Skinfaxi - 01.06.1971, Blaðsíða 35

U S Ú - íþróttaf ólk
Frjálsíþróttafólk í Austur-Skaftafells-
sýslu hefur tekið miklum framförum að
undanförnu, og ber þar hæst nafn Hall-
dóru Ingólfsdóttur, sem var efst á afreka-
skrá landsins í kúluvarpi kvenna 1970.
Guðmundur Jóhannesson, hinn kunni
stangarstökkvari frá HSH er þjálfari hjá
Ungmennasambandinu Ulfljóti í A-Skaft.
Þrír úr hópi USÚ kepptu á 17. júní-mót-
inu í Reykjavík í ár með ágætum árangri.
Þau sjást á myndinni að ofan, talið frá
vinstri: Skarphéðinn Larsen (3. í stangar-
stökki, 3,50 m.), Guðrún Ingólfsdóttir (2.
í kúluvarpi, 8,99 og 4. í kringlukasti),
Guðmundur Jóhannesson og Halldóra
Ingólfsdóttir (sigraði í kúluvarpi, 9,88 og
varð 3. í kringlukasti.)
(Ljósm. Sig. Geirdal.)
KENNSLA í
STARFSÍ ÞRÓTTUM
Bryndís
Steinþórsdóttir
Bryndís Steinþórsdóttir húsmæðra-
kennari hefur ferðast víða um landið i
vor og leiðbeint stúlkum í starfsíþróttum
á vegum UMFÍ. Bryndís hefur heimsótt
eftirtalin sambönd: UMSB, USAH,
UMSS, UMSE, HSÞ, UNÞ, USÚ, HSK
og UMSK. Hefur hún dvalið 2—3 daga
á hverjum stað eftir því, hversu þátttak-
endur hafa verið margir. Undirbúningur
aðila heimafyrir hefur víðast hvar verið
góður og áhugi ágætur. Þess er að vænta
að þátttaka í starfsíþróttum kvenna á
landsmótinu verði með mesta móti, og
Ijóst er að fleiri aðilar en áður senda
þátttakendur í þessar greinar.
Bryndís ferðaðist einnig um og leið-
beindi fyrir landsmótið 1968, og hún hef-
ur verið dómari á tveim síðustu lands-
mótum.
í stuttu viðtali við Skinfaxa sagðist
Bryndís vera ánægð með þann áhuga,
sem væri á starfsíþróttunum. Sérstaklega
kvað hún athyglisvert framtak Borgfirð-
inga, sem hafa tekið starfsíþróttirnar á
dagskrá í skólastarfinu í héraðinu.
SKINFAXI
35