Skinfaxi - 01.12.2002, Side 10

Jóhann G. Jóhannsson
'Ég geri mér þær vonir að á tima stuðli átakið að hugarfarsbreytingu landsmanna til
reykinga með þeim hætti til dæmis að krökkunum þyki „kúl" að reykja ekki. Að allt
upplýst fólk sjái í hendi sér að reykingar eiga að heyra liðinni tið’ - Jóhann
komst ég að því að skynsamlegra væri að
reyna að virkja bæjar- og sveitarfélögin
fyrst og að þau myndu svo virkja fyrirtæki
og stofnanir í byggðarlaginu þar á meðal
banka og sparisjóði til samstarfs um
verkefnið. Þetta gekk eftir í Reykjanesbæ
en Sparisjóðurinn í Keflavík er aðal bak-
hjarl átaksins þar. Mér fannst skynsamlegt
að þróa i samvinnu við Reykjanesbæ
einskonar módel að samstarfi við bæjar-
og sveitarfélög sem síðar yrði kynnt við-
komandi. Það má því segja að Reykjanes-
bær hafi notið ákveðins forskots hvað átak-
ið varðar, kannski ekki óeðlilegt þar sem
ég er að sunnan, en það skHar sér svo til
annarra bæjar- og sveitarfélaga í markviss-
ari útfærslu og aðgengilegri hugmynd.
Reykjavíkurborg hefur nú gengið frá aðild
og bind ég miklar vonir við að í samstarfi
við TJMFÍ geti átakið í höfuðborginni orðið
árangursríkt auk þess að þátttaka Reykja-
víkurborgar ætti að vera öðrum byggðar-
lögum hvatning til þátttöku. Þá er ég
sérstaklega ánægður með að Vestmanna-
eyjabær ákvað aðild fyrir stuttu því ég veit
að þar verður gengið í málið af krafti eins
og Eyjamönnum er einum lagið. Sem
dæmi um framlag til átaksins má geta þess
að Reykjanesbær leggur til eina milljón
sem að stórum hluta er framlag fyrirtækja
og stofnana í byggðarlaginu. Á móti fær
svo Reykjanesbær m.a. 1200 eintök af
geislaplötunni HÆTTUM AÐ REYKJA! sem
grunnskólarnir fá að gjöf til fjáröflunar en
eintakið verður selt á kr. 1000. Bæjar- og
sveitarfélög geta valið um aðildarsam-
komulag frá krónum 50.000, 100.000 og
250.000 eða meir (má greiða á nýju ári) og
fá þá rúmlega jafnvirði þess til baka í formi
geislaplötunnar o.fl. Þau bæjar- og sveitar-
félög sem ekki gerast aðilar að átakinu
fyrir áramót geta gert það eftir áramót."
Eftir áramót er stefnt á að brydda upp
á ýmsum skemmtilegum verkefnum í
tengslum við átakið. Hver eru þau
helstu? ,,Þá verður haldið áfram að virkja
bæjar- og sveitarfélög, ásamt fyrirtækjum
og stofnunum til þátttöku og samstarfs,
ákveðið starf í skólum og viðar hefst á
vegum UMFÍ. Unnið verður að því að gera
Reyklausan dag sem haldinn verður í maí
að spennandi og skemmtilegum degi.
Ýmsar hugmyndir eru uppi á borðinu sem
þarf að skoða nánar svo sem hugmyndir
varðandi samkeppni milli skóla um besta
flutning á einhverju laganna á geislaplöt-
unni HÆTTUM AÐ REYKJA!, best gerða
antireykingaauglýsingin, jafnvel samkeppni
um nýtt reykingalag o.s.frv. Dregið verður í
getraunasamkeppni sem kynnt verður
betur eftir áramótin og verða spennandi
vinningar í boði. Þannig að af nógu er af að
taka."
Hvaða væntingar gerir þú til verkefn-
isins? ,,Ég geri mér þær vonir að á tíma
stuðli átakið að hugarfarsbreytingu lands-
manna til reykinga með þeim hætti til
dæmis að krökkunum þyki ,,kúl" að reykja
ekká. Að allt upplýst fólk sjái í hendi sér að
reykingar eiga að heyra liðinni tíð - ekki
síst í ljósi staðreynda varðandi skaðsemi
þeirra. Verði þetta þróunin ættu upphæðir
sem þjóðin eyðir í sígarettukaup að fara
stiglækkandi."
En hvað með tónlistar- og myndlistar-
manninn Jóhann G. Jóhannsson. Er
hann að semja einhver lög eða mála
þessa stundina? „Nánast ekki neitt á
þessu ári. Ég fór í sumarbústað í vikutíma
síðastliðið vor og þá duttu nokkur lög og
textar niður. Og ég hef lítið sem ekkert
málað á árinu. Frá því í vor hef ég
algjörlega einbeitt mér að þvi að koma
hvatningarátakinu á ílot,"
Engin ný plata á leiðinni? ,,Ég er búinn
að ganga nokkuð lengi með hugmynd að
geislaplötu í kollmum þar sem mig dreymir
um að ýmsir listamenn flytji áður óútgefin
lög og texta(á móðurmálinu) eftir mig. En
ég veit ekki hvað verður. Við Jón Ólafsson,
tónlistarmaður, höfum aðeins verið að gæla
við þessa hugmynd. Við gáfum út geisla-
plötuna Asking for love 1997 með lögum
og textum sem Jón valdi úr demósafni
mínu. Hann sá um vinnslu tónlistarinnar og
fékk ýmsa frábæra flytjendur til þátttöku.
Ég var mjög ánægður með útkomuna og
samstarfið við Jón og væri meir en til í
annað ævintýri. Mér finnst nefirilega fátt
skemmtilegra en a vinna að tónlist í
hljóðveri," segir þessi mikli tónlistar- og
hugsjónamaður að lokum,