Fréttablaðið - 29.04.2009, Blaðsíða 38
22 29. apríl 2009 MIÐVIKUDAGUR
folk@frettabladid.is
Stuðmenn hafa verið í
hljóðveri til að taka upp óð
um sjálfan Rúnar Júlíusson
eftir Valgeir Guðjónsson.
Um leið kynna þeir til sög-
unnar nýja framlínu sem er
samanlagt 36 ára miðað við
110 ára aldur áður.
„Vissulega var blóðtaka að missa
hina samanlagt 110 ára framlínu,
Egil Ólafsson og Raghildi Gísla-
dóttur. Hin nýja framlína, Eyþór
Ingi og hin sextán ára Steffý, eru
36 ára samanlagt. En hún „lúkk-
ar“ betur og „sándar“ betur en
elstu menn muna,“ segir Jakob
Frímann Magnússon hljómborðs-
leikari hljómsveitar allra lands-
manna – Stuðmanna.
Stuðmenn ætla að starfa af
krafti í sumar. Þeir eru að taka
upp nýtt efni og vinna að plötu
sem koma á út seint á þessu ári.
En hljómsveitin mun senda frá sér
lög eftir hendinni. Stuðmenn hafa
verið við upptökur á nýju lagi sem
er um sjálfan Rúnar Júlíusson.
Varla er hægt að hugsa sér betri
stað en upptökumaður er Björg-
vin Baldursson Guðmundssonar
Rúnars. „Lagið fjallar um Rúnar,
Keflavíkurbítlið og er í Trúbrots-
anda,“ segir Jakob
Og enn er komin ný framlína í
Stuðmenn. Hljómsveitarstjórinn
Jakob Frímann er ánægður með
hana. Eyþór Ingi náttúrlega sigr-
aði glæsilega í söngvarakeppn-
inni Bandið hans Bubba nýverið
og um hina ungu Steffý má segja
að þar sé stjarna fædd. Jakob
segir að þeir hafi fundið hana í
Menntaskólanum við Hamrahlíð.
„Þaðan sem við erum nú allir. Við
höfum vakandi auga með þeim
mikla listaskóla. Og réðum hana
á stundinni.“ Og með þau Eyþór
og Steffý sem aðalsöngvara hafa
Stuðmenn nú komið fram við
góðar undirtektir til dæmis á árs-
hátíð 365 og svo í Officeraklúbbi
Einars Bárðarsonar.
Áður voru þær Hara-systur og
Jónsi í framlínunni og hefur Jakob
ekki nema gott eitt um það sam-
starf að segja. En það hafi hins
vegar ekki verið hugsað nema til
skamms tíma því verkefni áttu til
að rekast á við hljómsveitirnar
Elektru og Í svörtum fötum þar
sem þau starfa og störfuðu jafn-
framt. jakob@frettabladid.is
Óður Stuðmanna um Rúna Júl
NÝIR OG GAMLIR STUÐMENN Í GEIMSTEINI María Baldursdóttir heldur um snjáðan Fender-bassa Rúnars og upptökumaðurinn, sá
skeggjaði, er afabarn þeirra heiðurshjóna, Björgvin Baldursson.
Rúni Rúni
Heyrðu mig vinur ballið er búið
búast til ferðar þarf senn
þeir deyja aldrei sem guðirnir elska
eilífir æskumenn
Afburðadrengur til orðs og til æðis
okkar í hjarta á stað
friður og ást eru alltaf til svæðis
elskan mín bókaðu það
Keflavík verður aldrei söm og sem áður
uppi á vegg fender bassinn svo snjáður
við sem eftir stöndum ætlum ekki að
tapa trúnni
taktu okkur á orðinu þú eini sanni
Rúni Júl… - Rúni Rúni
Hljómar og Trúbrot hömruðu stálið
hamskipti upplifðum við
ornuðum okkur við byltingarbálið
báðum um kærleik og frið
Geimsteinar steypast stórum í bogum
um stjörnur, hnetti og sól
ástin hún kraftbirtist ljósum í logum
leikur um byggðir og ból
Keflavík verður aldrei söm og sem
áður…
Í annarri og æðri vídd þú nú dvelur
allt samkvæmt von þinni og trú
sérhver sinn næsta samastað velur
sem sannur er – rétt eins og þú
> HANDTEKINN Á NÆRBUXUNUM
Ástralski leikarinn Eric Bana var hand-
tekinn þegar hann heimsótti Banda-
ríkin í fyrsta sinn. Þetta var á tíunda
áratug síðustu aldar og Bana var á nær-
buxunum einum klæða þegar hann
var tekinn. Á þessum tíma var hann
óþekktur og bláfátækur og svaf í
bíl sínum þegar hann átti ekki
fyrir hótelgistingu. „Ég var tek-
inn fyrir að stelast í sturtu á
bensínstöð. Sem betur fer var
ég í nærbuxunum,“ segir leik-
arinn.
Alan Jones, sem keppti í X-Fact-
or hér um árið, er að undirbúa
sína fyrstu plötu sem er væntan-
leg fyrir jól. Hann hefur að und-
anförnu tekið upp lög með bræðr-
unum Berki og Daða sem áður
voru í Jagúar og samstarf með
lagahöfundinum Örlygi Smára
er einnig að hefjast. Saman ætla
þeir að taka upp eigin útgáfu af
Michael Jackson-lagi sem kemur
út í júní. „Þetta fyrsta lag á eftir
að koma fólki á óvart því það er
dálítið rokk í því,“ segir Alan, sem
er mikill Jackson-aðdáandi. Síðan
hann steig fram á sjónarsviðið í X-
Factor hefur hann verið duglegur
við spilamennsku og vonast til að
sú reynsla muni koma að góðum
notum við gerð plötunnar. „Ég hef
verið að syngja um allt land, allt
frá Reyðarfirði til Akureyrar og
það hefur gengið mjög vel,“ segir
hann. - fb
Syngur Jackson-lag
Hundraðasti sjónvarpsþátturinn í hinni dularfullu
Lost-seríu verður sýndur í Bandaríkjunum í kvöld.
Framleiðandinn Damon Lindelof, einn af höfund-
um Lost, segist ennþá vera undrandi yfir langlífi
þáttanna. Hann átti sannarlega ekki von á þessum
vinsældum þegar hann kynnti hugmyndina fyrir
stjórnendum ABC-sjónvarpsstöðvarinnar fyrir
fjórum árum. „Ég sagði: „Við eigum örugglega
ekki eftir að komast lengra en í þrettán þætti. Við
skulum vera alveg hreinskilin hvað það varðar“,“
sagði hann. „Ef ég gæti ferðast aftur í tímann til
þessa fundar og sagt sjálfum mér að þættirnir yrðu
hundrað og að enn væri ein þáttaröð eftir þá hefði
ég hlegið upp í opið geðið á mér,“ sagði Lindelof.
Lost lýkur göngu sinni eftir næstu þáttaröð.
Þetta ákváðu framleiðendurnir til að hægt yrði að
undirbúa endalokin af mikilli kostgæfni, enda er
mörgum spurningum enn ósvarað í þáttunum. Að
sögn Lindelof verður endirinn „mjög flottur og mun
ekki valda neinum vonbrigðum“.
Hundraðasti Lost-þátturinn
LOST Hundraðasti þátturinn í þessari vinsælu seríu verður
sýndur í Bandaríkjunum í kvöld.
ALAN JONES Alan er að undirbúa sína fyrstu plötu sem er væntanleg fyrir jól.
„Þetta er án efa eitt athyglisverðasta
band á Norðurlöndunum í dag,“ segir
Þuríður Helga Kristjánsdóttir hjá Nor-
ræna húsinu um færeysku hljómsveitina
Orku sem er nýkomin til landsins.
„Hljóðfærin sem Orka spilar á voru
smíðuð á bænum Innan Glyvur í Fær-
eyjum, af fjölskyldu og vinum stofn-
anda hljómsveitarinnar, Jens L. Thom-
sen. Hljóðfærin tengjast flest landbúnaði
enda búin til úr verkfærum og öðrum
hlutum sem til féllu á bænum, en þeir
spila til dæmis á steypuhrærivél, slíp-
i rokk og loftpressu. Það er magnað hvað
þeir geta fengið fagra tóna úr slípirokkn-
um,“ útskýrir Þuríður. Plata Orku, Lif-
andi Oyða, hefur hlotið frábæra dóma
og í All Scandinavian var meðal ann-
ars skrifað að hljómsveitarmeðlimir séu
„fáránlega hæfileikaríkir, líklega frum-
legasta hljómsveit sem þekkist“.
„Orka heldur tónleika í Norræna
húsinu annað kvöld klukkan 21, ásamt
Eyvöru Pálsdóttur og Ólöfu Arnalds.
Eivör mun syngja nokkur lög með
Orku, en Ólöf Arnalds
spilar fyrir tónleik-
ana. Orka er tví-
mælalaust hljóm-
sveit sem á eftir
að vekja athygli og
við hjá Norræna
húsinu erum mjög
ánægð með að geta
kynnt svona kröftuga
en þó melód-
íska fær-
eyska tón-
list fyrir
Íslend-
ingum,“
segir
Þuríður.
- ag
Spila á heimagerð hljóðfæri
HALDA TÓNLEIKA Á ÍSLANDI Meðlimir Orku eru
þeir Jens L. Thomsen, Jógvan Andreas
frá Brúnni, Magni Højgaard, Bogi frá
Lakjuni og Kári Sverisson.
ATHYGLISVERÐ HLJÓMSVEIT
Þuríður Helga Kristjánsdótt-
ir hjá Norræna húsinu er
ánægð með komu hljóm-
sveitarinnar Orku til landsins
og segir magnað hvað
tónlistarmennirnir nái fögrum
tónum úr slípirokknum.