Skinfaxi - 01.11.1965, Qupperneq 23

skal bæta fyrir Apavatnsför giftusnauðrar
aldar. Leggjumst á eitt, íslands unglinga-
fjöld, þessara sumardaga að hefja hálfrar
aldar gamlan fána okkar hátt að hún í
manndómlegri keppni, margþættum sýning-
um, og með framkomu allri, þátttakenda
beinna, og mótsgesta allra.
Laugarvatnsför marki djúp spor í sögu
æskulýðs þjúóðar okkar, og brú verði yfir
fjöll milli Lauga 1961 og Laugarvatns
1965. Eigum aldrei með okkur Orlygsstaða-
fund framar, íslendingar. Apavatnsför víki
fyrir Laugarvatnsför. Þó hyggjum við á för
norður, vestur eða austur. Leiðangri og her-
för landsmótanna mun verða fram haldið.
— Sturlunga segir um fyrr nefndan fund
hér suður á sléttunni:
„Létu menn hesta sína á gras, því at
eigi skorti áfanga".
Þess er og getið, að vað á Sogi var
djúpt, er héðan var haldið.
Hér skortir eigi áfangastað í dag. Gróður
lands okkar mun ekki bregðast, þótt seint
vori á stundum. Djúp vötn falla fram til
sjávar og þrungin orku.
Vaxtarmagn býr í ungmennum þjóðar
okkar og straumar blóðs þeirra eru þung-
ir og heitir.
Megi okkur öllum auðnast að eiga hér
nú góðan áfangastað.
Herför æskunnar og víkingaferð til Laug-
arvatns í dag boði batnandi öld ungra
manna og kvenna á íslandi.
Fyrir hönd U.M.F.Í færi ég þakkir öllum
þeim, scm stuðlað hafa að þessari hátíðar-
stund.
Heimamönnum eru fluttar þakkir og for-
ráðamönnum Laugarvatns, ríkisstjórn ís-
lands fyrir mikilvæga fyrirgreiðslu m.a. með
Árni Guímundsson, Gylfi Þ. Gíslason og
Eiríkur J. Eiríksson við setningu lands-
mótsins.
fullgerðum völlum þessum, íþróttafulltrúa
íslands, Landsmótsnefnd og sjálfboðaliðum
og starfsfólki fjölmörgu.
En síðast og fyrst hylli ég fylkingar þær,
er nú munu berjast bróðurlega og af full-
um drengskap með heill og heilbrigði að
takmarki, einstaklinga og heildar.
Á almenning heiti ég að virða viðleitni
hins unga fólks til líkamsræktar og andlegs
þroska, með því að koma sómasamlega
fram í Irvívetna, svo að þjóðarsæmd verði
að móti okkar og það sönnun um mann-
ræktarhug okkar allra og menningar.
Er ég flutti hvatningu í útvarp vegna
Haukadalsmóts fyrir réttum 25 árum, sagði
Sigurður í Hattkadal við mig „Gleymdu
ekki að geta þess, að Geysir muni gjósa."
Megi sléttan milli Apavatns og Laugar-
vatns glóa þessa daga af dögg, drengilegra
átaka æskulýðs þjóðar okkar. Umfram
allt leysist úr læðingi hitans máttur iands
okkar og ungra hjartna, starfsástar og
íþróttar, sannrar ættjarðarástar, að frelsi
okkar eflisr og farsæld í hvívetna.
Guð blessi mót okkar og helgi það.
12. landsmót U.M.F.Í er sett.
íslandi allt.
SKINFAXI
23