Sjómannablaðið Víkingur - 01.05.1954, Blaðsíða 23

1/4. Rússar segjast vilja iiingöngu
í Atlanshafsbandalagið. — Frakkland
er mesta ferðamannaland heims
Tekjur af ferðamönnum í fyrra
námu 122 milljörðum franka.
•
2/4. Eden vísar orðsendingu Rússa
um aðild að Atlantshafsbandalaginu
á bug.
•
3/4. 100 þús. ára mammútakjöt
snætt í veizlu landkönnuða í New
York Einnig fágætur matur frá
heimskautslöndum, maurar frá Kon-
gó og nöðrukjöt. — Japan gerist
aðili að Alþjóðadómstólnum.
•
5/4. Marte krónprinsessa Noregs
lézt í morgun. Yerður forseti íslands
við útför hennar.
•
7/4. Brezk nefnd, sem rannsakar
vandamál togaraútgerðarinnar þar í
landi, er þeirrar skoðunar, að leggja
verði einum af hverjum fjórum tog-
urum Breta í sumar, og verður úr-
eltum togurum lagt. — Samkvæmt
danskri frétt er í ráði að koma á
fót sjónvarpi yfir Atlantshafið með
endurvarpsstöðvum á Islandi, Græn-
landi og Færeyjum. — ítalska þingið
ræðir aðild að Evrópuher.
8/4. Meirihluti alls síldarafla
Breta fer í bræðslu.
•
9/4. Japanskir fiskimenn sækja
mjög á fiskimið við Iíóreustrendur,
en nýlega víkkaði stjórn Suður-
Kóreu landhelgi sína, og beitir hún
nú fangelsisrefsingum gegn þeim,
sem brotlegir gerast.
•
11/4. Japanskir fiskimenn flýja
af miðum Kyrrahafsins vegna á-
hrifa vetnissprenginga. Geislavirk-
ur fiskur veiddist 2200 sjómílur frá
hættusvæðinu í Kyrrahafi.
14/4. Heyrst heíur að Churchill
muni biðjast lausnar í júnilok. —
Oppenheimer hefur verið látinn
hætta störfum fyrir kjarnorkuráð
USA. Hann er einn af kunnustu
sérfræðingum um kjarnorkumál.
•
21/4. Japönsku fiskimönnunum, er
urðu fyrir áhrifum vetnissprenging-
arinnar 1. marz, er ekki hugað líf.
Veslast þeir upp vegna þess að
vetnissprengjan eyðilagði merginn í
beinum þeirra.
22/4. Verkfall færeyskra sjómanna
var úrskurðað ógilt í gerðardómi í
Kaupmannahöfn. — Hollendingar
endurnýja fiskiflota sinn. Verja þeir
til þess 190 millj. kr. — Færeyingar
selja Sovétríkjunum 160 þús. tunnur
síldar. Mesti viðskiptasamningur í
sögu eyjanna. — Gróður eyðist í
Japan af völdum geislavirks regns.
— Vertíðin við Lófót brást hrapa-
lega að þessu sinni.
•
23/4. Svíar heiðra S.V.F.I. í til-
efni af björgun áhafnarinnar á
Hanön, sem strandaði við Engey
annan jóladag.
•
24/4. Sovétstjórnin slítur stjórn-
málasambandi við Ástralíu. Sendi-
ráðsskrifstofum Sovétríkjanna í Can-
berra og Ástralíu í Moskva lokað. —
Sjómennirnir færeysku telja danska
gerðardóminn ekki dómbæran. —
Hafnarverkamenn í Svíþjóð eru nú
í verkfalli og breiðist það ört út.
25/4. Sovétríkin hætta að kaupa
ull í Ástralíu.
27/4. Ákveðið hefur verið, að
rússnesk flotadeild komi í heim-
sókn til Svíþjóðar í sumar. Hefur
slík heimsókn ekki átt sér stað síðan
árið 1914.
30/4. Mjög skæð lömunarveiki hef
ur geisað í Svíþjóð í vetur. Er hún
nú nokkuð í rénun. — Miklar orust-
ur hafa að undanförnu geisað við
virkisbæinn Dien-bien-phu í Indó-
Kína. Eru Frakkar þar til varnar,
her sjálfstæðishreyfingar Viet Minh
sækir hart að setuliði þeirra.
•
5/5. Geysiharðir bardagar geysa
um virkið Dien Bien Phu í Indó-
Kina. Uppreisnarmenn halda uppi
harðri hríð að virkinu og hafa
Frakkar orðið að hörfa úr útvirkj-
um sínum. — Bendir allt til þess,
að til stjórnarkreppu komi í Frakk-
landi vegna ósigra franska hersins í
Indó-Kína.
•
8/5. Fjallvirki Frakka, Dien Bien
Phu í Indó-Kina, er fallið í hendur
uppreisnarmanna eftir 20 klst. lát-
lausa bardaga í návígi. Hafði orust-
an um virkið þá staðið í 57 daga.
12 þúsund franskir hermenn vörðust
í virkinu, og er ekki vitað um ör-
lög þeirra. — Tilkynnt var í Moskva
í dag, að fjórir rithöfundar hefðu
verið reknir úr rússneska rithöf-
undafélaginu fyrir ósiðsamleg og
þjóðhættuleg afbrot. Meðal þessara
höfunda voru A. Surov og N. Vyeta,
tveir af kunnustu leikritahöfundum
Rússa.
14/5. Eden, utanríkismálaráðherra
Breta, hefur Iagt fram tillögur í
fimm liðum um lausn Kóreu-vanda-
málsins. Leggur hann til að fram
fari kosningar samtímis bæði í Suð-
ur- og Norður-Iíóreu, og verði þær
undir alþjóðalegu eftirliti. Eftir að
slíkar kosningar hafi farið fram
og lögleg stjórn kjörin fyrir allt
landið, skuli flytja allt erlent herlið
brott úr landinu. — Mihail Bot-
vinnik varði heimsmeistaratitil sinn
í skák gegn Smyslov. Lauk einvígi
þeirra í. gær með jafntefli, hlaut
hvor skákmannanna 12 vinninga. —
Englandsbanki lækkaði í gær for-
vexti sína um '/2% niður í 3%. Er
það gert til að létta vaxtabyrðum
af útflutningsatvinnuvegunum. —
Atkvæðagreiðsla fór fram í gær í
franska þjóðþinginu um vantraust
á stjórn Laniels, vegna styrjaldar-
inar í Indó-Kína. Var vantraustið
fellt með aðeins 2 atkvæða mun,
289 atkv. gegn 287.
VIKINGUR
117