Sjómannablaðið Víkingur - 01.10.1940, Blaðsíða 26
un Sjómannadags og þátttöku í hátíðahöldum
hans. Ennfremur hefir myndast fast samstarf
um áhættuþóknun á áhættusvæðum vegna
stríðsins og slysatryggingar, sem nú eru lög-
bundnar. Fleiri mál, sem lúta að siglingum
hefir verið samstarf um.
Barátta Sjómannafélagsins fyrir bættum
kjörum stéttar sinnar hefir borið all-verulegan
árangur, svo sem: Hvíldartímalögin. Hafnar-
frí á togurum. Vökuskipti við losun síldar á
sömu skipum. Sumarfrí. Aukið öryggi á sjón-
um með loftskeyta- og talstöðvum. Fullkomn-
ara eftirlit með öryggi skipa og endurbætta
löggjöf um þau efni. Aukningu á vitakerfi
landsins hefir félagið alla tíð barist fyrir.
Á minni skipum hefir verið hækkaður hlut-
ur háseta úr heildarafla. Kauptryggingu
komið á o. m. fl.
Félagið hefir barist fyrir allskonar trygging-
um í samvinnu við verkalýðinn í landinu og
unnið allmikinn sigur í þeim málum. Núgild-
andi Sjómannalög og lög um atvinnu við sigl-
ingar hefir félagið átt mikinn þátt í að skapa.
Samtök sjómanna hafa í gegnum árin reynst
sterk á íslenzkan mælikvarða.
Félagið hefir ávalt staðið heilt og ósundrað,
þótt deilurnar við atvinnurekendur hafi verið
harðar og langar, sumar hverjar, og nú er svo
komið, eftir 25 ára baráttu að félagið nýtur
fullkominnar viðurkenningar í augum atvinnu-
rekenda og virðingar í augum borgaranna.
Fjárhagur félagsins er góður. Eignir þess
námu við síðustu áramót nærri 190.000 króna,
þar af í vinnudeilusjóði nær því 140.000 krón-
ur. Fjelagsgjöldin hafa aldrei verið yfir 16
krónur á ári, en stjórnin á fjármálunum hefir
verið mjög góð. Meðlimatala er nú um 1100
af skuldlausum meðlimum.
Slysa- og styrktarsjóð á félagið í sameiningu
með öðrum verkalýðsfélögum innan Alþýðu-
sambands íslands, hér í bænum. Sjóðurinn var
um síðustu áramót nær 137.000 krónur. Úr
þessum sjóði eru árlega veittar 5000 krónur í
styrki. Um margt fleira mætti skrifa en rúms-
ins vegna skal staðar numið.
Að síðustu: Sjómannastéttin hér í bænum
hefir háð giftudrjúga baráttu fyrir bættum
lífskjörum. Margt er óunnið enn. Það hlýtur
því að verða hlutverk félagsins á næstu 25 ár-
um, að byggja ofan á það, sem komið er. —
Skapa menningu og efnahagslega vellíðan
sjómannastéttarinnar, svo það verði stolt hvers
félagsmanns, að bera nafnið
Sjómaður.
Daglegur viðburður
á hafinu, frh. af bls 7
og einn gert sér það í hugarlund hve áhrifa-
mikið slíkt augnablik er og þeir bezt, sem
einhverntíma hafa reynt slíkt.
Ekki vannst tími til að senda út neyðar-
merki, svo var sprengingin fljótvirk. Loft-
skeytamaðurinn var finnskur. Var þetta fyrsti
túrinn hans á þessu skipi. Hafði hann verið
x
áður á finnsku skipi sem skotið hafði verið
í kaf.
Tilraun var gerð til að koma mönnunum
yfir í tundurspillir, en það bar ekki ár-
angur. Var því farið með þá til Reykjavíkur,
enda var það ekki þeim á móti skapi. Gekk
ferðin heim að óskum. — Komum við til
Reykjavíkur aðfaranótt hins 19. ágúst. Eftir
að hinir borðalögðu höfðu gengið úr skugga
um að allt væri lögum samkvæmt og Bret-
inn sannfærst um að hér væru engir óvinir á
ferð, fengum við að sigla inn í höfnina.
Þetta litla greinarkorn er aðeins ofurlítil
lýsing á þeim hroðalegu atburðum, sem dag-
lega berast til okkar á öldum ljósvakans um
þær hörmungar, sem hið villimannlega stríð
ber í skauti sínu.
VÍKINGUE
26