Skinfaxi - 01.05.2008, Síða 21

Nú eru fyrirliggjandi útfærðar hug-
myndir um stækkun hafnarinnar til
norðurs. Breytingarnar miða að því að
minnka óróleika í höfninni og gera ráð
fyrir því að byggð verði ný bryggja og
varnargarður austan við Svartaskers-
bryggju. Norðurgarðurinn leggst af og
fiskihöfnin verður flutt yfir í nýja hlut-
ann. Gert er ráð fyrir smábátahöfn inn
af fiskihöfninni og byggður verður nýr
viðlegukantur fyrir loðnuskipin milli
Skarfaskersbryggju og Norðurgarðs.
Gert er ráð fyrir að flutningahöfnin verði
við Svartaskersbryggju og Skarfaskers-
bryggju og að Vestmannaeyjaferjan Herj-
ólfur verði áfram þar sem hún er nú.
Það er framtíðarverkefni að byggja
upp höfnina í Þorlákshöfn þannig að
hún geti þjónað stærra hlutverki. Hún
er eina höfnin á stóru svæði og mjög
mikilvæg fyrir byggðirnar á Suðurlandi.
Stækkunarmöguleikar eru fyrir hendi
því að landrými er nægilegt og með end-
urbótum skapast möguleikar á vöru-
flutningum milli landa, m.a. í tengslum
við fyrirhugað iðnaðarsvæði í nágrenni
hafnarinnar, ferju- og farþegasiglingum
og öflugri smábátaútgerð.
Fyrir austan fjall
Milli Reykjavíkur og Ölfussins er Hellis-
heiði og um hana hefur frá fornu fari
verið helsta þjóðleið landsins. Þegar
farið er frá Reykjavík til byggðanna á
Suðurlandi er talað um að fara austur
fyrir fjall. Þessi fjallvegur var í gegnum
aldirnar mikill farartálmi og á honum
má skoða sögu samgangna á íslandi, en
þar er allt frá fornri varðaðri göngu- og
reiðleið til malbikaðs bílvegar. I austur-
hlíð fjallsins sér votta fyrir Qórum vegar-
stæðum og er það elsta fyrsti uppbyggði
og kerrufæri vegurinn, en vegna þess
hve erfitt landslag er á íslandi til vega-
gerðar notuðu íslendingar hjólið sára-
lítið fyrr en á seinni hluta 19. aldar, en
reiddu allar vörur á hestum eða báru á
sjálfum sér. Margar sögur eru til um fólk
sem lenti í hrakningum á heiðinni, í þoku
eða byl, og bjargaðist við illan leik eða
alls ekki. Yfir þvera Hellisheiði liggur
mikil gígaröð og hafa mörg hraun runn-
ið úr henni, það elsta rúmlega 10.000 ára
gamalt, frá lokum ísaldar, en það yngsta
er um 1000 ára gamalt. Hengillinn er
megineldstöð og svæðið kringum hann
stærsta jarðhitasvæði landsins, urn 100
ferkílómetrar. Áður fyrr bjuggu tröll og
útilegumenn í Henglinum en þau hafa
nú vikið fyrir hátækninni því þar er
nú unnið að gerð orkuvers til að nýta
gufuaflið.
Innan seilingar
Með tilkomu góðra bílvega um Þrengsli
og yfir Hellisheiði tekur það einungis
rúman hálftíma að aka frá Reykjavík til
Þorlákshafnar. Því hefur það færst í vöxt
að fólk búi þar en vinni í Reykjavík.
Sveitarfélagið Ölfus markaðssetur nú
þennan möguleika til búsetu undir slag-
orðinu Ölfus - innan seilingar. Boðið er
upp á stórar lóðir fyrir íbúa sem kjósa
að búa í sveit í bæ en sveitarfélagið hefur
yfir miklu landi að ráða. Atvinnutæki-
færi eru íjölbreytt, þjónustustig hátt og
umhverfi og útivistarsvæði til fyrir-
myndar. Þá eru menningarmiðstöð, söfn
og kaffi- og veitingahús í Þorlákshöfn
og fjölbreytt afþreying fyrir íbúana, s.s.
íþróttahús, sundlaug og 18 holu golfvöll-
ur. Merktar gönguleiðir eru víða og
stefnt er að því að leggja aðgengilega
reið-, göngu- og hjólastíga um allt sveit-
arfélagið til að koma á móts við útivistar-
fólk. Eitt af framtíðarverkefnum sveitar-
félagsins er að stuðla að uppbyggingu
háhraðasambands um sveitarfélagið og
skapa grundvöll fyrir starfrækslu skrif-
stofuhótels til að koma til móts við þarf-
ir íbúa svæðisins sem starfa t.d. á höfuð-
borgarsvæðinu, en vilja vinna 2-3 daga
í viku í heimabyggð, sem fyrr sagði.
Sveitarfélagið Ölfus er nútímasveitar-
félag með hátæknivæddum fiskiðnaði,
landbúnaði, iðnaði og orkuvinnslu, sem
fyrr sagði, en það vill gefa íbúum sínum
kost á að búa i návígi við náttúruna og
þau einföldu gildi sem þar tíðkast. Það
er líklegt að margir borgarbúar, sem vilja
losna við þrengsli og streitu borgarlífs-
ins, þiggi boðið.
11.UNGLINGA
LANDSMÓT
UMFÍ
WmV.uÁMíM
SKINFAXI - tímarit Ungmennafélags fslands 21