Skinfaxi - 01.11.2008, Blaðsíða 19

Flott án fíknar:
Flott án fíknar
í Foldaskóla
í Foldaskóla í Grafarvogi er rekinn
mjög öflugur Flott án fíknar klúbbur en,
Guðrún Özurardóttir, nemandi í 9. bekk
skólans, er í forsvari fyrir klúbbinn.
Guðrún segir 90 nemendur af 130 í
unglingadeild séu skráðir í klúbbinn og
hún segist viss um að fleiri eigi eftir að
skrá sig.
„Ég sjálf skráði mig í klúbbinn um leið
og ég fór upp í unglingadeildina. Það
er vakning fyrir þessu starfi í skólanum
og öllum finnst þetta svakalega gaman.
Við erum öðru hverju að gera eitthvað
skemmtilegt saman, eins og að horfa
saman á bíómynd, fara í klifurhúsið og
í eitt skiptið héldum við sundlaugar-
partý," sagði Guðrún. Flún sagði að
unglingar í dag hugsuðu mikið um
að halda sig fjarri öllum fíkniefnum.
„í kringum mig eru sárafáir í ein-
hverju rugli. Langflestir lifa heilbrigðu
lífi, eru í íþróttum eða verja frítíma
sínum á skynsamlegan hátt. Við ætl-
um að halda áfram að hittast í klúbbn-
um hér í Foldaskóla og stefnum að
því að eiga skemmtilega tíma saman.
Flott án fíknar er lofsvert framtak sem
hvetur krakka til að vera saman og
eiga gott félagslíf," sagði Guðrún
Özurardóttir í samtali við Skinfaxa.
SKINFAXI - tímarit Ungmennafélags íslands 19