Sjómannablaðið Víkingur - 01.06.1994, Blaðsíða 49

VÍKINGUR
Njáll Guðmundsson sjómaður í tæpa hálfa öld og enn að:
Eg hef aldrei
viljað hætta á
sj ónum
Texti: Haukur Holm.
Ljósmyndir: ]ón Páll Asgeirsson
Hann byrjaði á sjónum fjórtán ára
gamall og er þar enn, nærri hálfri
öld síðar. Hann hefur einu sinni
lent í því að skip hefur sokkið
undan honum eftir að hafa fengið
tundurdufl í vörpuna og einu sinni
kviknaði í togara sem hann var á.
Þrátt fyrir það hvarflaði ekki að
honum að hætta á sjónum og hann
segir að væri hann ungur í dag
legði hann sjómennsku fyrir sig.
Hann heitir Njáll Guðmundsson og
er núna á varðskipinu Oðni.
„Ég byrjaði fjórtán ára gamall og fyrsti báturinn sem
ég var á hét Vinur ÍS 101, tólf tonna bátur.“ Njáll var eitt
sumar á reknetum á Vini. Þetta var auðvitað þrælavinna
fyrir ungan strák, en menn létu sig hafa það. „Svo fór ég
á bát sem hét Harpa og var frá Djúpuvík, með Trausta
Magnússyni. Við vorum á línu á hákarlaveiði. Þá var ég
fimmtán ára.“ Það var því strax ljóst að sjómennska var
HRÖNN HF.
ÍSAFIRÐI
sendir sjómönnum og fisk-
vinnslufólki bestu kveðjur á
sjómannadaginn.
49