Skinfaxi - 01.04.1955, Page 27

SKINFAXI
27
mest í heiminum. Aðrir telja það að sama skapii mik-
ilsvert fyrir frelsi, mannréttindi og hamingju þjóð-
anna, að áhrifa Rússa gætii sem minnst. Eðlilega vilja
þessir menn vera trúir sannfæringu sinni eins og
aðrir. En hvað sem því líður eru fjölmörg þjóðleg
og mannleg verðmæti, sem þeim eru sameiginleg. Og
ég veit ekki hvort okkur er meiri þörf á nokkru í
dag en einmitt því, sem leiðir menn með andstæðar
stjórnmálaskoðanh' saman til þjónustu við það. sem
þeim er báðum kært.
Ég lield, að slíkt samstarf glæði þá tilfinningu,
sem öldur klíkuskapar, æsinga og mannhaturs geta
ekki bugað. Þess vegna er það bezta vörnin gegn
striðsæsingum hvers konar. Það gerir menn víðsýna,
hófsama og umburðarlynda um leið og það glæðir
þegnskap þeirra.
Ef til vill þykir þér þetta bréf orðið nógu langt.
Ég vona að ungmennafélögin haldi áfram að glæða
sjálfstæða dómgreind ungu kynslóðarinnar og rækta
þegnskap hennar, svo að hún bregði fljótt og vel við
til félagslegra átaka þegar samfélagið þarf. Og ég
vona, að þau haldi áfram að glæða ræktarsemi við
islenzka tungu, íslenzkar bókmenntir og íslenzka sögu
jafnframt því, sem þau vekja virðingu fyrir daglegum
þjóðþrifastörfum á landi og sjó. Ég vona, að þau
eigi góðan lilut að því að gera þjóðina framsýna og
fyrirhyggjusama og gefi fólki sínu löngun til að bæta
fyrir erfðasyndir rányrkjunnar. Á þann hátt geta þau
orðið að styrkri. stoð fyrir sjálfstæði og menningu
þjóðarinnar. Þá mun það spretta af starfsemi þeirra,
sem skapar íslenzku þjóðinni virðingu og sæmd með-
al góðra manna um heim allan og gerir hana fyrir-
myndarþjóð. Slík |)j ()ð á léttara með að vernda sjálf-
stæði sitt en eyðslusöm þjóð og illa verki farin, sem
auk þess metur lítils fornar menningarerfðir.