Skinfaxi - 01.06.1971, Blaðsíða 21

ara á sínum vegum, Þorstein Kristjáns-
son, og hefur hann farið víða og kennt á
glímunámskeiðum með góðum árangri.
Hins vegar skortir tilfinnanlega þjálfara
víða um land, ekki sízt vegna þess, að
almennir íþróttakennarar leggja yfirleitt
enga áherzlu á glímukennslu.
— Fer giímuáhugi vaxandi?
— Það eru dálitlar sveiflur í þessu
eins og öðrum íþróttum, og núna er tæp-
lega eins mikill áhugi og var fyrir tveim-
ur til þremur árum. Ymislegt sækir þó
stöðugt fram á við. Glímulag hefur stór-
batnað þegar á heildina er litið. Það er
líka ánægjulegt, að glíman hefur á síð-
ustu árum hafið nýtt landnám í lands-
hlutum, þar sem hún hafði lengi legið
nær gjörsamlega niðri. Á Austurlandi eru
margir ungir og efnilegir glímumenn, og
er það fyrst og fremst að þakka Aðal-
steini Eiríkssyni á Reyðarfirði, sem hefur
þjálfað glímumenn og byggt upp starfið
af miklum dugnaði þar eystra. í Þing-
eyjarsýslu eru líka komnir upp mjög góð-
ir glímumenn, aðallega í Mývatnssveit og
í Reykjadal, og er þar Haraldur Jónsson,
Jaðri, aðaldriffjöðrin.
— Hvaða verkefni • eru helzt fram
undan?
— Ég álít að biýnasta verkefnið sé að
gera íþróttalega úttekt á glímunni sem
íþrótt. Lífeðlisfræðilegar og þjálfunar-
fræðilegar rannsóknir eru undirstaða
framfaranna í hinum alþjóðlegu íþrótta-
greinum, en glíman hefur orðið afskipt
að þessu leyti. Okkur vantar slíka rann-
sókn, og á niðurstöðunni verður að
byggja beinlínis vísindalega þjálfun eins
og í mörgum öðrum íþróttagreinum.
Vejle-mótib 1970
Árið 1961 fóru sigurvegarar Lands-
mótsins að Laugum til Vejle í Danmörku.
íslendingar sigruðu þar ungmennafélaga
frá hinum Norðurlöndunum í frjáls-
íþróttakeppni. 40—60 keppendur voru í
hverri grein. íslendingar áttu keppendur
í úrslitum í nær öllum greinum á Vejle-
íþróttaleikvangi. Margir hlutu verðlauna-
sæti og sigra. íslendingar sigruðu í karla-
keppni og konurnar urðu í öðru sæti. í
samanlagðri stigakeppni sigruðu íslend-
ingar.
Glímusýning þriggja fslendinga, Ár-
manns Lárussonar, Þóris Sigurðssonar og
Garðars Erlendssonar fór fram í hátíðar-
dagskrá að kvöldi eins mótsdagsins. Sér-
staka athygli vakti glíma þeirra Þóris og
Ármanns. 20—30 þúsund áhorfendur
horfðu á úrslitakeppnina og hátíðardag-
skrána og meðal þeirra var Friðrik 9.
Danakonungur. íslenzki hópurinn heim-
sótti Sönderborg, þar sem Jón Þorsteins-
son íþróttakennari starfar, og skoðaði hin
glæsilegu íþróttamannvirki íþróttaskólans
þar. í Kaupmannahöfn var keppt á einu
stónnóti á heimleiðinni. Fararstjórar voru
þeir Stefán Ól. Jónsson, Sigurður Helga-
son, Þórir Þorgeirsson og Skúli Þorsteins-
son, og eiga þeir þakkir skildar fyrir
ágæta fararstjórn.
Ólafur Unnsteinsson.
SKINFAXI
21