Fréttablaðið - 29.04.2009, Blaðsíða 21

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
FERÐAFÉLAG ÍSLANDS stendur fyrir örgöngum um
nágrenni Grafarholts nokkra miðvikudaga í röð. Í dag, 29. apríl,
hefst gangan klukkan 19. Gengið er frá hitaveitugeymunum eftir
göngustígnum sunnan byggðarinnar að Sæmundarskóla, með
Reynisvatni norðanverðu, um austurhlíðar Reynisvatnsássins og
yfir ásinn niður að Reynisvatni austanverðu.
„Fólk var opið og vingjarnlegt og
bauð okkur upp á það besta sem
það mögulega gat,“ segir hinn tví-
tugi Gunnlaugur Bragi, sjálfboða-
liði hjá Rauða krossinum, eftir
vikuferð til Palestínu ásamt Krist-
ínu Helgu Magnúsdóttur. „Við
vorum reyndar átta saman á aldr-
inum 18 ára til tvítugs sem vorum
send af landsfélögum Rauða kross
Íslands, Danmerkur, Frakklands
og Ítalíu og auk þess var farar-
stjóri frá hverju landi. Erindið
var að kynnast aðstæðum ungs
fólks í þessu stríðshrjáða landi.
Við heimsóttum fjölskyldur sem
áttu fjögur til sex börn, fengum að
spjalla við þau, heyra þeirra sögur
og hvernig hefðbundinn dagur er
hjá þeim.“
Gunnlaugur kveðst hafa verið
hjá sömu fjölskyldunni obbann
af þremur dögum. Móðirin var
heimavinnandi en faðirinn hafði
vinnu að nafninu til hjá bygging-
arfyrirtæki. „Þau búa í afar þétt-
býlli borg sem heitir Qalqilya og
þar er búið að byggja á öllu land-
svæði sem til er þannig að lítið er
um framkvæmdir. Þar af leiðir að
innkoman er lítil. Samt sem áður
var okkur boðið upp á afar góðan
og mikinn mat. Þótt hver og einn
borði yfirleitt með áhöldum af
matarfatinu var komið með diska
handa okkur gestunum og fyllt vel
á þá.“
Heimsókn í skóla sem bjóða
upp á sálrænan stuðning við börn
eftir venjulegan skóladag var eitt
aðalerindi ferðarinnar, að sögn
Gunnlaugs Braga. „Kennararnir
leiðbeina launalaust og hafa feng-
ið til þess þjálfun palenstínska
Rauða hálfmánans með stuðningi
Íslands og hinna landanna þriggja
sem áttu fulltrúa í ferðinni. Með
leikjum og verkefnum er unnið
með tilfinningar barnanna og
þau eru hvött til að rifja upp erfið
atvik sem hafa haft áhrif á þau því
ofbeldi er mikið í kringum þau og
það smitar út frá sér. En tjáningin
hefur orðið til að bæta samskipt-
in þeirra á milli og auka lífsgleði.
Þetta verkefni byrjaði smátt um
2000 en hefur farið vaxandi og er
komið í marga skóla á svæðinu.
Allir töluðu um að það hefði borið
mikinn árangur, kennarar, for-
eldrar og krakkarnir sjálfir.“
Gunnlaugur Bragi segir krakk-
ana í Palestínu leggja hart að sér
í skólum, jafnvel þótt óvissa sé
um atvinnu í framhaldinu. „Fólk
er almennt ótrúlega jákvætt og
bjartsýnt,“ segir hann. „Það trúir
því að lífið fari að lagast.“
gun@frettabladid.is
Vika á Vesturbakkanum
Gunnlaugur Bragi Björnsson naut gestrisni fátækrar fjölskyldu í Palestínu, kynntist krökkum sem stefna
hátt og komst að því að sálrænn stuðningur sem Rauði krossinn veitir börnum skilar góðum árangri.
„Unga fólkið í Palestínu er bjartsýnt þrátt fyrir að aðstæður séu erfiðar og mikið um atvinnuleysi,“ segir hinn tvítugi Gunnlaugur
Bragi. FRÉTTABLAÐIÐ/VILHELM
Hringdu í síma
ef blaðið berst ekki