Skinfaxi - 01.12.2002, Page 12

Kristín Ágústsdóttir situr í umhverfisnefnd UMFÍ
Öflugt starf í öflugri nefnd
Umhverfisnefnd Ungmennafélags íslands hefur verið ákaflega öflug frá því hún tók til starfa snemma
á þessu ári. Mikið hefur verið gert og mikið er framundan. Skinfaxi hafði samband við Kristínu
Ágústsdóttur sem á sæti í nefndinni og ræddi við hana um nefndina og umhverfismál.
Texti: Skapti Örn Jónsson
Ef þú segir mér aðeins frá sjálfri þér, störfum þínum innan
UMFÍ núna og í gegnum tíðina. ,,Ég er borin og barnfæddur
Norðfirðingur og hef lengst af átt heima í Neskaupstað, fyrir utan
háskólaárin í Reykajvík og nokkur tímabil þar sem ég lagðist í
ferðalög um heiminn," sagði Kristín sem er tveggja barna móðir,
eiginkona, landfræðingur sem starfar hjá Náttúrustofu Austurlands,
„Eins og aðrir norðfirðingar var ég á árum áður í blaki með
meistaraflokki Þróttar, Ég hef afskaplega lítið starfað innan UMFÍ
fram að þessu, fyrir utan kannski tímatöku í sundkeppnum hér á
árum áður," sagði Kristín.
Hvert er starf Umhverfisnefndarinnar? „Starfið felst fyrst og
fremst í því að sinna því hlutverki umhverfisnefndar UMFÍ að
endurskoða umhverfisstefnu UMFÍ, vinnan að umhverfisverkefhum
og umhverfisbótum hvers konar í starfi UMFÍ og fræða almenning
um umhverfi sitt," sagði Kristín.
Ef þú segir mér í fáum orðum hver umhverfisstefna UMFÍ
er? „Að gera fólk meðvitað um áhrif sín á umhverfi sitt og vekja
með því áhuga á að ganga um landið og umhverfið með virðingu,"
sagði hún.