Morgunblaðið - 22.11.2008, Page 4

4 FréttirINNLENT
MORGUNBLAÐIÐ LAUGARDAGUR 22. NÓVEMBER 2008
Eftir Önund Pál Ragnarsson
onundur@mbl.is
EKKI hefur verið tekið saman
hversu mikið fjárútlát Lífeyrissjóðs
starfsmanna ríkisins minnka vegna
fyrirhugaðra breytinga á eftirlauna-
lögunum. Þó kom fram í máli Geirs
H. Haarde á blaðamannafundi í gær
að það sé umtalsverð upphæð. Eins
og fram er komið verður frumvarp
lagt fyrir Alþingi í næstu viku, þar
sem umdeildustu ákvæðin verða
felld út úr lögum um eftirlaun ráð-
herra, þingmanna og hæstaréttar-
dómara.
Aðspurð sagðist Ingibjörg Sólrún
Gísladóttir utanríkisráðherra ekkert
vita um það hvort breytingin sam-
ræmdist réttlætiskennd fólks al-
mennt, hvort hún myndi eyða
óánægjunni með lögin eða ekki.
„Kannski verða uppi kröfur um að
ganga enn lengra. En þarna er verið
að nema úr lögum nánast allt það
sem mestum deilum olli. Við erum
að breyta öllu því sem deilt var um
2003,“ sagði Ingibjörg.
Samningur við IMF verður að
vera á áætlun svo lánin berist
Fleira var rætt á fundinum, svo
sem vantrauststillaga á ríkisstjórn-
ina og óskir þingmanna og tveggja
ráðherra Samfylkingarinnar um
kosningar á næsta ári. Ingibjörg
Sólrún sagði ekki líkur á því að þeir
þingmenn greiddu vantraustinu at-
kvæði sitt, heldur væru þeir að end-
uróma kröfur úr samfélaginu.
Geir sagðist ekki hafa áhyggjur af
því að meirihlutinn fengi ekki stuðn-
ing í þeirri atkvæðagreiðslu. Hann
sagði aðalatriðið í því máli tengjast
Alþjóðagjaldeyrissjóðnum og sam-
komulagi íslenska ríkisins við hann.
„Það hefur verið gert samkomulag
við alþjóðlega stofnun. Samkomu-
lagið mun sæta endurskoðun á
þriggja mánaða fresti, fyrst núna í
febrúar. Það er háð þeirri endur-
skoðun í febrúar hvort
Norðurlandaþjóðirnar og aðrar
þjóðir sem vilja lána okkur geri það.
Það fer eftir því hvort allt er á áætl-
un í þessu samkomulagi. Ég tel að
það sé mikið hættuspil að gefa til
kynna að ekki sé fyrir hendi örugg
pólitísk forysta í því sem framundan
er,“ sagði Geir.
Pólitískri óreiðu ekki á bætandi
„Við erum búin að ná þarna að
landa þessu samkomulagi. Það er
mjög vel fylgst með öllu hér,“ bætti
hann við og sagði pólitíska óreiðu
síst af öllu það sem þyrfti til að bæta
ofan á ástandið.
Mestu deiluefnin felld úr gildi
 Vita ekki hvort breyting eftirlaunalaga fullnægir réttlætiskennd almennings
 Geir segir þingkosningar setja samninginn við Alþjóðagjaldeyrissjóðinn í hættu
Morgunblaðið/Ómar
Undir vökulu auga Geir H. Haarde og Ingibjörg Sólrún Gísladóttir kynntu áform um breytingar á eftirlaunalög-
unum í Þjóðmenningarhúsinu í gær. Formennirnir gefa ekkert fyrir að brestir séu komnir í stjórnarsamstarfið.
Eftir Magnús Halldórsson
magnush@mbl.is
Hætta er á því að sveitarfélög sem
hafa verið háð aukaframlagi úr jöfn-
unarsjóði sveitarfélaga verði órekstr-
arhæf, og tæknilega gjaldþrota, komi
til þess að aukaframlagið verði lagt
niður. Árni M. Mathiesen fjármála-
ráðherra kynnti tillögur á fjármála-
fundi sveitarfélaga þar sem meðal
annars kom fram að aukaframlagið
yrði að líkindum lagt niður í stór-
felldum sparnaðaraðgerðum ríkisins
vegna bankahrunsins.
Halldór Halldórsson, formaður
Sambands íslenskra sveitarfélaga,
segir að mörg minni sveitarfélög þoli
ekki að vera án þeirra tekna sem auk-
framlagið gefur.
Ekki er langt síðan aukaframlagið
á ári var tvöfaldað, úr 700 milljónum í
1.400 milljónir. Halldór segir að í
þeirri ákvörðun hafi falist viðurkenn-
ing á því að tekjur sveitarfélaganna
sem þurftu á aukaframlaginu að
halda hafi ekki getað staðið undir lög-
bundinni þjónustu. „Ég get ekki bet-
ur séð en að mörg sveitarfélög í land-
inu verið órekstrarhæf komi til þess
að tekjur minnki eins mikið og boðað
hefur verið,“ segir Halldór.
Unnið er að því á vegum Sambands
íslenskra sveitarfélaga að skoða
rekstrarvanda sveitarfélaga ofan í
kjölinn. Með í þeirri vinnu eru fjár-
mála- og samgönguráðuneyti en hið
síðarnefnda er ráðuneyti sveitar-
stjórnarmála.
Samkvæmt heimildum Morgun-
blaðsins hafa fulltrúar margra sveit-
arfélaga landsins, sem hafa verið háð
framlagi úr jöfnunarsjóði, lýst yfir
þungum áhyggjum af stöðu mála.
Fulltrúar nokkurra þeirra hafa komið
þeim skilaboðum áleiðis að sveitar-
félögin verði „óstarfhæf“ minnki
tekjur eins mikið og ráð er fyrir gert.
Nefnt hefur verið að tekjur ríkisins
minnki um 25 prósent á næsta ári.
Talið er að tekjur sveitarfélaga geti
minnkað um allt að þriðjung gangi
áætlanir eftir um niðurfellingu auka-
framlagsins. Spár, þar á meðal Seðla-
banka Íslands, hafa gert ráð fyrir að
hefðbundnar útsvarstekjur sveitarfé-
laga geti dregist saman um 15 til 20
prósent á næsta ári. Samdráttur á
tekjum úr jöfnunarsjóði kæmi því til
viðbótar.
Sveitarfélög
geta orðið
óstarfhæf
  








    

 
 
    
 !  

 !
"  

# 
!
$ %


&$!
'( )
!
* $%% ((
+
!%
 $!
 !% ((

 % ((
,  %
 $!

 
"!
-    
'" 
-"
!% ((
- % ((
.% ((
/! 
0$!
&$!
1$
! 
! %
#2% ((
 !% ((
.! % ((
3  $ 
4 $!
 $! 
!( (
!% ((
'
!% ((
' ! % ((
& (% ((

 -
"!
  $
52 % ((

+% ((
  
6    
7 8
 9:
;9:
; 9
79<
:7=:
>==
7>9
>79
> <
<8
9>
?99
<9>;
 ?9
87?
?>=
<?
>9<
>7;9
> 88
7?
997
:8?
:?;
<9:
>=
=8
<;7
; =
;9
<=
> 8
<?9
> >9
<9<9
<88
<==
:87>:
 
 

       
   



  

 



     

  





 
    

        

    

   
   

    
   

 
    
      

   











































Eyþór Arnalds
Það er gott að nú eigi að gera breytingar
á lögum um eftirlaun þingmanna og ráð-
herra. Þetta mál hefur farið illa í fólk en
nú eftir efnahagshrunið hefur þó keyrt
um þverbak. Ákvörðun um tímabundna
lækkun launa stjórnmálamanna er líka af
hinu góða enda erfitt að réttlæta annað
á sama tíma og verið er að segja upp
starfsfólki á sjúkrastofnunum. Réttast
væri að afnema nýjan sið um aðstoð-
armenn alþingismanna líka.
Meira: ea.blog.is
Gunnar Skúli Ármannsson
Þetta er mjög sorglegt. Valdhafar haga
sér eins og þeir séu í kosningabaráttu.
Það er eins og valdhafar hafi engan skiln-
ing á því að þeir eru í vinnu hjá okkur.
Meira: skulablogg.blog.is
Gísli Tryggvason
Afskipti forsætisráðherra af ákvörð-
unum Kjararáðs, sem hann kynnti á
fréttamannafundi, eru ekki heimil. Ann-
ars vegar virðist mér af fréttafrásögnum
að forsætisráðherra mælist beinlínis til
þess að Kjararáð brjóti sjálfa stjórn-
arskrána með því að lækka laun forseta
Íslands tímabundið á árinu 2009.
Meira: neytendatalsmadur.blog.is
Ómar Ragnarsson
Með ólíkindum er hvílíku dauðahaldi
ráðamenn halda í eftirlaunaósómann. Til
þess að reyna að fela þetta spila þeir út
launalækkun sinni, sem út af fyrir sig er
allt gott að segja um. En á hinn bóginn
er ekki annað að sjá en að breytingar
[...] miði að því að halda eftir sem mestu
af þeim siðlausu hlunnindum sem eftir
sem áður verða límdar við topp valda-
pýramídans ef þetta nær í gegn.
Meira: omarragnarsson.blog.is
Dögg Pálsdóttir
Bréf forsætisráðherra til kjararáðs er til
sérstakrar fyrirmyndar og sjálfsagt að
opinberir starfsmenn þurfi tímabundið
að taka á sig launalækkun eins og marg-
ir aðrir í þjóðfélaginu. Þá er það sérstakt
fagnaðarefni að loksins skuli vera búið
að ákveða að afnema eftirlaunalögin.
Meira: doggpals.blog.is
BLOG.IS
GRÍÐARLEGT vinnuálag hefur
verið á starfsmönnum í sumum
deildum Nýja Kaupþings banka
undanfarnar vikur. Svali Björg-
vinsson, yfirmaður starfsmanna-
sviðs Nýja Kaupþings banka hf.,
sagði dæmi um starfsmenn sem
hefðu skilað yfir 150 yfirvinnu-
stundum á mánuði. Í einum mánuði
eru 173,3 vinnustundir svo vinnuá-
lagið nálgaðist að vera tvöfalt.
Hann sagði að sem betur færi væru
fá dæmi um slíkt.
Svali sagði þetta mikla álag
tengjast uppgjöri gamla Kaupþings
banka og því að koma Nýja Kaup-
þingi banka af stað. Einnig hefði
heilmikið af þessari vinnu verið fyr-
ir skilanefnd bankans. Sumt þurfti
að gerast mjög hratt fyrst eftir um-
skiptin sem krafðist mikillar vinnu.
Álagið hefði verið langmest í októ-
ber.
Nýir ráðningarsamningar
við alla starfsmenn bankans
„Stór hluti af þessu gríðarlega
álagi ætti að vera tímabundinn,“
sagði Svali. Hann sagði álagið hafa
verið mest á nokkrum sviðum, m.a.
á viðskiptasviði, lögfræðisviði og
starfsmannasviði. T.d. hefðu verið
gerðir nýir ráðningarsamningar
við alla starfsmenn bankans.
„Margir hér hafa farið lengra en
ég hélt að mannlegt úthald og
kraftur næðu yfir og hetjur fæðst á
hverjum degi,“ sagði Svali.
Gríðarlegt
álag á
bankamenn
Báðir formenn stjórnarflokkanna
neituðu því í gær að Jónasi Fr.
Jónssyni, forstjóra FME, hefði ver-
ið skipulega haldið frá umfjöllun
fjölmiðla á undanförnum vikum.
Geir Haarde kannaðist ekki við að
Jónas hefði sérstaklega þagað
þunnu hljóði. „Hann eins og aðrir
starfsmenn Fjármálaeftirlitsins
hafa verið að vinna baki brotnu,
mér liggur við að segja nótt og
dag, síðustu vikur við mjög erfið
verkefni. Þau hafa öll staðið sig
mjög vel. Það er ekkert upp á hann
eða starfsfólk Fjármálaeftirlitsins
að klaga,“ sagði Geir. Starfsfólk
FME hafi lent í aðstæðum sem
enginn gat séð fyrir. „Ég held að
það hafi unnið mjög gott starf.
Vangaveltur mínar um að sam-
eina eigi Fjármálaeftirlitið og
Seðlabankann hafa ekkert með
það að gera hvernig þetta fólk er
að standa sig,“ bætti hann við.
Frammistaða FME ekki undirrót sameiningar