Sjómannablaðið Víkingur - 01.07.1966, Blaðsíða 8

RIFSHÖFN Á SNÆFELLSNESI
Myndirnar tók Einar Magnússon, Rifi.
Gamall sjómaður á utanverðu Snæfellsnesi sendi
okkur þessar kærkomnu myndir ásamt lýsingu hafnar-
innar á Rifi.
Slík sjón sem þessi mynd að ofan ber með sér var
mjög algeng á síðastliðinni vetrarvertíð. í hinu um-
hleypingasama tíðarfari og bráðu veðrum leituðu sjó-
menn frá flestum landshlutum, sér og farkostum sín-
um skjóls og öryggis í hinni góðu höfn, landshöfninni
„Rifshöfn" á Snæfellsnesi.
Þessi mynd sem hér birtist er tekin í einni vest-
norðvestan hrinunni. Þá gátu bátar ekki verið að veið-
um, og eins og myndin ber með sér er ekki að sjá, að
ylgjan úti fyrir hafi áhrif í höfninni, svo hreyfingar-
laus liggur bátaflotinn. Að þessu sinni munu hafa ver-
ið þar milli 40—50 bátar við festar. Til vinstri á mynd-
inni sést trébryggjan og við hana liggja smærri bát-
arnir, en fjær til hægri er stálþilið, og við það liggja
stórir bátar í röð hver utan á öðrum. Aftan við þá
má greinilega sjá enda suðurvarnargarðsins, sem er
ekki fullgerður, í baksýn er Ölafsvíkurenni.
Óþarft er að lýsa þessum stað frekar. Þessi mynd
er órækt vitni þess sem hann er, eins og hann nú er.
hvað þá þegar þessi höfn er orðin það sem hún í fram-
tíðinni á að verða, því eins og kunnugt er, er þessi
höfn enn ekki nema að litlu leyti gerð. Ljósmynda-
vélin sýnir það ótvírætt að hér er ekki unnið fyrir
gíg, eins og margir hafa viljað halda fram undanfarin
ár. Óvíða á landi hér munu slík skilyrði til hafnar-
gerðar eins og einmitt á þessum stað, og eins og
reynsla undanfarinna ára sannar okkur, er óvíða meiri
þörf á góðri höfn og skjótum framkvæmdum eins og
einmitt á þessum stað, því eins og kunnugt er er meiri
hluti íslenzka bátaflotans farinn að sækja mjög á hin
fengsælu fiskimið Breiðafjarðar.
190
VÍKINGUR