Skinfaxi - 01.05.1994, Blaðsíða 26

Þjóðlagasöngur
og útreiðar
Jennifer Rose Ramsay heitir hún,
unga bandaríska stúlkan, sem kom
hingað til lands á dögunum á vegum
UMFÍ.
Hún kom frá Danmörku, þar sem
hún hafði dvalið um skeið og flutt þar-
lendum tónlist sína. Hún er nefnilega
vel þekkt þjóðlagasöngkona og hefur
ferðast víða með gítarinn sinn og hald-
ið tónleika.
Að þessu sinni ferðaðist hún á veg-
um dönsku ungmennafélaganna og hélt
20 tónleika á fimm vikum. Hér á landi
dvaldi hún í nokkra daga með aðsetur í
ranni Olínu Sveins. í Kópavoginum.
Jennifer gafst meðal annars kostur á
að fara í fylgd góðra manna á leiksýn-
ingu Umf. Reykdæla í Reykholti. Þar
var verið að sýna söngleikritið
„Draumóra“ sem gert er við lög
Magnúsar Kjartanssonar.
Að sýningu lokinni var Þorvaldi
Jónssyni, höfundi og leikstjóra
„Draumóra“ veitt starfsmerki UMFI
fyrir mikið og gott starf að félagsmál-
um í þágu ungmennafélagshreyfingar-
innar.
I þessari umræddu heimsókn tók
Jennifer Rose lagið við góðar undir-
tektir viðstaddra.
Meðfylgjandi mynd var tekin af
Jennifer Rose þegar hún var að leggja
af stað í stuttan útreiðatúr í Kópavogi.
Allt þetta hefur vafalaust átt sinn þátt í
því að hún er staðráðin í að koma hing-
að aftur eins fljótt og hún getur, að því
er hún segir í bréfi sem barst á skrif-
stofu UMFÍ frá henni, þar sem hún
þakkar fyrir ógleymanlega dvöl.
Jennifer Rose á þeim jarpa í Kópavog-
inwn.
Vill eignast
pennavin
Finnsk stúlka í 4H-samtökunum
vill gjarnan eignast pennavini á Is-
landi. Hún er 17 ára og er í mennta-
skóla. Hún leikur á píanó, en auk
þess eru áhugamál hennar dans og
handavinna. Hún skrifar á ensku.
Nafn og heimilisfang er eftirfar-
andi:
Tanja Vaananen
ppA 1 Juopuli 91
300 Ylikiimink, Finland
Skinfaxi
Ert þú áskrifandi?
Það getur þú gerst í síma
91-682929
Vísnaþáttur
Ekki þarf að kvarta yfir ágengni
vísnavina um þessar mundir. Um-
sjónarmaður þáttarins telur litla á-
stæðu til að honum verði haldið á-
fram í núverandi formi, ef hlutur les-
enda eykst ekki til muna.
Óskar Agústsson fyrrverandi for-
maður HSÞ hefur sótt mörg landsmót
og þekkir vel stemninguna sem skap-
ast þar.
Hann segir:
Að Laugarvatni létt og hress
látum sönginn óma.
Þar ýmsir kyrja öll sín vers
okkar þjóð til sóma.
Ólína Gísladóttir í Borgarnesi er í
svipuðum hugleiðingum:
Að Laugarvatni létt og hress
við látum sönginn óma.
Ætla ég að óska þess
að hann megi hljóma.
Og hún bætir við:
Hljóma hátt um völl og veg
vera okkur til sóma.
Æska vor er yndisleg
í ævintýraljóma!
Að þessu sinni verður enginn
fyrripartur heldur eru lesendur blaðs-
ins beðnir að senda inn vísur sem
verða til á landsmótinu á Laugarvatni
eða í tengslum við landsmótið. Munu
þær birtast í blaðinu sem greinir frá
úrslitum 21. landsmóts UMFI.
Ingimundur
26
Skinfaxi