Skinfaxi - 01.11.1965, Qupperneq 16

ingaseðla en allmargir aðrir íþróttakennar-
ar og æfingastjórar s.tjórnuðu æfingum í
hinum ýmsu félögum.
Þessar stóru fimleikasýningar, svo og
þjóðdansasýningin, voru mjög til að auka
á mikilleik mótsins og glæsibrag, og munu
seint úr minni líða þeim, er á horfðu.
Þjónusta og fyrirgreiðsla
Það er fleira en íþróttakeppni sem þarf
að skipuleggja og starfrækja á slíkri stór-
hátíð, sem landsmótið á Laugarvatni var.
Landsmótsnefnd hafði aðalskrifstofu sína
í íþróttasalsbyggingu staðarins. Þar stóðu
nefndarmenn í ströngu allan daginn. Þarna
var upplýsingamiðstöð og aðalskrifstofa
mótsins, og þarna var stöðugur straumur
af fólki, sem þurfti að fá hina margvísleg-
ustu fyrirgreiðslu.
Það var vel séð fyrir veitingum af öllu
tagi.. Sumarhótelið seldi mat á tveim hæð-
um héraðsskólans, og Kvenfélag Laugdæla
sá auk þess um kaffiveitingar í Barnaskól-
anum. Þá voru veitingar af léttara taginu,
svo sem gosdrykkir, pylsur, ís og sælgæti
selt í fjölmörgum veitingatjöldum víðsveg-
ar um mótssvæðið.
Allt húsnæði sumarhótelsins var leigt af
landsmótsnefnd og UMFÍ fyrir starfsmenn
mótsins, leiðtoga keppendahópa, fulltrúa
UMFÍ, blaðamenn o.fl. Aðstaða tilveitinga
og hótelhúsrými er hvergi betra í dreif-
býlinu á íslandi en á Laugarvatni.
Yfirstjórn löggæzlu hafði sveit 26 lög-
regluþjóna úr Ileykjavík undir forystu
Óskars Ólasonar varðstjóra. Fórst þeim
starfið vel úr hendi. Varðstjóri kvað starf
þeirra hafa verið mjög auðvelt. Framkoma
mótsgesta hefði verið mjög til fyrirmynd-
ar og starf Iögreglunnar var nær eingöngu
fólgið í að stjórna og skipuleggja hina
gífurlegu bílaumferð um staðinn og ná-
grenni hans.
Þá aðstoðuðu einnig 50 ungmennafé-
lagar úr Skarphéðni við umferðar- og lög-
gæzlustörf og margskonar fyrirgreiðslu á
mótinu. Þessi hópur var sérstaklega búinn
undir þetta starf og var mikill hagur að
starfi þessara pilta.
Hjálparsveit skáta sló upp tjaldbúðum
sínum á túninu við vesturenda Héraðskól-
ans. Höfðu skátarnir slysavarðstofu í rúm-
góðu tjaldi og auk þess annað stórt tjald
með 10 sjúkrarúmum. í sveitinni voru 30
manns, piltar og stúlkur, og gegndu þau
mjög mikilvægu þjónustuhlutverki á mót-
UMSK vann
hanknattleiks-
keppni kvenna.
Hér sækja
UMSK-stúlk-
urnar að marki
þeirra þing-
eysku.
16
SKINFAXI