Sjómannablaðið Víkingur - 01.06.1994, Blaðsíða 34

VÍKINGUR
Gestur Gunnbjörnsson, skipstjóri á Kristbjörgu VE 70:
Aðalmálið að fara út á sjó
og fiska ekki neitt
- segir það einkenna sjósókn að ekki megi veiða þorsk
„Við erum að landa í Vestmanna-
eyjum“, sagði Gestur Gunnbjörnsson,
skipstjóri á Kristbjörgu VE 70, þegar
Víkingurinn hafði samband við hann.
„Við erum nýbyrjaðir á snurvoð og
fáum mest af kola. Það hefur verið
nokkuð rólegt hjá okkur. Við höfum
verið fyrir utan landhelgina og þá
fyrir vestan Eyjar. Aflinn hefur ekki
verið neitt sérstakur, að minnsta kosti
ekki hjá okkur.
Við vorum ekki á netum í vetur, það
má enginn fara á net, það má ekki
veiða fisk lengur. Það er aðalmálið að
fara út á sjó og veiða ekki neitt, þá eru
allir ánægðir og sjósóknin hefur aldrei
verið stífari þrátt fyrir að við megum
ekki veiða neitt.“
Gestur sagðist ekki vita hve mikinn
kvóta þeir ættu eftir því útgerðin væri
með það marga báta og þar af leiðandi
ómögulegt að vita hver bátanna ætti
hvað af kvótanum.
„Við erum sjö á og enginn okkar
hefur nokkurn tíma komið nærri snur-
voð, en mér líkar ágætlega við veiðar-
færið, þó er leiðinlegt að eiga við þetta
þegar búið er að loka öllum helstu
breiðunum. Þessar kolahræður eru
aðallega fyrir innan landhelgina.“
Nú styttist í sjómannadaginn, eru
menn farnir að æfa róðurinn og
koddaslaginn?
„Nei, ég hef ekkert orðið var við
það, en ég reikna nú samt með því að
við keppum í einhverju.“
Hægt að fá þorsk ef menn
ætla sér það
„Það er farið að einkenna sjósókn-
ina að ekki má veiða þorsk og sú regla
gildir að segja hjá öllum. Við höfum
ekki séð mikinn þorsk enda ekkert
verið að leggja okkur eftir því, samt er
nú hægt að fá eitthvað af honum ef
menn eru að eltast við hann.“
En afkoman, versnar hún ekki við
þetta?
„Nei, það vona ég ekki, við höfum
verið meginhlutann af árinu á línu og
eins höfum við fengið ágætt verð fyrir
þessi kolablöð sem við höfum dregið
að landi. Við erum líka það fáir á á
snurvoðinni.“
Kristbjörgin hefur verið mikið á
línu, með beitningarvél:
„Það er harðasta sjósókn sem ég hef
kynnst og ég er feginn að fá hvíld frá
þeim veiðiskap,“ sagði Gestur, áður
en hann kvaddi og lagði strákunum lið
við löndunina.
Það virðist ekki margt benda til að
Gestur fái að veiða meira af þorski á
næsta fiskveiðiári, allavega ekki ef
mið er tekið af þeim upplýsingum
sem þegar liggja fyrir um ástand
þorskstofnsins.
Útgerðarmenn — vélstjórar.
Önnumst allar raflagnir og viögerðir í bátum, skipum og verk-
smiðjum. Áratuga þjónusta viö íslenskan sjávarútveg tryggir
reynslu og öryggi frá sérþjálfuðu starfsfólki.
34