Sjómannablaðið Víkingur - 01.04.1959, Blaðsíða 22

Nvr bátur á sjó
M/s Hólmanes nýkomið í heimahöfn.
ESKFIRÐINGAR FÁ NÝTT
FISKISKIP
Stöðugt bætast ný fiskiskip í
flotann. Eitt slíkt kom til Eski-
f jarðar hinn 25. janúar og ber nafn-
ið „HÓLMANES" S.U. 120, byggt
úr stáli hjá Skaalurens Skibsbygg-
eri, Rosendal í Noregi.
Eftir fréttum að dæma hefur
skipið vakið mikla athygli á Aust-
f jörðum og þess var getið í útvarps-
þættinum „um daginn og vcglnn“
hinn 6. apríl, sem upphaf þeirrar
tegundar og stærðar fiskiskipa sem
margir hefðu nú áhuga fyrir. Eig-
andi þessa glæsilega skips er Hrað-
frystihús Eskifjarðar h.f. sem þar
með hefur ráðizt í útgerð fiskiskipa
og er ekki hægt að segja annað en
myndarlega sé af stað farið. Ekkert
hráefni hefur borizt hraðfrystihús-
inu undanfamar vertíðir svo um
annað var ekki að gera, enda vetr-
arlangt atvinnuleysi á Eskifirði.
Þessi eini bátur dugir vitanlega
skammt en nú er einnig unnið að
því að kaupa tvo aðra slíka, til við-
bótar. Nái það mál fram að ganga
er gert ráð fyrir sæmilegri atvinnu
verkafólks og góðri afkomu frys'i-
hússins.
„HÓLMANES“ er byggt undir
eftirliti og í hæsta flokki Norsk
Veritas, þó er skipið þess utan all-
mjög styrkt, m. a. fyrir siglingu
í ís. Það hefur alþjóðlegt hleðslu-
merkjaskírteini. Skipið er búið öll-
um venjulegum tækjum svo sem
talstöð, miðunarstöð, ratsjá, dýpt-
armæli með asdicútfærzlu, sjálf-
stýrisvél, 4 tonna dekkspil, 1200 kg.
línuspil og vökva-bómuvindu. Aðal-
vélin er norsk, 280 ha. Brunvoll, 4
strokka með vökva-skiptiskrúfu.
Hjálparvél er 30 ha. Buck og eru
vökvadælur við báðar vélíir. Kæli-
tæki eru í fiskilest.
Stærðir skipsins eru þessar:
Ljngsta lengd 26,21 mtr. lengd p.
lóðlínu 23,50 breidd 6,40 og dýpt
3,40 mtr. Það er 137 lestir brúttó
og 49 lestir nettó.
íbúð er fyrir 13 manna skips-
höfn í eins, tveggja og þriggja
manna klefum, sem hitaðir eru upp
með miðstöð. Rennandi heitt og kalt
vatn er um allt skip, tvö salerni,
bað, tveir þurrkklefar fyrir föt og
veiðarfærageymsla. Eklliús, borð-
stofa og kæliklefi fyrir matvæli er
í vélarreisn. Beitningarskýli er í
bakborðsgangi, upphitað frá mið-
stöð. Ber monnum saman um að
fallegt liandbragð sé á öllu um borð.
I reynsluferð fór skipið 10 sjó-
mílur, eða eins og skipasmíðastöðin
hafði gert ráð fyrir. Skáp og vélar
hafa í alla staði reynzt ágætlega.
Almenningur á Eskifirði bindur
nú miklar vonir við það að mögu-
leikar verði fyrir hendi til kaupa á
tveimur slíkum skipum í viðbót.
Takist það má gera ráð fyrir sóma-
samlegri atvinnu næsta vetur.
j Skipstjóri á Hólmanesi er Ámi
Halldórsson og 1. vélstjóri Haukur
Zophaníasson.
Verð þessa skips var aðeins 793
þús. norskar krónur, sem svarar til
um 2,8 millj ísl. króna, sem er sér-
staklega hagstætt verð. Jóhann
Klausen samdi um smíðina og hafði
umsjón með öllu þar að lútandi, fyr-
ir hönd stjórnar Hraðfrystihússins.
Kjölurinn var lagður um mánaða-
mót júlí—ágúst og skipið tilbúið
til afhendingar í byrjun janúar eða
hálfum mánuði fyrr en samningur-
inn sagði til um, sem mun nærri
einsdæmi.
„Víkingur“ óskar Eskfirðingum
til hamingju með Hólmanesið og
fleiri svo glæsilegra skipa.
•
AUGLÝSING UM FLOTVÖRPUR
I sænska fiskveiðiritinu Svenska
Vastkustfiskaren, auglýsir Iver
Christensens Traalbinderi, Mar-
strand að staðaldri þannig:
NÝ GERÐ AF FLOTVÖRPU, sem
hefur sýnt sig að hafa framúrskar-
andi fiskihæfni, og einnig að vera
sterk í byggingu, viljum við mæla
með við alla fiskimenn.
ÞJÖNUSTA: Hringið til okkar,
og við munum senda yður vörpu
til næsta afgreiðslustaðar við yður,
fyrir sanngjarnt flutningsgjald.
•
Mikil síldveiði fer nú fram I Sví-
þjóð með flotvörpu, einnig í Dan-
mörku og Norðmenn gera víðtækar
tilraunir og rannsóknir með sér-
stöku veiðiskipi til flotvörpuveiða
fyrir síld. Við Islendingar erum enn
þá aftarlega á skútunni með slíkar
tilraunir, þó að slík síldveiði gæti
farið hér fram sennilega megnið af
árinu, eftir því sem veður leyfa.
VÍKINGUR
86