Skinfaxi - 01.11.1950, Qupperneq 19

SKINFAXI
83
legri og líkami vor musteri þessa anda, er það
ekki undarlegt öfugmæli, eins og heimurinn er í dag?
Er það ekki furðuleg þversögn, eins og mennirnir hafa
oft hagað sér, bæði fyrr og síðar? Og þó, það stend-
ur hérna. — Frelsarinn segir: „Guðs ríki er Iiið innra
i yður.“ Páll postuli segir: „Líkami yðar er musteri
heilags anda í yðar, sem þér hafið frá Guði.“ Þetta eru
skýr orð og skilmerkileg. Guðs andi býr í mannlegum
líkama. Líkaminn er húsið hans, musterið hans.
Þetta er vissulega upplyftandi hugsun, en hún legguv
oss líka þunga ábyrgð á herðar. Likami vor Guðs
musteri. Það er mikið í þessu fólgið, vinir mínir. Það
lætur oss bæði miklast af oss og fyrirverða oss; miklast
af því, hversu vér erum ættaðir og' fyrirverða oss fyr-
ir það, hversu oft sér lítið á, að vér munum eftir þessu
ætterni. En það leggur oss líka þennan lærdóm á herð-
ar: Þú átt að hugsa um að balda líkama þinn þannig.
Séð yfir sundlaugina í Selárdal.
6*