Skinfaxi - 01.02.1990, Page 34

V kiaþáttur Skinfaxa
Á mig hefur Ijúfein leitað
og leitt í mikla krísu.
Ekki gat ég Unu neitað
um að gera vísu.
Nokkur ár eru síðan Ásgrímur Gíslason
sá um vísnaþátt í Skinfaxa, en að
tilmælum nýs ritstjóra Skinfaxa Unu
Maríu Oskarsdóttur mun ég sjá um
slíkan þátt um nokkurt skeið.
Ég beini því til lesenda blaðsins að
senda okkur vísur, sömuleiðis fyrri-
parta og að sjálfsögðu að botna þá
fyrripartasembirtastíblaðinu. Gaman
væri að fá vísur frá þingum
héraðssambandanna, en eitthvað mun
vera ort þar enn.
Á síðasta þingi UMFI flugu nokkrar
vísur og eru nokkrar þeirra- birtar í
þinggerð. Fulltrúar þingsins gistu í
Varmárskóla í Mosfellsbæ og vegna
umræðna um atburði næturinnar orti
Einar Ole Pedersen, þáverandi
formaður UMSB:
Eftir Ijúfast nætur líf
loksins komu Eyfirðingar.
Feitir karlar fógur víf
og fatir lágu Sunnlendingar.
Pálmi Gíslason orti er sagt var frá því
að Einar Ole hefði sofið milli Sigur-
laugar Hermannsdóttur formanns
USAH og Dóru Gunnarsdóttur
stjórnarmanns UMFI:
I skólanum afljúfri list
í leiki marga fóru.
Mikið Ole magnaðist
milli Sillu og Dóru.
Ingimundur Ingimundarson ljóðaði til
Þóris Haraldssonar er sent hafði
Ingimundi vísu.
Flytja drengir lítil Ijóð
lítt þó rímið noti.
Þeir kunna best að fleka fljóð
og fúska að alls kyns poti.
Ég sendi nokkrum hagyrðingum úr
hreyfingunni fyrriparta:
Jóhannes Sigmundsson fékk nýlega
verðlaun fyrir að hafa stundað íþróttir
í fjörutíu ár.
Gamlar kempur oft víst eiga
ýmsa góða spretti.
Ásgrími Gíslasyni sendi ég:
Ertu dauður eða hvað
eða snauður getu þá.
Sigurði Geirdal fyrrverandi fram-
kvæmdastjóra UMFÍ sendi ég:
í Grímsey hann fæddist og flæktist víða
nú farinn er loks í pólitík.
Pálmi Gíslason fær:
Húnvetningar halda víst
sig hölda á miklu setri.
Og einn til Ingimundar Ingimundar-
sonar framkvæmdastjóra UMSB:
I Borgarfirði býr hann nú
bæði skýr og slunginn.
Svo eru hér nokkrir í lokinn, sem hver
og einn ætti að ráða við og auðvitað má
senda okkur botna við þá fyrriparta
sem sendir eru til ákveðinna manna.
Landsmótin okkar þau lokka hvern
mann
já lifandis ósköp er gaman.
Bæjarstjórnir búast nú til
að berjast um líf sitt og heiður.
Hefur hann ekki gert það gott
hann Gorbi austan tjaldsins.
Með von um góða þátttöku og með bestu
kveðjum.
Sigurður Gíslason.
Blakaðá
milli
snjóskafla
Fréttir frá UNÞ
Þó ýmsir haldi að dauft sé yfir
dreifbýlinu á veturna þá er það mikill
misskilningur. Þrátt fyrir oft erfiðar
aðstæður er gert gott úr því sem til er,
því maðurinn er mannsins gaman.
Þar sem í sýslunni eru engir fram-
haldsskólar byggist félagslífið aðallega
á börnum á grunnskólaaldri óg ungu
fólki á öllum aldri. Blakið hefur löngum
átt mikil ítök í Norður - Þingeyingum
og hefur það jafnan fylgt þeim út fyrir
sýslumörk. Það hefur nú, sem endra-
nær verið stundað af krafti með stífum
æfingum og námskeiðum. Lið úr sýsl-
unni taka þátt í ýmsum mótum utan
héraðs við ágætan orðstír.
Öldungarnir í frj álsum íþróttum hafa
sýnt mikinn áhuga og tekið þátt í MÍÖ
innan- og utanhúss, með mjög góðum
árangri. Briddsspilararnir komu
saman eftir haustannimar til að stunda
sína íþrótt. Víða er spilað vikulega á
mörgum borðum, en einnigspila menn
í heimahúsum þegar tækifæri gefast.
Þá hafa verið haldin spilakvöld,
skemmtikvöld og dansleikir á vegum
ungmennafélaganna.
Síðast en ekki síst er mikið félagslíf
í gangi í nafni leikklúbba og skóla.
Þrjú leikverk hafa verið sett á svið í
sýslunni, spilað hefur verið blak,
borðtennis, tefld skák og fleira.
Af þessu má sjá að við Norður -
Þingeyingar höfum í hin ýmsu horn að
líta og látum okkur ekki leiðast á milli
snjóskaflanna.
Ný félagsaðstaða á
Raufarhöfn
Ungmennafélagið Austri á Raufar-
höfn hefur komið sér upp góðum sal til
fundahalda og annarrar félags-
starfsemi. Þessi aðstaða, sem nefnd
var Byrgið, var opnuð nú í vetur með
mikilli veislu, þar sem á boðstólum var
m. a. stór og mikil terta. Möguleikar
fyrir ýmiskonar félagsstarfsemi
innanhúss hafa stóraukist með tilkomu
þessa húsnæðis og hyggj a Austramenn
sér gott til glóðarinnar í framtíðinni.
Huld Aðalbjarnardóttir
34
SKINFAXI