Sjómannablaðið Víkingur - 01.12.1976, Síða 18

Ný
Hrafnista
Laugardaginn 27. nóvember
síðastliðinn var ýmsum gestum
boðið að skoða hina nýju Hrafn-
istu, sem sjómannadagsráð er að
láta byggja í Norðurbænum í
Hafnarfirði. Þetta er mikið hús,
fimm hæðir, að meðtalinni jarð-
hæð.
Mjög vel hefur gengið að reisa
þetta hús og er það nú rúmlega
fokhelt, glerjað og með hita og
verið er að gjöra milliveggi.
Þarna verða herbergi fyrir 87
vistmenn, en auk þess verður þetta
„dagheimili“ fyrir aldraða, eða um
60 manns, sem sækja þangað
margvíslega þjónustu.
Að sögn Péturs Sigurðssonar
form. sjómannadagsráðs er stefnt
að því að ljúka húsinu hið fyrsta,
eða á þessu áriogverðurhornsteinn
lagður og tekin út vígsla þess á
sjómannadaginn 1977. Þá verður
sagt skilmerkilega frá þessu merki-
lega húsi.
Nýja Hrafnísta í Hafnarfirði
Hluti viðstaddra. Á myndinni má ma. þekkja þá Guðmund Ibsen, Gísia Sigur-
björnsson, forstjóra, sem tók fyrstu skóflustunguna að húsinu og Júlíus Kr.
Ólafsson, vélstjóra.
Pétur Sigurðsson í ræðustóli. Á myndinni eru auk hans þeir Tómas Guðjónsson,
Guðmundur H. Oddsson, Anton Nikulásson, Hallgrímur Guðmundsson, Pétur
Jökull Hákonarson, Hilmar Jónsson og Garðar Þorsteinsson.
Séð yfir salinn. Þarna eru mörg þekkt andiit, en flestir þessara manna hafa á
einhvern hátt komið við sögu þessa húss, eða munu gera það.
VÍKINGUR
346