gisela Halldórs-dóttir fæddist í
Þýskalandi 3. apríl
1934. Hún lést á
sjúkrahúsinu á
Akranesi 17. sept-
ember síðastliðinn.
Gisela var jarð-
sungin frá Reykhóla-
kirkju 24. sept. sl.
glöð fyrir mína hönd og
sagði það fallegt land,
óskaði hún mér góðrar
ferðar.
Ég faðmaði hana og
þakkaði henni fyrir allt
og óskaði henni góðs
bata.
Hún komst heim í
nokkra daga en lést 17.
september sl., var ég þá
stödd í hennar fallega
landi.
Lýs milda ljós, í gegnum
þennan geim,
mig glepur sýn,
því nú er nótt, og harla langt er heim.
Ó, hjálpin mín,
styð þú minn fót; þótt fetin nái skammt,
ég feginn verð, ef áfram miðar samt.
(Matthías Joch.)
Ég og fjölskylda mín sendum
Reyni, Reynhardi, Ingu og fjölskyldu
þeirra innilegar samúðarkveðjur.
Megi hún hvíla í friði.
Alda Garðarsdóttir.