Fréttablaðið - 29.04.2009, Blaðsíða 22

29. apríl 2009 MIÐVIKUDAGUR2
FERÐAFÉLAGIÐ ÚTIVIST stendur
fyrir dagsferð á fjallið Þyril hinn 3.
maí. Lagt verður af stað frá BSÍ
klukkan 9.30. www.utivist.is
„Við höfum þrískipt þessum ferð-
um í borgargolf, sveitagolf og
frístundagolf,“ segir Hörður
Hilmarsson, framkvæmdastjóri
ÍT-ferða, sem hafa nú bryddað upp
á því að markaðssetja golfferðir til
Íslands.
„Þegar menn fara í borgargolf
(city golf) er gist í Reykjavík í
tvær til sjö nætur eða meira og
leiknir vellir á höfuðborgarsvæð-
inu. Sveitagolfið (country golf)
er þannig að gist er í tvær til sjö
nætur á góðum hótelum á Suður-
eða Vesturlandi og leiknir golf-
vellir sem eru í innan við klukku-
stundarfjarlægð frá gististað.
Frístundagolfið (leisure golf) er
síðan hugsað fyrir ferðamenn sem
koma til Íslands, til dæmis á fundi,
ráðstefnur eða í öðrum tilgangi, og
eru ekki með golfsettið með sér.
Kylfingar vilja gjarnan spila golf
þegar þeir hafa frítíma og veður
er gott. Þá geta þeir hringt í okkur
og við bókum golftíma, útveg-
um golfsett til leigu og sjáum um
akstur frá hóteli á golfvöll. Þetta
er fyrir lágmark tvo kylfinga og til
að byrja með er þessi þjónusta ein-
skorðuð við höfuðborgarsvæðið,“
útskýrir Hörður.
Ferðirnar eru hugsaðar fyrir
kylfinga almennt en að sögn
Harðar vinna ÍT-ferðir mikið
með erlendum ferðaskrifstofum.
„Við reynum að fá erlendar ferða-
skrifstofur til að selja golfferðir
til Íslands. Þetta geta verið ferða-
skrifstofur sem eru nú þegar að
selja golfferðir og þá reynum við
að fá þær til að bæta Íslandi við.
Síðan eru aðrar sem selja ferðir
til Íslands, en eru ekki með golf-
ferðir, og þá reynum við að fá þær
til að bæta þeim ferðum við. En
frístundagolfið hentar ýmsum og
vilja mörg hótel fá bæklinga um
það,“ segir hann áhugasamur og
bætir við: „Ný samtök, Golf Ice-
land, er samstarf ferðaþjónust-
unnar og Golfsambands Íslands.
Þar eru komnir inn nokkrir golf-
vellir, bílaleigur, Flugfélag Íslands,
Icelandair, hótel og nokkrar ferða-
skrifstofur. Verið er að leita allra
leiða til að fá ferðafólk til að koma
til Íslands þar sem minna er ferð-
ast frá Íslandi um þessar mund-
ir.“
Íslenskir golfvellir þykja
skemmtilegir og nefnir Hörður sem
dæmi golfvöllinn í Vestmannaeyj-
um. „Sá völlur þykir ævintýraleg-
ur og síðan eru nokkrir vellir eins
og í Grafarholti í Reykjavík, Keilir
í Hafnarfirði, Oddur í Heiðmörk og
Kiðjaberg fyrir austan. Þetta þykja
einstakir vellir. Óvanalegt er að
hafa þetta útsýni á golfvöllum. Ég
frétti af þýskum kylfingum í Kiðja-
bergi sem gleymdu bara að slá þar
sem þeir voru svo uppteknir við
að dást að útsýninu,“ segir Hörð-
ur og hlær. Upp við Geysi er líka
fallegur völlur en erfiður. „Menn
geta þar notið einstakrar náttúru,
með jökul á eina hlið og sjóinn á
hina og engin tré sem trufla útsýn-
ið. Kínverjar hafa auk þess verið
mjög áhugasamir um að spila golf í
miðnætur-sólinni,“ segir hann.
Nú þegar hafa ÍT-ferðir bókað
hópa frá Noregi og Finnlandi í
september. „Við erum að vinna
í fleiri bókunum en varðandi
norska hópinn í haust þá eru þau
að koma í tengslum við landsleik
og þykir sniðugt að tengja þetta
tvennt saman. Finnski hópurinn
ætlar hins vegar að spila fimm
golfvelli og fara Gullna hringinn.
Einfalt er að tvinna golfið saman
við skoðunarferðir en velja má
úr fjölmörgum og skemmtileg-
um golfvöllum og sveitahótelum,“
segir Hörður bjartsýnn en hann er
nú í Noregi að kynna golfferðirnar
í samvinnu við Ferðamálastofu og
Útflutningsráð. hrefna@frettabladid.is
Golfferðir til Íslands
ÍT-ferðir hafa nú bryddað upp á þeirri nýjung að bjóða upp á golfferðir til Íslands og er Hörður Hilmars-
son framkvæmdastjóri um þessar mundir að kynna ferðirnar fyrir áhugasömum í Noregi.
Hörður segir fjölmarga skemmtilega og
einstaka golfvelli á Íslandi.
FRÉTTABLAÐIÐ/STEFÁN
Golfvöllurinn í Vestmannaeyjum þykir
einstakur en þar fara saman góður
golfvöllur og glæsilegt útsýni.
Samstarfssamningur Selaseturs
Íslands, Veiðimálastofnunar og
Hólaskóla um nýja rannsóknar-
deild, var undirrituð síðasta
vetrardag. Munu starfsmaður bæði
frá Veiðimálastofnun og Hólaskóla
hafa aðsetur í setrinu á Hvamms-
tanga.
Starfsmaður Veiðimálastofnunar
er Sandra Magdalena Granquist og
mun hún stunda selarannsóknir
en starfsmaður Hólaskóla er Per
Åke Nilsson sem auk kennslu við
skólann mun sinna rannsóknum
á sviði náttúrutengdrar ferðaþjón-
ustu.
Að formlegri undirskrift lokinni
var gestum boðið upp á kynningu
á alþjóðlega samstarfsverkefninu
The Wild North, sem verkstýrt er
frá Selasetrinu en þess má geta að
í sumar verða starfsmenn seturs-
ins sjö talsins.
Rannsóknir í
Selasetri Íslands
RANNSÓKNARDEILD SELASETURS
ÍSLANDS Á HVAMMSTANGA VAR
OPNUÐ SÍÐASTA VETRARDAG.
Selarannsóknir verða stundaðar við
Selasetur Íslands.
FR
ÉT
TA
B
LA
Ð
IÐ
/G
O
LF
SA
M
B
A
N
D
ÍS
LA
N
D
S
Helmingi færri fara út sem
skiptinemar í ár en í fyrra.
Bandaríkin, Ítalía og Dómíníska
lýðveldið eru meðal vinsælustu
áfangastaðanna.
Flestir þeirra íslensku unglinga
sem fara út sem skiptinemar á
vegum AFS vilja fara til Banda-
ríkjanna. Í sumar fara fjórtán
skiptinemar á aldrinum fimmtán
til átján ára þangað á vegum sam-
takanna. Ítalía, Frakkland, Nýja-
Sjáland og Dómíníska lýðveldið
eru líka vinsælir áfangastaðir.
Hingað til lands koma fimmtíu
skiptinemar í ágúst.
Enn er opið fyrir umsóknir
vegna sumarbrottfara til fjölda
landa. Á morgun klukkan sex held-
ur AFS kynningarfund á skrif-
stofu samtakanna á Ingólfsstræti
3. Þar munu erlendir skiptinemar
segja frá reynslu sinni á Íslandi og
kynna sín eigin lönd.
Á fundinum verður sjálfboða-
liðadvöl einnig kynnt, en það er
nýjung hjá AFS sem býðst fólki
átján ára og eldri. „Fólk getur þá
valið um að vera úti í einn til tólf
mánuði sem sjálfboðaliðar, svo sem
við að kenna ensku í Taílandi eða
í heilsugæslu í Gvatemala,“ segir
Ólöf Daðey Pétursdóttir, deildar-
stjóri íslenskra nema hjá AFS.
Í fyrra fór metfjöldi skipti-
nema frá Íslandi, eða 145. Í ár
verða þeir á bilinu sjötíu til átta-
tíu og því greinilegt að efnahags-
ástandið hefur sín áhrif. Ólöf hvet-
ur þó alla sem eiga þess kost að
drífa sig út í skiptinám. „Helsti
ávinningurinn af skiptinema-
dvöl er víðsýnin sem maður öðl-
ast. Maður kynnist nýju fólki og
þarf að venjast nýjum siðum. Við
það öðlast maður umburðarlyndi
gagnvart ólíkum hefðum og menn-
ingu, sem er ómetanleg og þrosk-
andi reynsla.“ - hhs
Flestir fara til Bandaríkjanna
Ítalía er vinsæll áfangastaður íslenskra skiptinema. Ítalir sækja líka hingað og í ár
koma tólf nemar til Íslands frá Ítalíu.
Blaðberinn
bíður
þín
Þú færð Blaðberann þinn í
Skaftahlíð 24 alla virka daga
frá kl. 8-17.
...góðar fréttir fyrir umhverfið
Blaðberinn...