Fréttablaðið - 29.04.2009, Blaðsíða 2
2 29. apríl 2009 MIÐVIKUDAGUR
SAMFÉLAGSMÁL Tímamót urðu hjá samfélagi mús-
lima á Íslandi þegar fyrsta íslenska parið var
gefið saman í mosku Félags múslíma á Íslandi um
síðustu helgi. Það var Salmann Tamimi, formaður
félagsins, sem gaf þau Hjalta Björn Valþórsson og
Gunnhildi Ævarsdóttur saman.
„Það eru vissulega til Íslendingar sem hafa tekið
trú og gifst öðrum sem er okkar trúar en þetta er
fyrsta alíslenska hjónabandið hjá okkur,“ segir
Salmann. Hann segir enn fremur að íslenskum
múslimum fari ört fjölgandi nú síðustu tvö árin.
„Fyrir tveimur til þremur árum voru þeir telj-
andi á fingrum annarrar handar en nú eru þeir
milli 30 og 40. Enda er margt að snúast á sveif
með múslimum bæði hér og annars staðar í heim-
inum í dag. Nú þegar fólk er að endurmeta gildin
þykir mörgum gæfulegt hjá okkur að setja ekki
allt okkar traust á vexti en þeir eru bannaðir sam-
kvæmt okkar trú. Og er ekki allt að verða vitlaust
í heiminum vegna sýkingar í svínum núna. Eins og
allir vita borðum við þau ekki svo aftur er gæfan
með okkur þar.“
Hann segir að flestir sem gerist múslimar hér á
landi séu ungt fólk. „Og það er gríðarlegur áhugi
í gangi, það eru fjölmargir að fá upplýsingar hjá
okkur um trúna og velta þessu fyrir sér.“ - jse
Árni, ætlarðu að halda þínu
striki?
„Heldur betur og býð öllum þeim
sem strikuðu mig út að leita til
mín.“
Árni Johnsen alþingismaður færðist niður
um eitt sæti vegna útstrikana á lista Sjálf-
stæðisflokksins í Suðurkjördæmi.
STJÓRNMÁL Biðlaunakostnaður
Alþingis í kjölfar þingkosninganna
á laugardag nemur tæpum 72 millj-
ónum króna. Biðlaunin eru þau
sömu og slétt og fellt þingfarar-
kaup; um 520 þúsund krónur á
mánuði.
Samtals nýtur 31 stjórnmála-
maður biðlauna frá Alþingi og
stjórnarráðinu.
Nítján fyrrverandi þingmenn fá
greidd biðlaun í sex mánuði og átta
fá biðlaun í þrjá mánuði. Helgast
það af þingsetulengd viðkomandi.
Hafi þingmaður setið eitt kjörtíma-
bil fær hann biðlaun í þrjá mánuði
en hafi hann setið í tvö kjörtíma-
bil eða lengur fær hann biðlaun í
sex mánuði.
Biðlaunakostnaður stjórnar-
ráðsins vegna stjórnarskiptanna í
febrúar nemur rúmlega 16,5 millj-
ónum króna.
Þeir sem þá létu af ráðherra-
dómi fá greidd ráðherrabiðlaun –
335 þúsund krónur á mánuði – í sex
mánuði. Biðlaunaréttur forsætis-
ráðherra er ríflegri og fær Geir H.
Haarde 415 þúsund krónur á mán-
uði. Björgvin G. Sigurðsson afsal-
aði sér biðlaunum.
Þrír fyrrverandi ráðherrar og
þingmenn; Árni M. Mathiesen,
Björn Bjarnason og Ingibjörg Sól-
rún Gísladóttir fá því 885 þúsund
krónur á mánuði næstu mánuði en
Geir fær 935 þúsund.
Fjórir sitja á þingi og njóta bið-
launaréttar vegna setu í síðustu
ríkisstjórn. Það á við um Guðlaug
Þór Þórðarson, Einar K. Guðfinns-
son, Þorgerði Katrínu Gunnarsdótt-
ur og Þórunni Sveinbjarnardóttur.
Leggjast 335 þúsund krónur ofan
á laun þeirra fyrir þingsetu. Ráð-
herrar eiga rétt á biðlaunum í sex
mánuði, hafi þeir gegnt embætti
samfellt í eitt ár en í þrjá mánuði
hafi þeir setið skemur.
Fyrrverandi þingmenn njóta
fullra biðlaunaréttinda svo fremi
sem þeir ráði sig ekki til nýrra
starfa. Geri þeir það dragast
starfslaun þeirra frá biðlaununum
og mismunurinn er greiddur út.
Séu launin jafn há eða hærri fellur
biðlaunarétturinn niður.
bjorn@frettabladid.is
Biðlaunakostnaður
nemur 88 milljónum
Nítján sem létu af þingmennsku á laugardag fá greidd biðlaun í sex mánuði.
Átta fá biðlaun í þrjá mánuði. Fyrrverandi ráðherrar fá einnig biðlaun sem slík-
ir. Fjórir fyrrverandi ráðherrar sem enn sitja á þingi fá biðlaun auk þingkaups.
FRÁ ALÞINGI Þorgerður Katrín Gunnarsdóttir, Björn Bjarnason og Ingibjörg Sólrún
Gísladóttir eru í hópi 31 stjórnmálamanns sem njóta biðlauna. FRÉTTABLAÐIÐ/AUÐUNN
Á biðlaunum í sex mánuði:
Arnbjörg Sveinsdóttir
Ágúst Ólafur Ágústsson
Ásta Möller
Árni M. Mathiesen
Björn Bjarnason
Einar Már Sigurðarson
Ellert B. Schram
Geir H. Haarde
Guðjón A. Kristjánsson
Ingibjörg Sólrún Gísladóttir
Karl V. Matthíasson
Kjartan Ólafsson
Kolbrún Halldórsdóttir
Kristinn H. Gunnarsson
Lúðvík Bergvinsson
Magnús Stefánsson
Sigurður Kári Kristjánsson
Sturla Böðvarsson
Valgerður Sverrisdóttir
Á biðlaunum í þrjá mánuði:
Ármann Kr. Ólafsson
Björk Guðjónsdóttir
Grétar Mar Jónsson
Guðfinna S. Bjarnadóttir
Gunnar Svavarsson
Helga Sigrún Harðardóttir
Herdís Þórðardóttir
Jón Magnússon
BIÐLAUNARÉTTUR
FJÁRMÁL „Það er ekki jafn mikið
um að fólk sé að missa bílana
eins og almennt er kannski talið,“
segir Jóhann Sigurðsson, lög-
maður hjá Lýsingu. Hann kveðst
þó ekki vita nákvæmlega hversu
marga bíla fyrirtækið hafi leyst
til sín í kreppunni. „Það kom hol-
skefla en það róaðist mjög fljót-
lega eftir hrunið enda erum við
með úrræði fyrir fólk. Þetta eru
skuldbreytingar, frystingar og
aðrar aðgerðir sem hjálpa skuld-
urum,“ útskýrir Jóhann sem veit
hins vegar ekki hvað framtíðin
ber í skauti sér. „En það er ekki
ólíklegt að einhverjir missi bíl-
ana í kreppunni.“ - gar
Lögmaður Lýsingar:
Tökum færri
bíla en talið er
NÝIR BÍLAR Margir þurfa fyrirgreiðslu til
að standa í skilum með bílalán.
BESSASTAÐIR Forseti Íslands varð
að biðja Carol van Voorst, fráfar-
andi sendiherra Bandaríkjanna á
Íslandi, afsökun-
ar eftir að henni
var fyrir mistök
tilkynnt að sæma
ætti hana fálka-
orðunni. Þetta
kom fram í Kast-
ljósi Ríkissjón-
varpsins í gær.
Sendiherran-
um var tilkynnt
að til stæði að sæma hana orðunni
8. apríl. Hún fékk í kjölfarið leyfi
frá Bandarískum stjórnvöldum
til að þiggja orðuna. Þegar van
Voorst var á leið til Bessastaða
síðastliðinn föstudag fékk hún
þær fréttir að um misskilning
hefði verið að ræða. Í Kastljósinu
kom fram að hún hefði verið afar
ósátt. - bj
Sendiherra svikinn um orðu:
Forsetinn baðst
afsökunar
CAROL VAN
VOORST
STJÓRNMÁL Samfylkingunni ber
skylda til að tryggja að Ísland
sæki um aðild að Evrópusam-
bandinu (ESB) sem fyrst og leggi
samninginn í dóm þjóðarinnar.
Náist ekki samkomulag um þetta
á flokkurinn ekki að fara í ríkis-
stjórn.
Þetta kemur fram í ályktun
sem Ungir jafnaðarmenn sendu
fjölmiðlum í gærkvöldi vegna
stjórnarmyndunarviðræðna
Samfylkingar og Vinstri grænna.
Þar segir að flokkarnir verði
að sammælast um að leyfa þjóð-
inni að ákveða hvort hún vilji
upptöku evru og aðild að ESB.
- bj
Ungir jafnaðarmenn:
Ekki í stjórn án
ESB-viðræðna
STJÓRNMÁL „Við erum að ná sam-
komulagi innan hvers málaflokks
fyrir sig,“ sagði Steingrímur
J. Sigfússon, formaður Vinstri
grænna, eftir fund síðdegis með
Jóhönnu Sigurðardóttur, formanni
Samfylkingarinnar.
Fundinn, sem fram fór í
Alþingishúsinu, sátu einnig vara-
formenn flokkanna og aðstoðar-
menn formannanna.
Jóhanna sagði að fyrst og
fremst þyrfti að ná niðurstöðu
varðandi Evrópusambandið. Rík-
isstjórnarflokkarnir hefðu þó tím-
ann fyrir sér enda með meirihluta
Alþingis á bak við sig.
Aðspurður um mismunandi
áherslur flokkanna á Evrópu-
mál annars vegar og umhverf-
ismál hins vegar sagðist Stein-
grímur það vitað. „Við þurfum
einhvers staðar að mætast í þess-
um málum.
Það er bara augljóst og það er
bara unnið í samræmi við það,“
svaraði Steingrímur.
„Hér er það svo að við leggjum
líka áherslu á umhverfismálin.
Þú mátt ekki gleyma því,“ minnti
Jóhanna þá fréttamann á og Stein-
grímur hló við.
Auk þess sem viðræðuhópur
flokkanna tveggja um Evrópumál
var skipaður á mánudag tilnefndu
flokkarnir í gær tvo fulltrúa hvor
í nefnd sem ræða á stjórnkerfis-
breytingar. -gar
Ríkisstjórnarflokkarnir ræddu áfram um framhald samstarfsins á Alþingi í gær:
Samið um hvern málaflokk fyrir sig
Íslendingum fjölgar í Félagi múslima hér á landi:
Íslenskir múslimar gefnir saman
SALMANN TAMIMI Formaður félagsins gaf fyrsta alíslenska
parið saman í mosku félagsins í Ármúla þar sem þessi mynd
var tekin. FRÉTTABLAÐIÐ/VILHELM
STJÓRNARMYNDUN Í ALÞINGISHÚSINU
Formenn Samfylkingar og Vinstri
grænna höfðu bæði varaformenn sína
og aðstoðarmenn með sér í áframhald-
andi viðræður um nýja ríkisstjórn.
FRÉTTABLAÐIÐ/ANTON
SVÍÞJÓÐ, AP „Þetta er furðulegt,“
sagði Carl Bildt, utanríkisráð-
herra Svíþjóðar, um afstöðu
stjórnvalda á Sri
Lanka, sem neit-
uðu að hleypa
honum inn í landið.
Bildt hugðist
fara þangað í för
með utanríkisráð-
herrum Bretlands
og Frakklands,
þeim David Mili-
band og Bernard
Kouchner, til þess að þrýsta á að
samið verði um vopnahlé í stríði
stjórnarhers eyjunnar við upp-
reisnarsveitir tamíla.
Sendiherra Sri Lanka í Sví-
þjóð segir ástæðuna vera þá, að
öfugt við Miliband og Kouchner
hafi Bildt ekki skipulagt ferð sína
fyrirfram. - gb
Utanríkisráðherra Svíþjóðar:
Ekki velkominn
til Sri Lanka
CARL BILDT
Eftir mikla uppsveiflu á gengi hluta-
bréfa deCode í síðustu viku hefur
gengið lækkað talsvert aftur í þessari
viku. Það er þó enn 41 sent á hlut
sem er tvöfalt hærra en það hafði
verið um talsverða hríð.
VIÐSKIPTI
Gengi Decode sveiflast
SPURNING DAGSINS