Sjómannablaðið Víkingur - 01.06.1981, Qupperneq 44

þá mundi þetta verða kærkomin
tilbreyting. Um miðjan desember
var hringt í mig frá Norfolk, að
koma til viðtals, en í Norfolk eru
aðalstöðvar NOAA fyrir austur-
ströndina og Mexíkóflóann.
I miðju viðtalinu við aðmírál
Holder, en svo heitir yfirmaður
yfir deildinni í Norfolk, spurði
hann mig hvort ég mundi vera fá-
anlegur til að fara á tveggja vikna
námskeið í stýrimannaskólann í
King’s Point í New York, ef ég
yrði ráðinn. Það kom nú dálítið
flatt upp á mig, svona fyrst að
hugsa til þess að fara aftur í stýri-
mannaskóla, 30 árum eftir að
maður útskrifaðist heima. En
hann útskýrði fyrir mér að þeir
hefðu alltaf svona námskeið
annað slagið fyrir öldungana í
NOAA, og var eitt námskeiðið þá
nýafstaðið. Ég sagði að það væri í
lagi og fór aftur heim við svo búið.
Viku seinna var hringt í mig og
mér sagt að ég væri ráðinn og ég
yrði skipstjóri á Oregon II sem
hefur heimahöfn í Pascagoula í
Mississippi og einnig var mér sagt
hvenær ég ætti að vera mættur í
King’s Point í N.Y. Ég kom þar á
tilsettum tíma og fann þá út að þar
voru komnir 10 lautinantar frá
NOAA á þetta sama námskeið og
voru þeir allstaðar að af landinu,
jafnvel frá vesturströndinni og
Florida, því NOAA hefur skip
bæði á Seattle og Miami.
Við vorum settir tveir saman í
hvert herbergi og þegar ég fór að
kynnast þeim þá voru þetta allt
fínustu félagar. Þeir höfðu gaman
að því að ég var eini og fyrsti
óbreytti borgarinn sem hafði verið
á þessum námskeiðum hjá þeim.
Ég ætla ekki að vera langorður
um námskeiðið, nema það var
gaman að þessu og lærdómsríkt.
Það er margt að rifja upp eftir 30
ár. Þó má ég til með að segja ykkur
lauslega frá skólanum. Hann er í
raun og veru bær út af fyrir sig,
3—4 hæða byggingar á stóru af-
girtu svæði niður við Long Island
sundið skamm't frá Kennedy
flugvellinum. Skólinn er sjálfum
sér nógur með allt, þar eru
læknastofur, verslanir, rakara-
stofa, mötuneyti, póststofa,
banki, íþróttahús og sem sagt allt
sem með þarf. Þar eru tvö skóla-
skip, annað er stór úthafsdráttar-
bátur og hitt 70 feta stálbátur.
í skólanum, sem er 4 ára skóli,
eru um 1200 nemendur, þar af 80
stúlkur. Námið skiptist þannig að
fyrsta árið eru nemendur allt árið í
skólanum, en annað og þriðja árið
eru þeir 6 mánuði í skólanum og 6
mánuði á flutninga- eða olíuskipi,
en fjórða árið eru þeir aftur 12
mánuði í skólanum og fá þá
þriðja stýrimannsréttindi. Eftir að
þeir eru búnir að sigla sem 3., 2., 1.
stýrimaður og taka próf á milli fá
þeir að taka skipstjórapróf.
Þetta er ríkisskóli að öllu
kostnaðarlaus fyrir nemendur, og
ekkert í sambandi við sjóherinn
heldur verslunarflotann.
Einn daginn var farið með
okkur í eina bygginguna og á
þriðju hæð var líkan af brú á
30.000 tonna skipi. Ef ég hefði
ekki vitað ég var inni í húsi á Long
Island hefði ég getað haldið að ég
væri úti á rúmsjó í brúnni á stóru
skipi. Svo var allt sett af stað og
þegar maður leit út um brúar-
gluggana, var ekki hægt að sjá
annað en maður væri á siglingu
inn í höfnina í New York, framhjá
blikkandi baujum, flautandi skip-
um, framhjá Frelsisstyttunni og
inn í Austurána. Jafnvel komu
rokhviður annað slagið. Eftir
klukkutíma siglingu var stigið út á
götu, og læt ég þetta nægja um
King’s Point.
Eftir námskeiðið fór ég heim í
viku en flaug þá til Pascagoula til
að taka við Oregon II. Fyrsti túr-
inn var 18 daga túr við rækju-
merkingar í Mexíkó. Farið var frá
Pascagoula 3. mars og komið að
VÍKINGUR
Hraðfrystihús
Tálknafjarðar h.f.
Tálknafirði — Sími: 94-2530 — 2518
Rekur hraófrystihús
vélsmiðju, síldar- og
fiskimjölsverksmiðju
ennfremur skreiðarverkun.
Útgerð:
B.V. TÁLKNFIRÐINGUR B.A. 325
Kaupum fisk
44