Sjómannablaðið Víkingur - 01.06.1975, Blaðsíða 7

Hreíniætið er
fjöregg
fiskiðnaðarins
FV kerfið er þvottasamstæða frá verksmiðjum
Frederiksons i Svíþjóð, er hafa áratuga reynslu i
gerð véla, sem m.a. eru notaðar til að þvo fiskkassa.
Úr þessu kerfi má velja sér samstæður eftir
þörfum, misjafnar að notagildi og mismunandi dýrar.
Þar á meðal er B3/12-106 gerðin á myndinni, sem
forskolar, sápuþvær og hreinskolar lítil og stór ílát,
sem notuð eru í fiskverkun, kjötiðju og mjólkurbúum.
Frederiksons þvottavélarnar eru búnar hinu full-
komnasta úðakerfi, sem hreinsar hvern smá-kima
ilátanna, og er auk þess sparneytið á heita vatniö,
sem það kalda. Allir hlutar Frederiksons vélanna eru
úr ryðfríu stáli eöa ryðvarðir.
SAMBAND ÍSLENZKRA SAMVINNUFÉLAGA
Sjávarafurðadeild
SAMBANDSHUSINU RVÍK, SÍMI 28200
Ekkjumaður kvæntist aftur, en var alltaf að gera
samanburð á nýju konunni og þeirri, sem látin var.
Konunni leiddist þetta, sem von var, og brátt kom í
: Ijós, að hjónin áttu mjög illa skap saman. Einhverju
sinni, er maðurinn lét dæluna ganga um ágæti fyrri
konu sinnar, sællar minningar, svarar síðari konan:
— Eitt get ég sagt þér með sanni! Enginn syrgir
hana meir en ég.
*
Móðirin: „Heyrðu, nú verðurðu að fara að drífa
þig til prestsins og biðja hann um að skira barnið".
Hann (skipasmiður): „Á ég að trúa, að þú viljir
láta slá blessað barnið í höfuðið með flösku?“
*
„Voruð þið að leika fjórhent á píanóið áðan?“
„Já, það vorum við. En hann Siggi er svo seinn, að
hann er ekki búinn ennþá“.
*
Villi: „Kénnarinn segir að við eigum að hjálpa með-
bræðrum okkar“.
Pabbi: „Já, það er alveg rétt“.
Villi: „Hvað eiga þeir þá að gera?“
*
Maður nokkur, sem misst hafði nefið í slysi, var
„boðinn í kaffi“ til K-hjónanna, og húsmóðirin áminnti
dóttur sína um að minnast ekkert á nef mannsins.
Gesturinn kom, það var sezt við kaffiborðið og allt
virtist ætla að ganga vel. Þá sagði telpan upp úr eins
manns hljóði:
„Mamma, hversvegna sagðirðu, að ég mætti ekki
minnast á nefið á honum? Hann hefur alls ekkert nef“.
*
„Mamma, má ég verða prestur, þegar ég verð stór?“
„Já, það máttu gjarnan, góði minn, ef þig langar til
þess“.
„Mig langar mikið til þess. Ég geri ráð fyrir, að ég
verði að fara í kirkju alla ævi hvort sem er, og það
er miklu leiðinlegra að sitja þegjandi allan tímann,
heldur en standa og rausa".
*
„Siggi minn, kanarífuglinn er horfinn", sagði móð-
irin.
„Það þykir mér skrítið. Hann var á sínum stað áðan,
þegar ég hreinsaði hann með ryksugunni“.
*
Mamma: „Langar þig til að fá afmælisköku með
fimm kertum?“
Nonni: „Ég vildi miklu heldur fá fimm kökur og eitt
kerti“.
VÍKINGUE
159