Sjómannablaðið Víkingur - 01.06.1994, Blaðsíða 31
Már Hólm á Kambaröst SU 1:
Við hendum miklu
af mat
- segir smákarfa Kent í stórum stíl, fiski sem getur
verið afbragðsmatur
„Þetta er bara ræfill og það gengur
ekki vel. Það er víða þorskur í kantin-
um. Eg held að ástæðan fyrir því sé sú
að það er enginn til að drepa hann hér
fyrir austan okkur. Ef skipin hefðu
þorskkvóta væri eflaust enginn þorsk-
ur hér,“ sagði Már Hólm á Kamba-
röstinni þegar rætt var við hann. Már
var skipstjóri í túrnum. Þeir voru að
toga á Öræfagrunni og Már lét ekki
vel af aflanum.
„Það getur verið að við séum á réttri
leið með friðunina. Við eigum eftir
um 150 tonn af þorski. Við verðum að
spara kvótann til að geta tekið aðrar
tegundir. Með þessu áframhaldi náum
við að hanga á þessu fram að 1. sept-
ember. Það er bara ekkert upp úr
þessu að hafa.“
Nú er stutt til sjómannadags, eru
kallarnir á Kambaröstinni farnir að
æfa fyrir róðrakeppnina og stakka-
sundið?
„Það er alveg sama hversu lítið
fiskast, það er aldrei tími til að vera í
landi. Það er aldrei stoppað í landi
nema þessa 30 tíma. Það er alveg
sama hvað fiskast eða hvað kvótinn er
lítill, það er aldrei stoppað. Þeir sem
ætla að keppa á Sjómannadaginn geta
ekkert æft. Eg er hættur þessu öllu
maður, ég er orðinn það gamall.“
Þegar gengið var á Má kom fram að
hann er 56 ára.
„Eg keppti í stakkasundi þegar ég
var yngri. Það er stemmning sem fylg-
ir sjómannadeginum. Auk þess er
hann einn af fáum dögum sem við
fáum að vera í landi, sama hvað hver
segir. Þau eru ekki merkileg þessi frí
sem við fáum. Það eru ekki löng jól
þegar komið er inn um miðnætti á
Þorláksmessu og farið út um miðnætti
á jóladag. Varðandi sjómannadaginn
man ég eftir að við komum einu sinni
í land klukkan tíu á sjómanna-
dagsmorgun og fórum beint í róður-
inn.“
31