Skinfaxi - 01.05.2008, Page 15

FLOTT ÁN FÍKNAR
Hópur ungmenna kom saman að
Laugum í Reykjadal helgina 29.-30.
mars sl. þar sem þau skemmtu sér á
fjölbreyttan hátt. Það var Ungmenna-
félag íslands í samvinnu við Flott
án fíknar sem hafði veg og vanda af
þessari helgi með nemendunum fyrir
norðan.
Farið var í ýmsa leiki í íþróttahúsinu,
eldað og spilað. Ungmennin komu frá
sex framhaldsskólum víðs vegar að en
flestir af Norðurlandi. Hópurinn náði
vel saman og mættu allir með því hug-
arfari að kynnast hvert öðru og hafa
gaman. Gist var í gamla húsmæðraskól-
anum en einstaklega góð aðstaða er á
Laugum með góðu íþróttahúsi og nýrri
sundlaug.
Fararstjórar voru Guðrún Snorradótt-
ir, landsfulltrúi UMFÍ, og Jörgen Nils-
son, leiðbeinandi við Ungmenna- og
tómstundabúðirnar að Laugum í Sæl-
ingsdal. Þátttakendur sýndu mikinn
áhuga á því að fjölga mótum sem gefa
ungu fólki kost á að koma saman og
skemmta sér án áfengis.
Markmið UMFÍ með þessu starfí er
að fá fólk til að virða áfengis- og tóbaks-
varnalögin og sýna fram á hversu auðvelt
er að skemmta sér á heilbrigðan hátt.
UMFÍ og Flott án fíknar stóðu fyrir
ferð að Laugum í Reykjadal
Verkefnið kynnt nemendum á Þórshöfn
Grunnskólanemendur á Þórshöfn voru í
janúar sl. upplýstir um starfsemi verkefn-
isins Flott án fíknar. Guðrún Snorra-
dóttir, verkefnisstjóri, fór yfir verkefnið
með nemendunum sem voru mjög
áhugasamir og spurðu margra spurn-
inga. Krakkarnir lýstu einnig yfir áhuga
sínum á að mæta á Unglingalandsmót
sem eins og flestir vita eru haldin ár
hvert um verslunarmannahelgina.
Krökkunum voru einnig kynnt ýmis
önnur verkefni sem UMFÍ stendur fyrir
og má meðal þeirra nefna íþróttalýð-
háskólana í Danmörku og starfsemi NSU.
Krakkarnir fóru að lokum í ýmsa leiki
og virtust skemmta sér hið besta. Þá
hitti Guðrún unglingana í félagsmið-
stöðinni Svartholinu.
SKINFAXI - tímarit Ungmennafélags (slands 15